ဒုတိယကမ္ဘာစစ်ကြီးကို အနိုင်တိုက်ခဲ့သူ ဗြိတိန်ဝန်ကြီးချုပ်ဟောင်း ဝင်စတန်ချာချီ နေထိုင်ခဲ့ဖူးသည့် duplex တိုက်ခန်း အငှားဈေးကွက်ဝင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
အင်္ဂလန်နိုင်ငံ ဒုတိယကမ္ဘာစစ်ကြီးအတွင်းသို့ဝင်ရန် ပြင်ဆင်နေစဉ်ကာလအတွင်း ဝင်စတန်ချာချီသည် အဆိုပါတိုက်ခန်းတွင် အခြားနိုင်ငံရေးသမားတို့နှင့် မကြာခဏတွေ့ဆုံဆွေးနွေးခဲ့ဖူးသည်ဟု ဆိုသည်။
ပဉ္စမထပ်နှင့် ဆဌမထပ်နှစ်လွှာပူးတွဲပါဝင်သည့် လူနေခန်း၏ စုစုပေါင်းအကျယ်အဝန်းမှာ စတုရန်းပေ ၂၇၅၈ ရှိပြီး ငှားရမ်းခမှာ တစ်ပတ်လျှင် ပေါင် ၂၂၅၀ (ကန်ဒေါ်လာ ၂၉၃၃) ဖြင့် ငှားရမ်းမည်ဟု ဈေးနှုန်းသတ်မှတ်ထားသည်။
ဝက်စ်မင်နစ်စတာဘုရားရှိခိုးကျောင်းကို စီးမိုးမြင်နေရပြီး အင်္ဂလန်နိုင်ငံ၊ လန်ဒန်မြို့၊ သိမ်းမြစ်မြောက်ဘက်ကမ်း၊ ဝက်စ်မင်နစ်စတာအရပ်ရှိ မော်ပါ့သ် မန်းရှင်းအဆောက်အအုံကြီးတွင် ဝိတိုရိယဘူတာရုံသို့ လမ်းလျှောက်သွားရုံဖြင့် ရောက်ရှိနိုင်သည်။
“ဒီအိမ်ခန်းက တကယ့်နေရာကောင်းမှာရှိတယ်။ ဝိတိုရိယရဲ့ တောင်ဘက်လေးတင် ကပ်လျက်ပဲ” ဟု Knight Frank’s ၏ ဝိတိုရိယရုံး မန်နေဂျာ အင်မာဗင်းဆင့်က ပြောကြားသည်။
“ကော်ဖီဆိုင်၊ စားသောက်ဆိုင်တွေ ပေါများပြီး ဝိတိုရိယဘူတာရုံကို ၅ မိနစ်လောက် လမ်းလျှောက်သွားရုံနဲ့ ရောက်ပါတယ်။ ဒီဘူတာက လန်ဒန်မှာ သွားလာရအကောင်းဆုံးဘူတာတွေထဲမှာ တစ်ခုအပါအဝင်ပါ” ဟု အင်မာဗင်းဆင့်က ဆက်လက်ပြောကြားသည်။
အဆောက်အအုံရှိ ဆိုင်းဘုတ်ငယ်တစ်ခုတွင် ရေးသားဖော်ပြထားရာ၌ ဝင်စတန်ချာချီတို့မိသားစုသည် အဆိုပါအခန်းတွင် ၁၉၃၀ ပြည့်နှစ်မှ ၁၉၃၉ ခုနှစ်အထိ နေထိုင်သွားခဲ့သည်ဟု ဆိုသည်။
အချို့သူများက ပြောကြားရာတွင်မူ ၁၉၃၂ ခုနှစ်အထိ ဝင်စတန်ချာချီလာရောက်နေထိုင်ခြင်းမရှိသေးဟုလည်း ဆိုကြသည်။
၁၉၃၉ ခုနှစ်၊ စက်တင်ဘာလ ၂ ရက်တွင် ဝင်စတန်ချာချီနှင့် ပါလီမန်အမတ်များ အဆိုပါအခန်းတွင် တွေ့ဆုံကာ ဟစ်တလာကို ရာဇသံပေးစာ ထုတ်ပြန်ရန် ဝန်ကြီးချုပ် နဗီးလ် ချိန်ဘာလိန်ထံ တိုက်တွန်းသည့်ပေးစာကို ရေးသားခဲ့ကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
