ကမ္ဘောဒီးယားနိုင်ငံတွင် ဆောက်လုပ်ရေးကဏ္ဍ၌ လုပ်ကိုင်လျက်ရှိသော လုပ်သားများမှာ လစာဖြင့်အားလပ်ရက် (paid holiday) ခံစားခွင့် မရကြကြောင်း မကြာသေးမီက စစ်တမ်းတစ်ရပ်တွင် တွေ့ရှိသည်ဟု ကမ္ဘောဒီးယားအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
ကမ္ဘောဒီးယား အဆောက်အအုံနှင့်သစ်လုပ်ငန်းလုပ်သားများကုန်သွယ်မှုသမဂ္ဂ (BWTUC) မှပြုလုပ်ခဲ့သည့် သုတေသနစစ်တမ်းတွင် ဖနွမ်းပင်မြို့တွင်းရှိ ဆောက်လုပ်ရေးလုပ်ငန်းခွင် ၄၈ ခုမှ ဆောက်လုပ်ရေးလုပ်သားပေါင်း ၁၀၀၀ ကျော်ကို တွေ့ဆုံမေးမြန်းခဲ့ခြင်း ဖြစ်သည်။
အဆိုပါ စစ်တမ်းအရ လုပ်သားအများစုမှာ လစာဖြင့်အားလပ်ရက်သတ်မှတ်ခံစားခွင့် မရရှိကြကြောင်း တွေ့ရှိခဲ့ကြသည်။
လုပ်သား ၇၉ ရာခိုင်နှုန်းကမူ လစာမဲ့ခွင့် (unpaid leave) ရရှိကြသည်ဟု ဆိုသည်။
တွေ့ရှိချက်များအရ ဝန်ထမ်းထက်ဝက်ကျော်မှာ ဆောက်လုပ်ရေးလုပ်ငန်းသို့ မဝင်ရောက်မီ မူလက လယ်သမားများဖြစ်ခဲ့ကြကြောင်း တွေ့ရှိခဲ့သည်။
လုပ်သား ၉၀ ရာခိုင်နှုန်းကျော်မှာ အမျိုးသားလူမှုဖူလုံရေးရန်ပုံငွေ (NSSF) ကို မကြားဖူးကြကြောင်း ဖြေဆိုကြပြီး ၁၂ ရာခိုင်နှုန်းက မကြာခဏထိခိုက်ဒဏ်ရာရနေကြသော လုံခြုံမှုမရှိသည့်လုပ်ငန်းခွင်များတွင် လုပ်ကိုင်နေကြရကြောင်း ဖြေကြားခဲ့ကြသည်။
“ကျွန်တော်တို့ရဲ့ စစ်တမ်းကို ဇန်နဝါရီလက စတင်ခဲ့ပြီး အပြီးသတ်နိုင်တဲ့အထိ ၆ လလောက် အချိန်ယူခဲ့ရပါတယ်” ဟု BWTUC ၏ ဥက္ကဌဖြစ်သူ ဆော့ခ်ကင်က ပြောကြားခဲ့ပြီး ယခုစစ်တမ်းမှာ တစ်နိုင်ငံလုံးအတိုင်းအတာပြုလုပ်သွားမည့်စစ်တမ်း၏ ရှေးဦးခြေလှမ်းဖြစ်ကြောင်း ၊ ယခုစစ်တမ်းတွင် ဆောက်လုပ်ရေးလုပ်သားပေါင်း ၁၀၁၀ ဦးကို တိုက်ရိုက်တွေ့ဆုံမေးမြန်းခဲ့ခြင်းဖြစ်ကြောင်း ပြောကြားသည်။
ယခုတွေ့ဆုံခဲ့သူများအနက် ၇၅၀ ဦးမှာ လူနေအဆောက်အအုံဆောက်လုပ်သည့်လုပ်ငန်းခွင်များမှဖြစ်ပြီး ၁၇၄ ဦးမှာ စီးပွားရေးလုပ်ငန်းဆိုင်ရာ အဆောက်အအုံလုပ်ငန်းခွင်မှဖြစ်ကာ ၅၅ ဦးမှာမူ အခြေခံအဆောက်အအုံဆောက်လုပ်ရေး လုပ်ငန်းခွင်များမှ ဖြစ်သည်။
“ကျွန်တော်တို့ နိုင်ငံမှာ ဆောက်လုပ်ရေးလုပ်သားတွေ ရင်ဆိုင်နေရတဲ့ အခြေအနေတွေက ဆိုးရွားနေဆဲပါပဲ၊ လုပ်ငန်းခွင် အခြေအနေ၊ လုပ်ခ၊ ကျန်းမာရေးစောင့်ရှောက်မှုနဲ့ လုံခြုံမှုဆိုင်ရာတွေမှာ အားနည်းနေဆဲပါ” ဟု မစ္စတာကင်က ပြောကြားသည်။
၂၀၁၆ ခုနှစ်အချက်အလက်များအရ ကမ္ဘောဒီးယားနိုင်ငံတွင် ဆောက်လုပ်ရေးလုပ်သားပေါင်း ၁၉၀၀၀၀ မှ ၂၀၀၀၀၀ ကြားရှိနေသည်။
ဆောက်လုပ်ရေးလုပ်သားအများစုမှာ တစ်ရက်လျှင် ၈ နာရီ၊ တစ်ပတ်လျှင် ၆ ရက်အလုပ်လုပ်နေကြရပြီး ပျှမ်းမျှ နေ့စဉ်လုပ်ခမှာ ကန်ဒေါ်လာ ၇ ဒသမ ၅၀ (မြန်မာငွေ ၁၀၂၁၇ ကျပ်ခန့်) သာ ရရှိကြသည်ဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
