တောင်တရုတ်ပင်လယ်အတွင်း လူပေါင်း ၁၀၀၀ ကျော်နေထိုင်လျက်ရှိကာ အာဆီယံနိုင်ငံအချို့နှင့် ပိုင်နက်အငြင်းပွားလျက်ရှိသော ကျွန်းတစ်ခုပေါ်တွင် နည်းပညာမြင့် ရုပ်ရှင်ရုံတစ်ခု တရုတ်က ဆောက်လုပ်လျက်ရှိကြောင်း စီအင်န်အင်န်သတင်းတစ်ရပ်တွင် ဖော်ပြသည်။
ဆင်ဟွာသတင်းဌာနက ထုတ်ပြန်ရာတွင် ယခုဆောက်လုပ်လိုက်သည့် ရုပ်ရှင်ရုံသည် ပါရာဆယ်လ်ကျွန်းစုများအတွင်းရှိ ဝုဒီကျွန်း (တရုတ်အခေါ်-ယောင်ရှင်းကျွန်း) ပေါ်တွင် တည်ရှိပြီး တရုတ်ပြည်၏ တောင်ဘက်ဖျားအကျဆုံးဖြစ်သည်။
ရုပ်ရှင်ရုံတွင် ပရိုဂျက်တာ ၄ ခု ပါဝင်ပြီး ထိုင်ခုံ ၂၀၀ ဝင်ဆန့်သည်။
ဝုဒီကျွန်းသည် စတုရန်းတစ်မိုင်ပတ်လည် (၂ ဒသမ ၆ စတုရန်းကီလိုမီတာ) အကျယ်အဝန်းရှိပြီး တရုတ်ပြည်ဟိုင်နန်မှ မိုင် ၂၀၀ ခန့် ( ၃၂၀ ကီလိုမီတာ) အကွာတွင်တည်ရှိကာ ထိုင်ဝမ်နှင့်ဗီယက်နမ်နှစ်နိုင်ငံကလည်း ပိုင်ဆိုင်သည်ဟု ပြောကြားထားကြသော ကျွန်းဖြစ်သည်။
“ ဒီရုပ်ရှင်ရုံမှာ နေ့တိုင်း အနည်းဆုံးရုပ်ရှင်တစ်ကား ပြသသွားဖို့စီစဉ်ထားပါတယ်။ ယောင်ရှင်းကျွန်းမှာရှိတဲ့ ဒေသခံတွေနဲ့ စစ်သည်တွေဟာ ပြည်မကြီးက ရုပ်ရှင်ချစ်သူတွေနည်းတူ အပန်းဖြေနိုင်ကြတော့မှာ ဖြစ်ပါတယ် ” ဟု ဟိုင်နန်မီဒီယာအုပ်စုမှ အထွေထွေမန်နေဂျာ ဂူရှောက်ဂျင်က ပြောကြားသည်။
အဆိုပါကုမ္ပဏီသည် အနီးဝန်းကျင်ကျွန်းစုများတွင်လည်း အခမဲ့ရုပ်ရှင်ပြသနိုင်ရန်အတွက် ရွေ့လျားရုပ်ရှင်ပြစက် ၂ ခုဝယ်ယူခဲ့သည်ဟု
ဆိုသည်။တရုတ်အစိုးရပိုင်သတင်းမီဒီယာတို့၏ ထုတ်ပြန်ချက်အရ ဝုဒီကျွန်းပေါ်တွင် လူပေါင်း ၁၁၀၀ ဝန်းကျင်ခန့် နေထိုင်လျက်ရှိသည်ဟု ဆိုသည်။
တရုတ်နိုင်ငံသည် တောင်တရုတ်ပင်လယ်ရေပိုင်နက်နှင့် စပ်လျဉ်း၍ ထိုင်ဝမ်၊ မလေးရှား၊ ဘရူနိုင်း၊ ဗီယက်နမ်၊ ဖိလစ်ပိုင်နိုင်ငံများနှင့် အငြင်းပွားမှုများ ဖြစ်ပွားလျက်ရှိနေသည်။
တောင်တရုတ်ပင်လယ်အတွင်းရှိ စပရက်တ်လေကျွန်း၊ ပါရာဆယ်ကျွန်း၊ စကားဘရို့ခ်ျကျောက်တန်းတို့ကို ကွပ်ကဲစောင့်ကြပ်ရန် ရည်ရွယ်ကာ ဝုဒီကျွန်းပေါ်တွင် ဆန်ရှာအမည်ရှိ မြို့သစ်တစ်ခုကို ၂၀၁၂ ခုနှစ်တွင် တည်ထောင်ခဲ့သည်။
Asia Maritime Transparency Initiative ၏ ထုတ်ပြန်ချက်အရ တောင်တရုတ်ပင်လယ်အတွင်းရှိ လူလုပ်ကျွန်းတုများပေါ်တွင် လေယာဉ်ကွင်းများနှင့် နည်းပညာမြင့်ရေဒါများ ဆောက်လုပ်၊ တင်ဆင်ပြီးစီးထားပြီဖြစ်သည်ဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
