လှည်းကူးမြို့နယ် စခမ်းကြီး ကျေးရွာအုပ်စု အမြန်လမ်းပေါ်ရှိ မြေဧက ၁၄၅၃ ဒသမ ၇၂ ဧကပေါ်တွင် နိုင်ငံတကာ အဆင့်မီ အိမ်ရာစီမံကိန်းကို စတင် ဆောင်ရွက်နေပြီဖြစ်ကြောင်း မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ ညွှန်ကြားရေးမှူး ဦးယုခိုင်က ပြောကြားသည်။
အဆိုပါ စီမံကိန်းဖော်ဆောင်မည့် မြေနေရာတွင် နေထိုင်သည့် ကျူးကျော် ၅၀ဝ၀ ကျော်ကို ဇွန်လက ရှင်းလင်းခဲ့ပြီးဖြစ်၍ မြေပြင် ရှင်းလင်းရေး လုပ်ငန်းများနှင့်အတူ မြေသား စမ်းသပ်မှုများကို ဆောင်ရွက်နေပြီဖြစ်ကြောင်း ၎င်းက ဆက်လက် ပြောကြားသည်။
“မြေပြင်ရှင်းလင်းရေးကို ဘူဒိုဇာတွေနဲ့ ရှင်းတယ်။ သံပြားတွေနဲ့ ခြံခတ်နေတယ်။ မိုးတွင်းကာလဆိုတော့ မြေပြင်ရှင်းလင်းရေးကို သေချာ ဆောင်ရွက်နေတယ်။ ဒီလအပြီး လုပ်မယ်။ မြေသားခံနိုင်မှုအားတွေလည်း စတင် စမ်းသပ်နေပါတယ်”ဟု ဦးယုခိုင်က ဆိုသည်။
အဆိုပါ မြေပေါ်တွင် အိမ်ရာစီမံကိန်း ရန်ကုန်၊ မန္တလေးသို့ သွားလာနေသည့်သူများ ဝင်ရောက် အနားယူနိုင်ရန် အပန်းဖြေစခန်းများကို ဦးစားပေး တည်ဆောက်သွားမည်ဖြစ်ပြီး မဟာမိတ် ကြယ်များအုပ်စု ကုမ္ပဏီက အစိုးရနှင့် အကျိုးတူ ပူးပေါင်း အကောင်အထည်ဖော် ဆောင်ရွက်မည်ဖြစ်ကြောင်း မြို့ပြနှင့် အိမ်ရာ ဖွံ့ဖြိုးရေး ဦးစီးဌာနထံမှ သိရသည်။
မဟာမိတ်ကြယ်များအုပ်စု ကုမ္ပဏီမှာ ယခင် အစိုးရလက်ထက်ကတည်းက စိုက်ပျိုးရေး လုပ်ငန်းများ ဆောင်ရွက်ရန် မြေငှားရမ်းခဲ့ပြီး ယခုအစိုးရ လက်ထက်တွင် အစိုးရနှင့် အကျိုးတူ ပူးပေါင်းကာ စီမံကိန်းများကို အကောင်အထည်ဖော် ဆောင်ရွက်သွားမည်ဖြစ်သည်။
ဆောက်လုပ်ရေး ဝန်ကြီးဌာနနှင့် အဆိုပါ ကုမ္ပဏီတို့ ပူးပေါင်းကာ အိမ်ရာစီမံကိန်းများ၊ နိုင်ငံတကာ အဆင့်မီ စာသင်ကျောင်း အပါအဝင် လူနေအိမ်၊ ပန်းခြံနှင့် ဆေးရုံ၊ ဂေါက်ကွင်း၊ ဈေးများ၊ စားသောက်ဆိုင်များ စသည်တို့ ပါဝင်သည့် နိုင်ငံတော် အဆင့်စီမံကိန်း တစ်ခု ပြုလုပ်ရန်ရှိကြောင်း မြို့ပြနှင့် အိမ်ရာ ဖွံ့ဖြိုးရေးဦးစီးဌာနက သတင်းထုတ်ပြန်ထားသည်။
လှည်းကူးမြို့နယ် အမြန်လမ်း လမ်းဘေးဝဲယာရှိ အဆိုပါမြေပေါ်တွင် နေထိုင်သည့် ကျူးကျော်တဲများကို ဇွန်လ ၁၂ ရက်ကစပြီး ရဲတပ်ဖွဲ့ဝင် အင်အား ၂၀ဝ ခန့်နှင့် အရပ်သား အလုပ်သမား ၁၀ဝ၀ ခန့်တို့က ဖျက်သိမ်းခဲ့ပြီး ကျူးကျော် တဲ ၅၀ဝ၀ ကျော်ကို ရှင်းလင်းခဲ့ပြီးဖြစ်သည်။
“အခုလက်ရှိ ကျူးကျော်တဲတွေ ဖျက်လိုက်တော့ ဘုန်းကြီးကျောင်းမှာ နေထိုင်နေရပါတယ်။ စခမ်းကြီးကျေးရွာနားက ရွာထဲမှာတောင် ကျွန်တော်တို့ကို နေထိုင်ခွင့် မပေးပါဘူး။ နေထိုင်စရာ မရှိတော့ ဒုက္ခရောက်ပါတယ်”ဟု စခမ်းကြီးကျေးရွာအုပ်စုတွင် နေထိုင်သူ ဦးမောင်နိုင်က ဆိုသည်။
ရန်ကုန်တိုင်းတွင် ကျူးကျော် နေထိုင်သူဦးရေ လေးသိန်းကျော်ခန့် ရှိကြောင်း တိုင်းအစိုးရအဖွဲ့က ထုတ်ပြန် ထားပြီး ယခု ဖယ်ရှားခံရသည့် လှည်းကူးမြို့နယ် စခမ်းကြီးကျေးရွာရှိ ကျူးကျော်များသည် တိုင်းအစိုးရအဖွဲ့က ကောက်ယူသည့်စာရင်းတွင် မပါဝင်ကြောင်း မြို့ ပြနှင့် အိမ်ရာဖွံ့ ဖြိုးရေးဦးစီးဌာနထံမှ သိရသည်။
Credit: The Voice
