စားသောက်ဆိုင် နှင့် ဟိုတယ်များ အခွန်တံဆိပ်ခေါင်း ကပ်ပြေစာ မဖြစ်မနေပေးရမည်ဖြစ် သော်လည်း လက်တွေ့တွင်တောင်း မှပေးနေဟု ပြည်ထောင်စုပြည်သူ့ ငွေစာရင်းပူးပေါင်းကော်မတီဒုတိယ ဥက္ကဋ္ဌ(၂) ဦးအောင်မင်းက လွှတ် တော်သို့ အစီရင်ခံပြောကြားသည်။
ထို့ကြောင့် တာဝန်ကျေပွန် သောနိုင်ငံသားများဖြစ်ဖို့ ပြေစာ များကို မဖြစ်မနေတောင်းခံရန် ၄င်းက လွှတ်တော်အတွင်းမှ ပြည်သူများကို ပန်ကြားခဲ့သည်။ ဇူလိုင် ၄ ရက် ဒုတိယအကြိမ် ပြည်ထောင်စုလွှတ်တော်အစည်း အဝေးတွင် ပြည်သူ့ငွေစာရင်းပူး ပေါင်းကော်မတီက ၂ဝ၁၆-၂ဝ၁၇ ဘဏ္ဍာရေးနှစ် ဒုတိယ ခြောက်လပတ်လျာထားချက်အပေါ် အခွန် ကောက်ခံရရှိမှုအခြေအနေနှင့်စပ်လျဉ်းသည့် အစီရင်ခံစာတင်သွင်းပြီး ယင်းကဲ့သို့ပြောကြား ခဲ့ခြင်းဖြစ်သည်။
''နိုင်ငံတစ်ဝန်းမှာရှိတဲ့ပြည်သူများကို အသိ ပေးပန်ကြားလိုတဲ့အချက်ကတော့ တာဝန်ကျေတဲ့ နိုင်ငံသားတွေဖြစ်ဖို့ ပြေစာတွေကို မဖြစ်မနေ တောင်းခံဖို့နဲ့ ပြေစာတွင်ဖော်ပြထားတဲ့ ကုန် သွယ်လုပ်ငန်းခွန်အတိုင်း တံဆိပ်ခေါင်းကပ်၊ မကပ်စစ်ဆေးပြီးမှ ကျသင့်ငွေကိုပေးချေဖို့ဖြစ် ပါတယ်'' ဟု ဦးအောင်မင်းက ဆိုသည်။
ရန်ကုန်မြို့ရှိ နာမည်ကြီးစားသောက်ဆိုင်၊ အမြန်လမ်း ၁၁၅ မိုင်ရှိ စားသောက်ဆိုင်တို့တွင် အခွန်ကပ်ပြေစာကို တောင်းမှပေးနေမှုအား ကိုယ်တိုင်ကြုံတွေ့ခဲ့ရဟု ၄င်းက ပြောသည်။
''အခွန်ဦးစီးဌာနရဲ့ထုတ်ပြန်ချက်အရ စား သောက်ဆိုင်များ၊ ဟိုတယ်များသည် ပြေစာကပ်ထားတဲ့အခွန်ကို မဖြစ်မနေပေးကိုပေးရမှာပါ။ တကယ်လက်တွေ့မှာတော့ တောင်းမှပေးနေတဲ့ အနေအထားကိုတွေ့ရပါတယ်။ ဒါကြောင့်မို့ အခွန်ပြေစာတွေ ကို တောင်းကိုတောင်းဖို့ အခုလို တိုက်တွန်းနှိုးဆော်ရခြင်းဖြစ်ပါတယ်''ဟု ဦးအောင် မင်းက ထပ်လောင်းပြောကြားခဲ့သည်။
ပြည်ထောင်စုအစိုးရ၏ အခွန်ကောက်ဥပဒေအရ အခွန်အမျိုးအစား ၇၁ မျိုးကောက်ခံလျက်ရှိပြီး အဓိကအခွန်ခုနစ်မျိုးရှိကာ ကုန်သွယ်လုပ် ငန်းခွန်၊ အထူးကုန်စည်ခွန်၊ ဝင်ငွေခွန် စသော အခွန်သုံးမျိုးမှာ နိုင်ငံတော်၏အဓိကအခွန်ဖြစ် သဖြင့် အရေးကြီးပြီး ကုန်သွယ်လုပ်ငန်းခွန်သည် စုစုပေါင်းရောင်းရငွေအပေါ် ငါးရာခိုင်နှုန်းကောက် ခံခြင်းဖြစ် ကြောင်းသိရသည်။
Credit: Yangon Media Group
