အော်စကာဆုရ အမေရိကန် ရုပ်ရှင်သရုပ်ဆောင် ဂျိမ်းစ် ကက်ဂ်ျနေး နေထိုင်ခဲ့ဖူးသော ၆၉ ဧကကျယ်ဝန်းသည့် စပျစ်ခြံကြီး အရောင်းဈေးကွက်ဝင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
တည်နေရာမှာ အမေရိကန်ပြည်ထောင်စု၊ မက်ဆာချူးဆက်ပြည်နယ်၊ Martha’s Vineyard ကျွန်းတွင် တည်ရှိပြီး ရေကြောင်း၊
လေကြောင်းတို့ဖြင့်သာ သွားလာနိုင်သည်။
ခြံဝန်းကျယ်ကြီးအတွင်းတွင် ၁၈ ရာစုက ဆောက်လုပ်ခဲ့သော ယာတောအိမ်၊ ဧည့်ဂေဟာ၊ စတူဒီယိုနှင့် စပါးကျီတို့ ပါဝင်ကြသည်။
အဝါရောင် ထင်းရှူးသားကြမ်းခင်းများ ခင်းထားသည့်
အဆိုပါ ယာတောအိမ်မှာ ပြုပြင်မွမ်းမံမှုများ များစွာပြုလုပ်ရန်မူ လိုအပ်လျက်ရှိသည့် အဆောက်အအုံဖြစ်သည်။
ခေါ်ဈေးမှာ ကန်ဒေါ်လာ ၁၃ ဒသမ ၅ သန်းဖြစ်ကြောင်း အရောင်းဈေးကွက်တင်သွင်းသည့် Tea Lane Associates မှ အကျိုးဆောင် မက်ဂ် ဘော့ဒ်နာက ပြောကြားသည်။
မစ္စတာ ကက်ဂ်ျနေးသည် ၁၉၃၆ ခုနှစ်တွင် ဝယ်ယူခဲ့ခြင်းဖြစ်ပြီး နွေရာသီစံအိမ်အဖြစ် ဆယ်စုနှစ်များစွာ အသုံးပြုခဲ့ကြောင်း ၎င်း၏ ကိုယ်တိုင်ရေး အတ္ထုပ္ပတ္တိစာအုပ် “Cagney by Cagney” တွင် ဖော်ပြထားသည်။
“ဒီစပျစ်ခြံဟာ ကျွန်တော့်အတွက်တော့ လွတ်လပ်မှုကို ရှာဖွေနိုင်တဲ့နေရာ၊ ဟောလိဝုဒ်မှာ မတွေ့နိုင်တဲ့ ငြိမ်းချမ်းမှုကို တွေ့နိုင်တဲ့ နေရာလေး တစ်ခုပါပဲ” ဟု ကက်ဂ်ျနေးက ရေးသားဖော်ပြခဲ့သည်။
မစ္စတာ ကက်ဂ်ျနေးသည် ၁၉၃၀ နှင့် ၄၀ ပြည့်နှစ်များအကြား ထွက်ရှိခဲ့သည့် “Angels with Dirty Faces” ကဲ့သို့ ဂိုဏ်းစတား ဇာတ်ကားများဖြင့် နာမည်ကျော်ခဲ့သူဖြစ်သည်။
ကက်ဂ်ျနေးမိသားစုက အဆိုပါခြံကို ၁၉၈၀ ပြည့်လွန်ကာလများတွင် ရောင်းချခဲ့သည်။
နောက်ပိုင်းတွင် ဘော့စ်တွန်မှ စားသောက်ဆိုင် လုပ်ငန်းရှင်များဖြစ်သော ပက်ထရစ် လိုင်ယွန်နှစ် ရှောင် ဂီးလ်ဒီတို့က ၂၀၁၂ နှစ်ကုန်ပိုင်းတွင် ကန်ဒေါ်လာ ၄ ဒသမ ၁ သန်းဖြင့် ဝယ်ယူခဲ့ကြခြင်း ဖြစ်သည်။
ဂျိမ်းစ် ကက်ဂ်ျနေး၏ အမည်အပြည့်အစုံမှာ ဂျိမ်းစ် ဖရန့်စစ် ကက်ဂ်ျနေး ဂျူနီယာဖြစ်ပြီး ၁၈၉၉ ခုနှစ်၊ ဇူလိုင်လ ၁၇ ရက်တွင် မွေးဖွားပြီး ၁၉၈၆ ခုနှစ်၊ မတ်လ ၃၀ ရက်တွင် ကွယ်လွန်ခဲ့သည်။
သူ၏ အကောင်းဆုံးဇာတ်ကားများအဖြစ် နာမည်ကျော်သည်မှာ The Public Enemy (1931)၊ Taxi! (1932)၊ Angels with Dirty Faces (1938) နှင့် White Heat (1949) တို့ ဖြစ်ကြသည်။
၁၉၃၈ ခုနှစ်တွင် Angels with Dirty Faces ဇာတ်ကားဖြင့် အကောင်းဆုံးဇာတ်ဆောင် အော်စကာဆု အမည်စာရင်း တင်သွင်းခံခဲ့ရသည်။
၁၉၄၂ ခုနှစ်တွင် Yankee Doodle Dandy ဇာတ်ကားဖြင့် အော်စကာဆု ရရှိခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
