လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီဥက္ကဋ္ဌတောင်သူလယ်သမားအခွင့်
အရေးကာကွယ်ရေးနှင့် အကျိုးစီးပွားမြှင့်တင်ရေး ဦးဆောင်အဖွဲ့ခေါင်းဆောင် ဒုတိယသမ္မတ ဦးဟင်နရီဗန်ထီးယူသည် စစ်ကိုင်းတိုင်းဒေသကြီးဝန်ကြီးချုပ် ဒေါက်တာမြင့်နိုင်နှင့်အတူ ယနေ့နံနက်ပိုင်းတွင် စစ်ကိုင်းတိုင်းဒေသကြီး ရွှေဘိုခရိုင် တန့်ဆည်မြို့နယ်ခန်းမ၌ ကျင်းပသည့် စိုက်ပျိုးရေး၊
မွေးမြူရေးနှင့် ဆည်မြောင်းဝန်ကြီးဌာန စိုက်ပျိုးရေးဦးစီးဌာနမှ ပြန်လည်စွန့်လွှတ်သည့်မြေများအား မူလတောင်သူများထံသို့ ယာယီလုပ်ပိုင်ခွင့်ပြုလက်မှတ်(ပုံစံ-၃) ပေးအပ်ပွဲအခမ်းအနားသို့ တက်ရောက်အမှာစကားပြောကြားသည်။
အခမ်းအနားတွင် ဒုတိယသမ္မတက ၂ဝ၁၇ ခုနှစ် မတ်လအတွင်းက စစ်ကိုင်းတိုင်းဒေသကြီး ကန့်ဘလူမြို့နယ် ပဇီကြီးကျေးရွာအုပ်စု
အတွင်း စွန့်လွှတ်မြေဧရိယာ ၃၇၉၂ ဒသမ ၄၆ ဧကကို တောင်သူ
၂၂၈ ဦးထံ ပြန်လည်လွှဲပြောင်းပေးအပ်ခဲ့ပြီးဖြစ်ကြောင်း။
ယနေ့အခမ်းအနားတွင် ရွှေဘိုခရိုင် တန့်ဆည်မြို့နယ်ရှိ စိုက်ပျိုးရေးဦးစီးဌာနမှ မျိုးသန့်ခြံအဖြစ်အသုံးပြုခဲ့သည့် ဧရိယာ ၃၇၂၆ ဧကအနက် ၂၅၂၆ ဧကကို နိုင်ငံတော်သို့ပြန်လည်အပ်နှံခဲ့ပြီး ယင်းအပ်နှံမြေဧရိယာထဲမှ ၇၃၈ ဒသမ ၉၉ ဧကကို မူလတောင်သူ ၂၃၉ ဦးထံ လယ်ယာမြေလုပ်ကိုင်ခွင့်ပြု လက်မှတ်ထပ်မံပေးအပ်နိုင်ခဲ့သည့်အတွက် အလွန်ဝမ်းမြောက်ဖွယ်ကောင်းသည့်နေ့ဖြစ်ပြီး ပြန်လည်စွန့်လွှတ်ပေးခဲ့သည့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနနှင့် ပြန်လည်လွှဲပြောင်းပေးနိုင်ရေး ကြိုးပမ်းဆောင်ရွက်ပေးသည့် စစ်ကိုင်းတိုင်းဒေသကြီးအစိုးရအဖွဲ့နှင့် ကော်မတီအဆင့်ဆင့်ကို အသိအမှတ်ပြုဂုဏ်ပြုရမည်ဖြစ်ကြောင်း။
စစ်ကိုင်းတိုင်းဒေသကြီးအစိုးရအဖွဲ့အနေဖြင့် တောင်သူလယ်သမားများ အကျိုးအတွက်စဉ်းစား၍ လယ်မဲ့၊ ယာမဲ့များအတွက် မြေယာများဖော်ထုတ် ဆောင်ရွက်ပေးနိုင်သည်ကို တွေ့မြင်ရသည့်အတွက် ချီးကျူးဂုဏ်ပြုပါကြောင်း၊ တောင်သူလယ်သမားများအနေဖြင့်လည်း စိုက်ပျိုးရေးနှင့် မွေးမြူရေးထွက်ကုန်များ တိုးတက်ထုတ်လုပ်နိုင်အောင် ကြိုးပမ်းဆောင်ရွက်သွားကြရန် တိုက်တွန်း လိုကြောင်း။
နိုင်ငံတော်အစိုးရအနေဖြင့် ဘက်ပေါင်းစုံက နိုင်ငံဖွံ့ဖြိုးတိုးတက်အောင် ဆောင်ရွက်ပေးလျက်ရှိသော်လည်း သဘာဝဘေးအန္တရာယ်ကြောင့် ပျက်စီး ဆုံးရှုံးနစ်နာမှုများ နှစ်စဉ်ဖြစ်ပေါ်လျက်ရှိရာ ယင်းဆုံးရှုံးမှုများကို တတ်နိုင်သမျှ လျော့ပါးသက်သာအောင်ဆောင်ရွက်နိုင်မှ မိမိတို့ကြိုးပမ်းအားထုတ်မှုများ အရာထင်မည်ဖြစ်ကြောင်း။
တောင်သူများအတွက် ရေ၊ မြေ၊ လုပ်သား၊ စိုက်ပျိုးစရိတ်လိုအပ်ချက်များအပြင် သီးနှံထွက်ချိန်တွင် ဈေးကောင်းရရှိရေးသည်လည်း အရေးကြီးသည့်အတွက် ဈေးကွက်၏အနေအထားနှင့်ဝယ်လိုအားတို့အပေါ်မူတည်ပြီး ထိုက်သင့်သည့်ဈေးနှုန်းရရှိရေးကို နိုင်ငံတော်အနေဖြင့် အလေးထားဆောင်ရွက်ပေး လျက်ရှိကြောင်း။
နိဂုံးချုပ်အနေဖြင့် စိုက်ပျိုးရန်လယ်ယာမြေများ လက်ဝယ်ပြန်လည်ရရှိပြီးဖြစ်သည့် တောင်သူများအနေဖြင့်လည်း နိုင်ငံတော်၏စေတနာကို သိမြင်နားလည်ပြီး မိမိတို့ တစ်မိသားစုဝမ်းစာဖူလုံရေးမှသည် နိုင်ငံ့စီးပွားတိုးတက်မှုကို အထောက်အကူပြုနိုင်သည့် ကုန်ထုတ်လယ်ယာမြေများဖြစ်အောင် ကြိုးပမ်းဆောင်ရွက်ပေးကြစေလိုကြောင်း ပြောကြားသည်။
ယင်းနောက် စစ်ကိုင်းတိုင်းဒေသကြီး လယ်ယာမြေနှင့် အခြားမြေများ သိမ်းဆည်းခံရမှုများ ပြန်လည်စိစစ်ရေးကော်မတီဥက္ကဋ္ဌ တိုင်းဒေသကြီးဝန်ကြီးချုပ် ဒေါက်တာမြင့်နိုင်က စစ်ကိုင်းတိုင်းဒေသကြီးအနေဖြင့် လယ်ယာမြေနှင့် အခြားမြေများ သိမ်းဆည်းခံရမှုများကြောင့် ပြည်သူများနစ်နာမှုမရှိစေရေး လျင်မြန်စွာဆောင်ရွက်နိုင်ရန်အတွက် ဗဟိုကော်မတီ၏ ညွှန်ကြားချက်များနှင့်အညီ လယ်ယာမြေနှင့် အခြားမြေများသိမ်းဆည်းခံရမှု ကော်မတီအဆင့်ဆင့်ကို ဖွဲ့စည်းတာဝန်ပေးအပ်ခဲ့ပြီး ဆောင်ရွက်လျက်ရှိကြောင်း။
တောင်သူများသို့ ယခုကဲ့သို့ ယာယီလုပ်ပိုင်ခွင့်ပြုလက်မှတ် ပုံစံ (၃) ထုတ်ပေးပြီးသည့်နောက် သားစဉ်မြေးဆက်လုပ်ပိုင်ခွင့်ရရှိစေရန် ၂ဝ၁၂ ခုနှစ် လယ်ယာမြေဥပဒေနှင့်အညီ လယ်ယာမြေလုပ်ပိုင်ခွင့်ပြုလက်မှတ်ပုံစံ(၇)ရရှိ ရေးအတွက် ဆက်လက်ဆောင်ရွက်ပေးသွားမည်ဖြစ်ကြောင်း။
တိုင်းဒေသကြီးအတွင်း ဖြေရှင်းဆောင်ရွက်ပေးရမည့် ကျန်ရှိနေသော တိုင်ကြားစာများအား သက်ဆိုင်ရာဝန်ကြီးဌာနများ၊ ခရိုင်/ မြို့နယ်/ရပ်ကွက်/ ကျေးရွာအုပ်စု လယ်ယာမြေနှင့် အခြားမြေများသိမ်းဆည်းခံရမှုများ ပြန်လည် စိစစ်ရေးကော်မတီအဖွဲ့များဖြင့် ညှိနှိုင်းဖြေရှင်းဆောင်ရွက်လျက်ရှိကြောင်း ရှင်းလင်းပြောကြားသည်။
ထို့နောက် စစ်ကိုင်းတိုင်းဒေသကြီးဝန်ကြီးချုပ် ဒေါက်တာမြင့်နိုင်၊ တိုင်းဒေသကြီးလွှတ်တော်ဥက္ကဋ္ဌ ဦးသန်း၊ တိုင်းဒေသကြီးဝန်ကြီး ဦးကမ်ဇာမုံ၊ လွှတ်တော်ကိုယ်စားလှယ်များနှင့် အမြဲတမ်းအတွင်းဝန်များက စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန စိုက်ပျိုးရေးဦးစီးဌာနမှ စွန့်လွှတ်သည့် မြေများအား မူလတောင်သူများကိုယ်စား တောင်သူကိုယ်စားလှယ်များထံ ယာယီလုပ်ပိုင်ခွင့်ပြုလက်မှတ်(ပုံစံ-၃) များကို ပေးအပ်ကြသည်။
ယင်းနောက် ဒုတိယသမ္မတသည် တန့်ဆည်မြို့နယ် ပြည်သူ့ဆေးရုံကို လည်းကောင်း၊ တန့်ဆည်မြို့ အမှတ်(၁)အခြေခံပညာအထက်တန်းကျောင်းကို လည်းကောင်းကြည့်ရှုပြီး ဆေးရုံနှင့် ကျောင်းလိုအပ်ချက်များကို တာဝန်ရှိသူများ နှင့် ပေါင်းစပ်ညှိနှိုင်းဆောင်ရွက်ပေးသည်။
ထို့နောက် ရေဦး မူးမြစ်ကူးတံတားပေါ်မှ မူးမြစ်တွင် သောင်ထွန်းနေမှု အခြေအနေကို ကြည့်ရှုသည်။
ယင်းနောက် ရွှေဘိုမြို့သို့ရောက်ရှိပြီး ပြည်သူ့ဝန်ဆောင်မှုရုံး၌ ပြည်သူများအား ဌာနဆိုင်ရာဝန်ထမ်းများက ပြည်သူ့ဝန်ဆောင်မှုလုပ်ငန်းများ ဆောင်ရွက်ပေးနေမှုကို ကြည့်ရှုအားပေးသည်။
ထို့နောက် ဒုတိယသမ္မတသည် ဝက်လက်မြို့ လှတောကျေးရွာ အခြေခံ ပညာအထက်တန်းကျောင်းသို့ရောက်ရှိပြီး ဆရာ ဆရာမများ၊ ရပ်မိရပ်ဖများနှင့် တွေ့ဆုံ၍ ကျေးရွာနှင့်ကျောင်းအတွက် လိုအပ်ချက်များကို တာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးသည်။
Credit: The Mirror
