ပြုပြင်ပြောင်းလဲမှု၏ လေးလံမှုများ ရှိနေသော်ငြား မြန်မာ့စီးပွားရေးကို နိုင် ငံခြားရင်းနှီးမြှုပ်နှံသူများက စိတ်ဝင်စားနေကြဆဲ ဖြစ်သည်ဟု ရန်ကုန်တွင် ဇွန်လ ၂၈ ရက်နေ့က ပြုလုပ်သော ဖိုရမ်တစ်ခု၌ စင်ကာပူအခြေစိုက် Think Tank တစ်ခုမှ တွဲဖက်ပါမောက္ခ ဆိုင်မွန်တေးက ပြောကြားခဲ့သည်။
နိုင်ငံတကာအရေးဆိုင်ရာ စင်ကာပူ အင်စတီကျုက ပြုလုပ်သော နိုင်ငံ ရပ်ြ ခား စီးပွားရေး စစ်တမ်းကောက်ယူမှု ရလဒ်အရ ၆၇ ရာခိုင်နူန်းက စီးပွားရေး ဆိုင်ရာ အမြင်များတွင် အကောင်းမြင်နေဆဲ ဖြစ်သည်ဟု ဒုတိယအကြိမ်ြေ မာက် အာဆီယံ-မြန်မာ ဖိုရမ် ASEAN-Myanmar Forum ပါမောက္ခ ဆိုင် မွန်တေးက ပြောကြားခဲ့ခြင်း ဖြစ်သည်။ ဥပဒေရေးရာများတွင် ရှင်းလင်းမှုများ မရှိသဖြင့် မြန်မာနိုင်ငံတွင် ရင်းနှီးမြှုပ်နှံရန် ခက်ခဲသည်ဟု ၈၄ ရာခိုင် နှုန်း က ဖြေဆိုသည်တော့ ရှိသည်။
သို့သော် ထုတ်ပြန်ဖော်ပြထားသည့်အတိုင်း ကျယ်ပြန့်သော နယ်ပယ်ရည်မှန်း ချက်ကို အကောင်အထည်ဖော်ရန် ခိုင်မာအားကောင်းသော စီမံချက်များ ပြု လုပ်ရာ၌ အရှိန်မြှင့်ရန် ဗုဒ္ဓဟူးနေ့က ပြုလုပ်သော အဆိုပါဖိုရမ်သို့ တက်ေ ရာက်လာကြသော စီးပွားရေးနယ်ပယ် ခေါင်းဆောင်များက အစိုးရသစ်ကို တိုက်တွန်းလိုက်သည်။
မြန်မာရင်းနှီးမြှုပ်နှံမှုကော်မရှင်က စိုက်ပျိုးရေး၊ မွေးမြူရေးနှင့် ရေလုပ်ငန်း၊ ပို့ ကုန်တိုးမြှင့်ရေး၊ စွမ်းအင်နှင့် သွင်းကုန်အစားထိုး လုပ်ငန်းများ စသည်ဖြင့် နယ်ပယ် ၁၀ ခုကို ဦးစားပေး ရင်းနှီးမြှုပ်နှံစေရေး သတ်မှတ်ထားသည်။ ပြီးခဲ့ သည့် ဇူလိုင်လက ၎င်းငအဖွဲ့အစည်းသည် လုပ်ဆောင်ချက်များစွာအနက် ပိုမို ကျယ်ပြန့်သော စီးပွားရေးမူဝါဒကို ထုတ်ပြန်ခဲ့ပြီး အမျိုးသားပြန်လည် သင့်မြ တ်ရေး၊ ပြိုင်ဆိုင်မှုကို အားပေးရေးနှင့် ကြိုးနီစနစ် ဖယ်ရှားရေးတို့ကို ရည်ရွယ် ခဲ့သည်။
လက်ရှိ စီးပွားရေးမူဝါဒသည် နက်ရှိုင်းစွာ ဖော်ပြထားမှုမရှိဟု ပြည်တွင်း စီး ပွားရေးသမား သူရိန်အောင်က ပြောကြားခဲ့သည်။
“ရည်မှန်းချက်ကတော့ ဟုတ်ပါပြီ။ အဲဒီရည်မှန်းချက်ကို ဘယ်လိုသွားကြမလဲ” ဟု ရန်ကုန်အနီး သီလဝါ အထူးစီးပွားရေးဇုန် ကဏ္ဍတစ်ရပ်ကို လှုပ်ရှားလည် ပတ်နေသည့် Myanmar Japan Thilawa Development မှ ဒုတိယဥက္က ဋ္ဌက The Straits Times သတင်းစာကို ပြောကြားခဲ့ပါသည်။
“လက်ရှိတည်ဆဲဗျူရိုကရေစီနဲ့ စီမံခန့်ခွဲမှုအသစ်ကို ထည့်သွင်းရာမှာ စိန်ခေါ် မှုတစ်ခု ဖြစ်ပါတယ်” ဟုလည်း ဆိုသည်။
ဘဏ္ဍာနှစ်အဆုံး မတ်လအကုန်တွင် နိုင်ငံခြားရင်းနှီးမြှုပ်နှံမှုမှ ရငွေ အမေရိ ကန်ဒေါ်လာ ၆ ဒသမ ၆၅ ဘီလီယံ မြန်မာကရခဲ့ပြီး ပြီးခဲ့သည့်နှစ်က အမေရိ ကန်ဒေါ်လာ ၉ ဒသမ ၄၈ ဘီလီယံ ရခဲ့ပေရာ ကျဆင်းခဲ့သည်ဟု ဆိုရပေ မည်။ ဧပြီလက မြန်မာ့ရင်းနှီးမြှုပ်နှံမှု ဥပဒေသစ် ပြဋ္ဌာန်းခဲ့ပြီးနောက်တွင် ရ င်းနှီးမြှုပ်နှံမှု မြင့်တက်လာလိမ့်မည်ဟု အစိုးရ အရာရှိများက ယုံကြည်ထားကြ သည်။
လက်ရှိ အခြေခံဥပဒေအရ တပ်မတော်နှင့် အာဏာခွဲဝေ သုံးစွဲနေရသော အရပ်သား အမျိုးသားဒီမိုကရေစီအဖွဲ့ချုပ် (NLD) အစိုးရသည် ပြည်ပရင်းနှီြး မှုပ်နှံမှုများကို ဆွဲဆောင်ရန် ရှင်းလင်းသော စည်းမျဉ်းများနှင့် မက်လုံးများပေး ရန် အချိန်သိပ်ကြာလွန်းနေသဖြင့် အပြောအဆိုခံရပြီး ဖိအားများဝင်လျက် ရှိသည်။
ပြီးခဲ့သည့်နှစ်က ၆ ဒသမ ၅ ရာခိုင်နူန်း တိုးတက်လာခဲ့သော မြန်မာ့ စီးပွားေ ရးသည် ယခုနှစ်တွင် ၆ ဒသမ ၉ ရာခိုင်နှုန်းထိ တက်လာမည်ဟု ကမ္ဘာ့ဘဏ် World Bank က ခန့်မှန်းထားသည်။ စီးပွားရေးရပ်ဝန်းတွင် ရှင်းလင်းပြတ် သားမှု ရှိလာရန်အတွက် အမြန်ဆုံး လိုအပ်နေသည့် အသေးစိတ် စီးပွားရေး မူဝါဒများနှင့် လုပ်ထုံးလုပ်နည်းများ ဖော်ဆောင်ရာတွင် စွမ်းရည်ကန့်သတ် ချက် ရှိခြင်း ကဲ့သို့သော စိန်ခေါ်မှုများကို အစိုးရအနေနှင့် ဆက်လက်ကြုံတွေ့ နေရမည် ဖြစ်ကြောင်း နိုင်ငံတကာ ငွေကြေးရန်ပုံငွေအဖွဲ့ (International Monetary Fund) က ဖေဖော်ဝါရီလက ပြောဆိုထားသည်။ လျှပ်စစ်စွမ်းအား မလုံလောက်မှု၊ ပို့ဆောင်ဆက်သွယ်ရေး မကောင်းမှု၊ ခက်ခဲရှုပ်ထွေးသော လုပ်ထုံးလုပ်နည်းများနှင့် အသေးစား အလတ်စား စီးပွားရေးလုပ်ငန်းများ (SMEs) နှင့် စိုက်ပျိုးရေးလုပ်ငန်းများ အတွက် ချေးငွေရရှိမှု အကန့်အသတ် ရှိနေမှု စသည်တို့ကို စီးပွားရေး လုပ်ငန်းများ ရင်ဆိုင်နေရလျက် ရှိသည်ဟု IMF က ဆိုထားပါသည်။ နောက်ထပ် အဓိက အတားအဆီးတစ်ခုမှာကား အခွန်ငွေရရှိမှု ဖြစ်ပါသည်။ မြန်မာသည် ကမ္ဘာပေါ်တွင် အခွန်ဝင်ငွေရရှိမှု အနိမ့်ဆုံးနိုင်ငံများတွင် တစ်ခုအပါအဝင် ဖြစ်သည်။ အခွန်ဘဏ္ဍာ ရရှိမှုသည် GDP ၏ ၇ ဒသမ ၅ ရာခိုင်နှုန်းသာ ရှိကာ ဒေသတွင်း ပျမ်းမျှခြင်းမှာ ၁၄ ဒသမ ၆ ရာခိုင်နှုန်း ဖြစ်သည်ဟု IMF က ထုတ်ပြန်ထားသည်။
ငါးနှစ်သက်တမ်းဖြစ်သော ၂၀၂၀ တွင် ရလဒ်များကို မြင်ရရန်အတွက် လက် ရှိအစိုးရအနေနှင့် ဆုံးဖြတ်ချက်များကို လျင်မြန်စွာ ချရတော့မည်ဖြစ်ကြောင်း သူရိန်အောင်က ဆိုသည်။
“အစိုးရသစ်အနေနဲ့ လျင်မြန်စွာ ဆောင် ရွက်ဖို့ ကျွန်တော်မျှော်လင့်ပါတယ်” ဟု ၎င်းက ဆိုသည်။
“အစိုးရသက်တမ်း ငါးနှစ်အတွင်း အသီးအပွင့်တွေ့ ရအောင် နောင်လာမယ့် ၆ လကနေ ၈ လအတွင်း မဟာဗျူဟာမြောက် ဆုံးဖြတ်ချက်တွေ ချမှတ်ဖို့ လိုနေပါပြီ” ဟု ၎င်းက ထောက်ပြသည်။
Credit: The Voice
