ကမ္ဘာကျော်သရုပ်ဆောင်၊ မော်ဒယ် ပန်မလာ အန်ဒါဆန်သည် အမေရိကန်ပြည်ထောင်စု၊ ကယ်လီဖိုးနီးယား ပြည်နယ်၊ လော့စ်အိန်ဂျလိမြို့၊ မာလီဘူးအရပ်ရှိနေအိမ်ကို တစ်လလျှင် ဒေါ်လာ ၅၀၀၀၀ ဖြင့် ငှားရမ်းရန် ဈေးကွက်တင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
အန်ဒါဆန်သည် ၂၀၀၈ ခုနှစ်အတွင်း ကန်ဒေါ်လာ ၁ ဒသမ ၈ သန်းဖြင့်
ဝယ်ယူခဲ့ကာ နေအိမ်တစ်ခုလုံးကို ပြန်လည်မွမ်းမံခဲ့သည်။
ယခုအချိန်တွင် နေအိမ်၏ ပေါက်ဈေးမှာ ကန်ဒေါ်လာ ၇ သန်းကျော် တန်ကြေးရှိနေပြီဖြစ်သည်။အန်ဒါဆန်သည် ၂၀၁၃ ခုနှစ်အတွင်းကပင် အဆိုပါနေအိမ်ကို ကန်ဒေါ်လာ ၇ ဒသမ ၇၅ သန်းဖြင့် ဈေးခေါ်ကာ အရောင်းဈေးကွက်တင်ခဲ့ဖူးသေးသည်။
အိပ်ခန်း ၃ ခန်းနှင့် ရေချိုးခန်း ၃ ခန်းပါနေအိမ်တွင် ကမ်းရိုးတန်းဟန်နှင့် စိတ်ကူးယဉ်ဖွယ် မွမ်းမံမှုများ ရောယှက်ထားကာ ဖန်မီးဆိုင်းကြီးများ၊ အဖြူရောင်နံရံများ အသားပေးထားသည်။
နေအိမ်တည်ရှိရာနေရာသည် လော့စ်အိန်ဂျလိတွင် အိမ်ဈေးနှုန်းအကြီးမားဆုံးဒေသဖြစ်ပြီး ပျှမ်းမျှဈေးနှုန်းမှာ ကန်ဒေါ်လာ ၁ ဒသမ ၅ သန်းခန့် ရှိသည်။
ခြံဝန်းအတွင်းတွင် အဆောက်အအုံ နှစ်ခုပါဝင်ပြီး ကြားတွင် ပြာလဲ့လဲ့ ရေကန်တစ်ခုခြားထားကာ ရေကန်ဘေးတစ်လျှောက်တွင် အပန်းဖြေကျောမှီ ကုတင်များ အစီအရီခင်းကျင်းထားသည်။
မျက်နှာစာနေအိမ်၏ အောက်ထပ်တွင် မီးဖိုဆောင်၊ ညစာစားခန်းနှင့် ဧည့်ခန်းများပါဝင်ပြီး အပေါ်ထပ်တွင် master bedroom နှင့် ရေချိုးခန်းတို့ ပါဝင်သည်။
နောက်ဘက်မှ အိမ်တွင် အခြားအိပ်ခန်းနှစ်ခန်းနှင့် ရေချိုးခန်းများ ပါဝင်သည်။
ပန်မလာအန်ဒါဆန်သည် ကြီးပြင်းလာချိန်တွင် ကမ္ဘာကျော်တစ်ဦးဖြစ်ကာ ကြွယ်ဝချမ်းသာလာခဲ့သော်လည်း ငယ်စဉ်အခါကမူ အလွန်ဆိုးရွားသော လောကဓံနှင့် ရင်ဆိုင်ခဲ့ရသူတစ်ဦးဖြစ်သည်။
အသက် ၁၂ သမီးအရွယ်တွင် ၂၅ နှစ်အရွယ် ယောက်ျားတစ်ဦး၏ အဓမ္မပြုကျင့်ခြင်းခံခဲ့ရသည်။
ထို့အပြင်အသက် ၁၄ နှစ်သမီးအရွယ်တွင်လည်း ချစ်သူယောက်ျားလေးအပါအဝင် ၎င်း၏သူငယ်ချင်း ၆ ဦးက ဝိုင်းဝန်း အဓမ္မပြုကျင့်မှုကို ခံခဲ့ရဖူးသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
