မြန်မာနိုင်ငံရင်းနှီးမြှုပ်နှံမှုဥပဒေအရ မွန်ပြည်နယ် ရင်းနှီးမြှုပ်နှံမှု
ကော်မတီကို ဖွဲ့စည်းလိုက်တယ်လို့ မြန်မာနိုင်ငံ
ရင်းနှီးမြှုပ်နှံမှုကော်မရှင်မှ သိရပါတယ်။
ရင်းနှီးမြှုပ်နှံမှုဥပဒေအရ ရင်းနှီးမြှုပ်နှံမှုလုပ်ငန်းများကို
လုပ်ပိုင်ခွင့် ခွဲဝေသတ်မှတ်ပေးနိုင်ရေးအတွက်
တိုင်းဒေသကြီးနဲ့ ပြည်နယ် ရင်းနှီးမြှုပ်နှံမှုကော်မတီများကို
ဖွဲ့စည်းလုပ်ကိုင်ခွင့်ပေးသွားမှာဖြစ်ပါတယ်။
မွန်ပြည်နယ်ရင်းနှီးမြှုပ်နှံမှုကေ်ာမတီမှာ မွန်ပြည်နယ်၊
ဝန်ကြီးချုပ် ဒေါက်တာအေးဇံမှ ဥက္ကဌအဖြစ်တာဝန်ယူသွားမှာ
ဖြစ်ပြီး အတွင်းရေးမှူးအဖြစ် မွန်ပြည်နယ်၊ ရင်းနှီးမြှုပ်နှံမှုနှင့်
ကုမ္ပဏီများ ညွှန်ကြားမှု ဦးစီးဌာနမှ ဒုတိယညွှန်ကြားရေးမှူး
ဦးမြင့်လွင် တို့မှ ပါဝင်သွားမှာ ဖြစ်ပါတယ်။
ကော်မတီအဖွဲ့ဝင်များမှာ စီမံကိန်း၊ ဘဏ္ဍာရေး၊
လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန၊
မွန်ပြည်နယ်အစိုးရအဖွဲ့၊ လျှပ်စစ်ဓာတ်အားဖြန့်ဖြူးရေး
လုပ်ငန်း၊ ပတ်ဝန်းကျင်ထိန်းသိမ်းရေးဦးစီးဌာန၊
စက်မှုကြီးကြပ်ရေးနှင့် စစ်ဆေးရေး ဦးစီးဌာနမှ
တာဝန်ရှိသူများ ပါဝင်ဖွဲ့စည်းထားပါတယ်။
မြန်မာနိုင်ငံရင်းနှီးမြှုပ်နှံမှုကော်မရှင်က တိုင်းဒေသကြီးနဲ့
ပြည်နယ် ရင်းနှီးမြှုပ်နှံမှုကော်မတီတွေက အတည်ပြုမိန့်
ထုတ်ပေးနိုင်တဲ့ ရင်းနှီးမြှုပ်နှံမှုလုပ်ငန်းတွေအတွက်
မတည်ငွေရင်းပမာဏကို အမေရိကန်ဒေါ်လာ ၅ သန်း
(သို့) မြန်မာကျပ်ငွေသန်း ၆၀၀၀ အထိ
သတ်မှတ်ပေးထားပါတယ်။
ရင်းနှီးမြှုပ်နှံမှုလုပ်ငန်းများအတွက် ၀င်ငွေခွန်ကင်းလွတ်ခွင့်၊
သက်သာခွင့်တို့ကို ခွင့်ပြုနိုင်ရန်အတွက် ဖွံ့ဖြိုးမှုနည်းပါးတဲ့ဒေသ၊
ဖွံ့ဖြိုးမှုအသင့်အတင့်ရှိတဲ့ ဒေသ၊ ဖွံ့ဖြိုးမှုရှိတဲ့ ဒေသ လို့
ခွဲခြားသတ်မှတ်ထားပါတယ်။ မွန်ပြည်နယ်မှ သထုံ၊
ကျိုက်ထို၊ပေါင်၊ ဘီးလင်း၊ မော်လမြိုင်၊ သံဖြူဇရပ်၊ မုဒုံ၊ေ
ရး မြို့နယ်တို့မှာ ဖွံ့ဖြိုးမှုအသင့်အတင့်ရှိတဲ့ ဒေသအဖြစ်
သတ်မှတ်ခံထားရပါတယ်။
Credit: SFJ Strategy First
