ကမ္ဘာပေါ်က အဓိက စီးပွားရေးနိုင်ငံတွေနဲ့ ကုမ္ပဏီကြီးတွေဟာဆိုရင်
ယခုလက်ရှိကာလမှာ တစ်ချိန်တည်း တစ်ပြိုင်နက်တည်းနဲ့
တိုးတက်မှုအရှိန်အဟုန်ကောင်းတွေ ရရှိနေလျက်ရှိတယ်လို့
သတင်းတစ်ရပ်မှာ ဖော်ပြထားပါတယ်။
ယင်းဖြစ်စဉ်မျိုးဟာ ပြီးခဲ့တဲ့
နှစ်တွေအတွင်း ပထမဆုံးအနေနဲ့ တစ်ပြိုင်နက်တည်း ပြန်လည်
နာလန်ထူလာမှုဖြစ်စဉ်မျိုးလည်း ဖြစ်တယ်လို့ သိရပါတယ်။
ယင်းအတွက်ကြောင့် ယခုဆိုရင်လည်း အမေရိကန် Wall Street
စတော့အိတ်စ်ချိန်းအသိုင်းအ၀ိုင်းကြားမှာလည်း "ကမ္ဘာလုံးဆိုင်ရာ
တစ်ပြိုင်နက်တည်း နာလန်ထူလာမှု" ဆိုတဲ့ စကားစုက ရေပန်းစား
လာနေတယ်လို့ ဆိုပါတယ်။
"ကမ္ဘာပေါ်က အဓိကဈေးကွက်ကြီးတွေအားလုံး ယခုနှစ် ၂၀၁၇ မှ
ာ EPS (ရှယ်ယာတစ်စုလျင်ရရှိတဲ့ ၀င်ငွေ) တိုးတက်မှုက အား
ကောင်းကြလိမ့်မယ်လို့ ကျွန်တော်တို့ မျှော်လင့်ထားပါတယ်၊
ဒါမျိုးဖြစ်တာက ၂၀၁၀ နောက်ပိုင်း ပထမဆုံးအကြိမ်ဖြစ်တဲ့
တစ်ပြိုင်နက်တည်း တိုးတက်မှုပါပဲ" လို့ Citi Research က
ကမ္ဘာလုံးဆိုင်ရာ အစုရှယ်ယာတန်ဖိုးပိုင်းဆိုင်ရာ မဟာဗျူဟာ
အရာရှိချုပ် Robert Buckland က မှတ်ချက်ပြု ရေးသားခဲ့ပါတယ်။
" ဒါမျိုးက လွန်ခဲ့တဲ့ နှစ်တွေကနဲ့ ယှဉ်လိုက်မယ်ဆိုရင် ကြီးမားတဲ့
ပြောင်းလဲမှုကြီးတစ်ခုလည်း ဖြစ်လာမှာပါ၊ ဘာလို့ဆိုတော့ ပြီးခဲ့တဲ့
နှစ်တွေတုန်းကဆိုရင် မတူညီတဲ့ဒေသတွေ၊ နိုင်ငံတွေမှာ တွေ့ခဲ့ရတဲ့
EPS ကျဆင်းမှုတွေ ကျွန်တော်တို့ တွေ့ထားရလို့ပါ" လို့ ၎င်းက
ဖြည့်စွက်ပြောဆိုပါတယ်။
အထက်ပါတိုးတက်မှုတွေနဲ့အတူ အဓိကဈေးကွက်ကြီးတွေအ
နေနဲ့လည်း ယခုနှစ်အတွင်း သင့်တင့်လျောက်ပတ်တဲ့ စီးပွားရေး
တိုးတက်မှုတွေလည်း မြင်ရဖို့ရှိနေပြီး ယင်းအနေအထားတွေက
လာမယ့်နှစ်ထဲထိ သယ်ဆောင်သွားနိုင်လိမ့်မယ်လို့လည်း Citi က
ခန့်မှန်းသွားပါတယ်။
သုတေသနအကဲဖြတ်တွေရဲ့ ခန့်မှန်းမှုတွေအရတော့ ကမ္ဘာ့ ဂျီဒီပီ
တိုးတက်မှုကို ယခုနှစ်အတွကင် ၃ ဒသမ ၁ ရာခိုင်နှုန်း၊
လာမယ့်နှစ်အတွက် ၃ ဒသမ ၃ ရာခိုင်နှုန်း ရှိမယ်လို့လည်း
သိရပါတယ်။
Credit: SFJ Strategy First
