အမရပူရမြို့ပြဖွံ့ဖြိုးရေးစီမံကိန်း အပိုင်း(၁)ကို လာမည့် အောက်တိုဘာ လအတွင်း မြေဧက ၆ဝ ပေါ်တွင် စတင်အကောင်အထည်ဖော်ဆောင်ရွက်သွားမည်ဖြစ်ကြောင်း အဆိုပါ စီမံကိန်းမှ ပြန်ကြားရေးတာဝန်ခံ ဦးဇော်ရဲဝင်းက ပြောကြားသည်။
အဆိုပါ စီမံကိန်းကို မြေဧက ၂ဝဝဝ ပေါ်တွင် အပိုင်း ခုနစ်ပိုင်းခွဲ၍ ၁ဝ နှစ် စီမံကိန်းအဖြစ် ဆောင်ရွက် သွားမည်ဖြစ်ပြီး စီမံကိန်းအပိုင်း(၁)ကို မန္တလေးတိုင်းဒေသကြီး အစိုးရအဖွဲ့ က ခွင့်ပြုထားသည့်စီမံကိန်းရုံးများ ဆောက်လုပ်ရန် ဧက ၂ဝ နှင့် စီမံကိန်းဧရိယာမှ ဧက ၄ဝ ပေါ်တွင် အပိုင်း(၁)ဖြင့် စီမံကိန်းဝင်အဆောက် အအုံများ တည်ဆောက်သွားမည်ဖြစ်ကြောင်း သိရသည်။
''ဒီစီမံကိန်းကို စတင်ရေးဆွဲ ကတည်းက ဒေသခံတွေအတွက် ပိုပြီး အကျိုးရှိစေဖို့နဲ့ သဘာဝပတ်ဝန်းကျင် ကို ပိုမိုကောင်းမွန်အောင် ဆောင်ရွက် တာပါ။ စီမံကိန်းနဲ့ပတ်သက်ပြီး အကြံဥာဏ်ရယူပွဲတွေလည်း ပြုလုပ်တဲ့အခါ ဒေသခံတွေရဲ့ ထောက်ခံမှု တွေ၊ သူတို့ရဲ့မြို့ပြဖြစ်ချင်တဲ့ဆန္ဒတွေ သိရှိခဲ့ရပါတယ်။ စီမံကိန်းအပိုင်း (၁)မှာ စီမံကိန်းကာလအတွင်း လက်ရှိအသုံးပြုဖို့ ဆိပ်ကမ်းငယ် တစ်ခုပါမယ်။ နောက်ပိုင်းမှာတော့ ဒီဆိပ်ကမ်းငယ်ကို အဆင့်မြှင့်တင်ပြီး ကုန်းတွင်းကွန်တိန်နာဆိပ်ကမ်းဖြစ်သွားအောင် တည်ဆောက်မယ်။ လူနေအိမ်ခြေ အဆောက်အအုံနဲ့ ဆိုင်ခန်းငယ်တွေပါမယ်။ ပညာရေးနဲ့ ပတ်သက်တဲ့ကျောင်းတွေ ပါမယ်''ဟု ၄င်းကပြောသည်။
အဆိုပါစီမံကိန်းသည် ဧရာဝတီမြစ်ကို မထိခိုက်စေဘဲ ယှဉ်တွဲ တိုးတက်မှုများဖြစ်စေရန် သဘာဝပတ်ဝန်းကျင်ဆိုင်ရာဆန်းစစ်မှုများ၊ မြေအနေအထားဆန်းစစ်မှုများ၊ ငလျင်ဆန်းစစ်မှုများ၊ မြစ်ကြောင်း ဆိုင်ရာ ရေစီးကြောင်းနှင့် တိုက်စား ပို့ချမှုအခြေအနေများကို ဒေါ်လာ သုံးသန်းခန့် အကုန်ကျခံကာ ပြည်တွင်း၊ ပြည်ပပညာရှင်များ၏ အကြံပြုချက်များရယူ၍ လေ့လာ ဆန်းစစ်မှုများ ပြုလုပ်ပြီး ၄င်းဆန်းစစ်ချက်များကို တိုင်းဒေသကြီး အစိုးရအဖွဲ့မှတစ်ဆင့် ပြည်ထောင်စုအဆင့်ထိ တင်ပြဆောင်ရွက်ခဲ့ခြင်းဖြစ်ကြောင်း သိရသည်။
''ကျွန်တော်တို့ အမရပူရမြို့နယ်ရဲ့ ရပ်ကွက်ကြီးလေးခုမှာ မိုးတွင်းကာလဆိုရင် လူဦးရေ ၉ဝဝဝ ကျော်ဟာ နှစ်စဉ် ရေကြီးရေလျှံမှုတွေ ဖြစ်ပေါ်တဲ့အတွက် ဒီဒုက္ခကို ခံစားရပါတယ်။ ဒီရေဆိုးတွေက မန္တလေး လေးမြို့နယ်က စွန့်ပစ်တဲ့ ရေဆိုး၊ ရေပုပ်တွေဖြစ်ပါတယ်။ အခုတော့ အမရပူရမြို့ပြဖွံ့ဖြိုးရေးစီမံကိန်းရဲ့ တစ်စိတ်တစ်ပိုင်းအဖြစ် လက်ရှိ ရေဆိုးထုတ်စက်ရုံကို အဆင့်မြှင့်တင်ပြီး လှူဒါန်းခဲ့တဲ့အတွက် ဒီဒုက္ခတွေ ခံစားရမှာ မဟုတ်တော့တဲ့အတွက် ကျေးဇူးတင်ပါတယ်။ အမရပူရမြို့ပြ ဖွံ့ဖြိုးရေးစီမံကိန်းကလည်း စနစ်တကျလုပ်ဆောင်မှာ သိရတဲ့အတွက် ဝမ်းမြောက်ဝမ်းသာ ကြိုဆိုသလို၊ သဘောလည်းတူပါတယ်''ဟု အမရပူရ မြို့နယ် ကျန်တန်းရပ်ကွက် အုပ်ချုပ် ရေးမှူး ဦးခင်မောင်စန်းက ပြောသည်။
အဆိုပါ အပိုင်း(၁) စီမံကိန်း မစတင်မီ သြဂုတ်လကုန်ပိုင်းတွင် စီမံကိန်းအနီးရှိ မြို့ပတ်လမ်း တစ်လျှောက်တွင် လက်ရှိလေးလမ်း သွားမှ ခြောက်လမ်းသွားလမ်းမကြီး အဖြစ် အဆင့်မြှင့်တင်ဆောင်ရွက်ရန် အကြိုလုပ်ငန်းများ စတင်လုပ်ဆောင် နေပြီဖြစ်ကြောင်း သိရသည်။
''ကျွန်တော်တို့ ကုမ္ပဏီက စီမံကိန်း ဧရိယာနဲ့ဆက်စပ်နေတဲ့ ပတ်ဝန်းကျင်က ဒေသခံတွေ လူမှုဘဝအဆင့် မြှင့်တင်ရေး CSR ဆိုတဲ့ လုပ်ငန်းတွေကို ဆောင်ရွက်ပေးဖို့လည်း ရှိပါတယ်။ ပထမဆုံး ရေဆိုးစက်ရုံ အဆင့်မြှင့်တင်ပြီး လှူဒါန်းခဲ့ပါတယ်။ ဒီလမ်းမကြီးက Main လမ်းကြီးဖြစ် နေတဲ့အတွက် စီမံကိန်းမစတင်သေး ပေမယ့်လည်း လမ်းပန်းဆက်သွယ် ရေး၊ ကူးသန်းရောင်းဝယ်ရေးတွေ အဆင်ပြေချောမွေ့စေဖို့ ဆောင်ရွက် ပေးတာပါ''ဟု ဦးဇော်ရဲဝင်းက ဆက်လက်ပြောသည်။
ထို့အပြင် ဧရာဝတီမြစ်၏ အဖိုးတန်ရတနာများ ဖြစ်သည့် ဧရာဝတီလင်းပိုင်များကို ထိန်းသိမ်း စောင့်ရှောက်နေသော ဒေသခံ အဖွဲ့အစည်းများကို CSR အစီအစဉ် ရန်ပုံငွေထဲမှ ပုံမှန်ထိန်းသိမ်းစောင့် ရှောက်နိုင်ရေးအတွက် လိုအပ်သည့် ကူညီထောက်ပံ့မှုများကိုလည်း ပံ့ပိုး ပေးသွားမည်ဖြစ်ကြောင်း သိရသည်။
အဆိုပါစီမံကိန်းတွင် မန္တလေး မြို့တော်စည်ပင်သာယာရေးကော်မတီ မှ ရင်းနှီးမြှုပ်နှံခြင်း မရှိသော်လည်း စီမံကိန်းဆောင်ရွက်ရန် စာချုပ် ချုပ်ဆိုစဉ်ကတည်းက လုပ်ငန်း၏ အကျိုးအမြတ်ထဲမှ ၂၅ ရာခိုင်နှုန်း အကျိုးအမြတ်အဖြစ် လမ်းမကြီးများ၊ တံတားများ၊ ပန်းခြံများ၊ ရေသန့်စင် ထုတ်သည့် စနစ်များ၊ အများနှင့်ဆိုင် သည့် အဆောက်အအုံများ၊ ဆေးပေး ခန်း၊ ဆေးရုံ၊ အုပ်ချုပ်ရေးမှူးရုံး၊ အားကစားရုံ၊ စာကြည့်တိုက်၊ အသက်မွေးဝမ်းကျောင်းပညာသင် ကျောင်းနှင့် ဝန်ထမ်း အိမ်ရာပေါင်း ၁၂ဝဝ ကို တည်ဆောက်ပေးမည်ဖြစ် ကြောင်း သိရသည်။
Credit: The Mirror
