မြန်မာနိုင်ငံသားများဘဏ်၏ ၂၀၁၆-၂၀၁၇ ဘဏ္ဍာနှစ်တွင် အမြတ်ငွေအဖြစ် ကျပ် ၇၈၁၇ သန်းကျော် ရရှိခဲ့ပြီး ယမန်နှစ်ထက် ကျပ်သန်း ၇၀၀ ကျော် မြင့် တက်ခဲ့ကြောင်း ဇူလိုင် ၈ ရက်တွင် ရန်ကုန်မြို့ နိုဗိုတယ်ဟိုတယ်၌ ကျင်းပ သည့် မြန်မာနိုင်ငံသားများဘဏ်၏ (၂၅) ကြိမ်မြောက် နှစ်ပတ်လည် အေ ထွထွေ အစည်းအဝေးအရ သိရသည်။
မြန်မာနိုင်ငံသားများဘဏ် အနေဖြင့် ၂၀၁၅-၂၀၁၆ ဘဏ္ဍာနှစ်တွင် ကျပ် ၇၀၉၅ သန်းကျော် အမြတ်ရရှိ၍ ကျပ် ၁၇၇၃ သန်းကျော် ၀င်ငွေခွန်ထမ်းေ ဆာင်ခဲ့ရာမှ ၂၀၁၆-၂၀၁၇ ဘဏ္ဍာနှစ်တွင် ကျပ် ၇၈၁၇ သန်းကျော်အထိ အြ မတ်ငွေ တိုးတက်ခဲ့ပြီး ၀င်ငွေခွန် ကျပ် ၁၉၅၄ သန်းကျော် ထမ်းဆောင်ခဲ့ေ ကြာင်း သိရသည်။
“ကမ္ဘာ့စီးပွားရေး အတက်အကျနဲ့ မိမိဘဏ် ဖွံ့ဖြိုးတိုးတက်မှု၊ တိုင်းပြည်ရဲ့ စီးပွားရေး ဖွံ့ဖြိုးတိုးတက်မှု အထောက်အကူ အင်မတန် လိုအပ်တဲ့ အတွက်ေ ကြာင့် ဘဏ်လုပ်ငန်းတစ်ခု တိုးတက်ဖို့ဆိုရင် အထူးသဖြင့် အနီးကပ် စီမံခန့် ခွဲနေရတဲ့ ဒါရိုက်တာ အဖွဲ့ဝင်များ အကြီးတန်း စီမံခန့်ခွဲမှု ပြုလုပ်နေသူများ တစ်ဖက်ကလည်း နည်းဥပဒေ လုပ်ထုံးလုပ်နည်းများအရ စာရင်းစစ်များ စာ ရင်းဇယားကို မှန်မှန်ကန်ကန် ဖြည့်စွက်ပြီးတော့ တင်ပြနိုင်ဖို့ အရေးကြီး ပါတယ်။
ဗဟိုဘဏ်ကထုတ်တဲ့ စည်းကမ်းတွေဟာလည်း အရေးကြီးပါတယ်။ ကျွန်ေ တ်ာတို့ဘဏ်သည် အခြားဘဏ်များထက် အပြိုင်လုပ်တဲ့နေရာမှာ တစ်ဖက် ကလည်း ဗဟိုဘဏ်က ချမှတ်တဲ့ စည်းမျဉ်းစည်းကမ်းတွေကိုလည်း မလွဲမေ သွ လိုက်နာဖို့ လိုအပ်ပါတယ်။ ၀န်ကြီးဌာန အနေနဲ့သော် လည်းကောင်း၊ ဘဏ်အနေနဲ့သော် လည်းကောင်း အမြဲမပြတ် ပူးပေါင်းဆောင်ရွက် မည် ဖြစ်သောကြောင့် တစ်ခုခုဆို အတွေ့အကြုံရှိသော နာယကကြီးများနှင့် မိမိတို့ အတွေ့အကြုံ ထင်မြင်ယူဆချက်များကို ပေးပါရန် ဘဏ်ကိုယ်စား၊ ၀န်ကြီးဌာနကိုယ်စား အလေးအနက် မေတ္တာရပ်ခံပါတယ်” ဟု မြန်မာနိုင်ငံ သားများ ဘဏ်၏ နာယက၊ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာ န ပြည်ထောင်စုဝန်ကြီး ဒေါက်တာသန်းမြင့်က အဖွင့်အမှာစကား ပြော ကြား သည်။
ရန်ကုန်စတော့အိတ်ချိန်းတွင် စာရင်းဝင် ကုမ္ပဏီ ဖြစ်လာခဲ့သည့် မြန်မာနိုင်ငံ သားများ ဘဏ်၏ ၂၅ နှစ်တာ သက်တမ်းအတွင်း အမြတ်ငွေ ကျပ် ၁၃ ဘီ လျံကျော် ရရှိခဲ့ကာ ကျပ်ရှစ်ဘီလျံကျော် ၀င်ငွေခွန်ပေးဆောင်ခဲ့ပြီး ၂၀၁၆ -၂၀၁၇ ဘဏ္ဍာနှစ်တွင် အမြတ်ငွေ တိုးတက်ခဲ့သော်လည်း အမြတ်ဝေစုခွဲေ ၀မှု လျှော့ချလိုက်ကြောင်း မြန်မာနိုင်ငံသားများဘဏ်၏ ၂၀၁၆-၂၀၁၇ ဘဏ္ဍာနှစ် နှစ်ပတ်လည် အစီရင်ခံစာအရ သိရသည်။
၂၀၀၉-၂၀၁၀ ဘဏ္ဍာနှစ်အထိ အမြတ်ငွေ ကျပ်သန်း ၁၀၀၀ မပြည့်ခဲ့ေ သ်ာလည်း ၂၀၁၀-၂၀၁၁ ဘဏ္ဍာနှစ်မှ စ၍ အမြတ်ငွေ ကျပ်သန်း ၁၀၉၅ေ ကျာ် ရှိလာခဲ့ပြီး ၀င်ငွေခွန် ကျပ် ၃၁၅ သန်းကျော် ပေးဆောင်ခဲ့သည်။
၂၀၁၁-၂၀၁၂ ဘဏ္ဍာနှစ်တွင် ကျပ် ၁၄၅၆ သန်းကျော် အမြတ်ရရှိခဲ့ပြီး ကျပ် သန်း ၃၉၀ ၀င်ငွေခွန် ပေးဆောင်ခဲ့ကာ ၂၀၁၂-၂၀၁၃ ဘဏ္ဍာနှစ်တွင် ကျပ် ၂၃၉၉ သန်းကျော် အမြတ်ရရှိခဲ့ပြီး ကျပ် ၅၉၄ သန်းကျော် အခွန်ပေးဆောင်ခဲ့ သည်။ ၂၀၁၃-၂၀၁၄ ဘဏ္ဍာနှစ်တွင် ကျပ် ၃၃၅၀ သန်းကျော် အမြတ်ဝေစု ရရှိကာ ကျပ် ၈၃၇ သန်းကျော် ၀င်ငွေခွန်ထမ်းဆောင်ခဲ့ပြီး ၂၀၁၄-၂၀၁၅ ဘဏ္ဍာနှစ်တွင် ကျပ် ၅၁၀၇ သန်းကျော် အမြတ်ရရှိခဲ့ကာ ကျပ် ၁၂၈၁ သန်းေ ကျာ် အခွန်ထမ်းဆောင်ခဲ့ကြောင်း သိရသည်။
Credit: Eleven Media Group
