နိုင်ငံတစ်နိုင်ငံတွင် အစိုးရနှင့် စီးပွားရေး အင်စတီကျူးရှင်းများသည် နည်း လမ်းများစွာ၌ တစ်ခုနှင့်တစ်ခု အပြန်အလှန် ဆက်နွှယ်မှုနှင့် အပြန်အလှန် မှီခိုမှုတို့ ရှိကြသည်။ ယနေ့ကမ္ဘာ့စီးပွားရေးတွင် လုပ်ငန်းရှင်များနှင့် စွန့်ဦးလုပ် ကိုင်သူများသည် နိုင်ငံ၏ စီးပွားရေးကို မောင်းနှင်သည့် အင်အားစုများ ဖြစ်ကြ သည်။ စီမံကိန်းချထားသော စီးပွားရေးဖြစ်စေ ဈေးကွက်စီပွားရေးဖြစ်စေ အစိုးရသည် နိုင်ငံ၏ စီးပွားရေးလှုံ့ဆော်မှုများ ပုံဖော်ခြင်းကို ထိန်းချုပ်ထား သည်။ စဉ်ဆက်မပြတ် စီးပွားရေး တိုးတက်ကြီးထွားအောင် ထိန်းသိမ်းရန်အ တွက် အစိုးရသည် စီးပွားရေးအင်စတီကျူးရှင်းများဝန်းကျင်ကို သင့်တော်မှန် ကန်အောင် ပြုလုပ်ရန် ကြိုးပမ်းရမည်ဖြစ်သည်။ အစိုးရက လွယ်ကူချောေ မွ့ပြီး မျှတသော ပြိုင်ဆိုင်မှုဖြစ်ရေး သေချာအောင် ဥပဒေများ ချမှတ်ထားရ မည်ဖြစ်ပြီး စီးပွားရေးအင်စတီကျူးရှင်းများက လိုက်နာဆောင်ရွက်ရ မည်ဖြစ်သည်။
စီးပွားရေးအင်စတီကျူးရှင်းများ၏ ပင်မရည်မှန်းချက်သည် အကျိုးအမြတ် ရရှိရေးဖြစ်ပြီး အစိုးရ၏ ရည်မှန်းချက်သည် စီးပွားရေးတည်ငြိမ်ရေးနှင့် ကြီး ထွားရေးဖြစ်ပေါ်ရန် သေချာစေရေးဖြစ်သည်။ ထုိ့ကြောင့် ရည်မှန်း ချက်နှစ် ရပ်မှာ အကြီးအကျယ် ကွဲပြားခြားနားသည်ဟု ဆိုနိုင်သော်လည်း အပြန်အ လှန် မှီခိုလျက်ရှိသည်။ ယင်းအတွက် အစိုးရနှင့် စီးပွားရေးအင်စတီကျူးရှင်း များသည် အမြဲတမ်း တစ်ခုနှင့်တစ်ခု သြဇာလွှမ်းမိုးနိုင်ရန်နှင့် ဆွဲဆောင်သိမ်း သွင်းနိုင်ရန် အကြောင်းအရာ အမျိုးမျိုး နည်းလမ်းအမျိုးမျိုး၌ ကြိုးပမ်းနေကြ သည်။ အစိုးရနှင့် စီးပွားရေးအင်စတီကျူးရှင်းများအကြား ဟန်ချက်ညီသော ဆက်ဆံရေးသည် နိုင်ငံတော်နှင့် ယင်းနိုင်ငံ၏ စီးပွားရေး တိုးတက်ကြီးထွားေ ရးအတွက် မဖြစ်မနေ လိုအပ်သည်။
စီးပွားရေးအင်စတီကျူးရှင်းများက ၎င်းတို့လုပ်ငန်းများ အကျိုးအမြတ်ရရှိရေး လမ်းကြောင်းအတိုင်း အစိုးရကို တွန်းအားပေးမည်ဖြစ်သည်။ သို့သော် ၎င်း တို့အနေဖြင့် ဥပဒေနှင့်လျော်ညီစွာ တရားဝင်နည်းလမ်းအတိုင်း သွားရန် လိုအပ်သည်။ တစ်ခါတစ်ရံတွင် စီးပွားရေး အင်စတီကျူးရှင်းများသည် အစိုးရ ကို တွန်းအားပေးရာတွင် စည်းများဘောင်များအား ကျော်လွန်သွားသည်ကို လည်း တွေ့ရှိရတတ်သည်။ ထို့အတူ အစိုးရကလည်း စည်းမျဉ်းစည်းကမ်းများ ချမှတ်အကောင်အထည်ဖော်ခြင်းဖြင့် တိုက်ရိုက်သော်လည်းကောင်း သွယ် ၀ိုက်၍သော်လည်းကောင်း စီးပွားရေးလုပ်ငန်းများ လုပ်ဆောင်မှုကို ပုံသွင်း ပုံဖော်နိုင်ရန် ကြိုးပမ်းကြသည်။ အစိုးရသည် စီးပွားရေးအင်စတီကျူးရှင်းများ လုပ်နိုင် သို့မဟုတ် မလုပ်နိုင်အောင် စည်းမျဉ်းစည်းကမ်းများနှင့် ဥပဒေများကို ချမှတ်လုပ်ဆောင်ခြင်းမှတစ်ဆင့် ၎င်းတို့အပေါ် သြဇာလွှမ်းမိုးအောင် တိုက်ရိုက်ကြိုးပမ်းသည်လည်း ရှိသည်။
အစိုးရအဖွဲ့များသည် တစ်ခါတစ်ရံ၌မူ စီးပွားရေးအင်စတီကျူးရှင်းများ၏ လုပ်ဆောင်ချက်များကို ပုံသွင်းရန် သွယ်ဝိုက်သော နည်းလမ်းများကို ကျင့်သုံး တတ်သည်။ ဥပဒေများ သို့မဟုတ် စည်းမျဉ်းစည်းကမ်းများ ချမှတ်အကောင်အ ထည်ဖော်သော်လည်း အမြဲတမ်း မဖြစ်မနေ လုပ်ရသည်ကား မဟုတ်ပေ။ ဥပမာအားဖြင့် အစိုးရသည် တစ်ခါတစ်ရံတွင် အခွန်အတုတ် ကောက်ခံခြင်းမှ တစ်ဆင့် စီးပွားရေးအင်စတီကျူးရှင်းများ၏ မူဝါဒများ ပြောင်းလဲသွားအောင် ကြိုးပမ်းကြသည်။ ကုန်ထုတ်လုပ်သည့် စက်ရုံများတွင် ပတ်ဝန်းကျင် ထိန်း သိမ်းရေးနှင့် လျော်ညီသော အညစ်အကြေး စွန့်ပစ်မှုစနစ်ရှိအောင် အခွန်ေ ကာက်ခံခြင်းမှတစ်ဆင့် မက်လုံးပေးခြင်းမျိုးဖြစ်သည်။
မည်သို့ပင်ဆိုစေကာမူ အစိုးရနှင့် စီးပွားရေးအင်စတီကျူးရှင်းများအကြား ဆက်ဆံရေးသည် နိုင်ငံနှင့် နိုင်ငံ၏စီးပွားရေး တိုးတက်ဖွံ့ဖြိုးရေး ကို ရှေး ရှုလျက် ဟန်ချက်ညီရန် လိုအပ်ပါကြောင်း The Daily Eleven သတင်းစာ က ရေးသားအပ်ပါသည်။
Credit: Eleven Media Group
