ကမ္ဘောဒီးယားနိုင်ငံ၊ စတုန်သရန်ပြည်နယ် စရီကောကျေးရွာတွင် Lower Sesan II အမည်ရှိ ဆည်တံခါးပိတ်လိုက်ပါက ရွာသူရွာသား များ၏ နေအိမ်များ ရေနစ်မြှုပ်မည့် အလားအလာနှင့် ရင်ဆိုင်ရလျက်ရှိကြောင်း
ဖနွမ်းပင်အခြေစိုက် သတင်းဝက်ဘ်ဆိုက် တစ်ခုတွင် ဖော်ပြသည်။
ကဘဲရိုမီးဒေသ၊ စရီကောကျေးရွာတွင် အိမ်ထောင်စုပေါင်း ၁၀၀ ကျော်သည် လာမည့်လတွင် Lower Sesan II ဆည်တံခါး ပိတ်လိုက်ပါက ရေလွှမ်းမိုး နစ်မြှုပ်တော့မည့် အန္တရာယ်နှင့် ရင်ဆိုင်ရလျက်ရှိခြင်း ဖြစ်သည်။
ရွာသားအများစုမှာ လာအိုနှင့် ဖနောင်လူမျိုးများဖြစ်ပြီး နေအိမ်ရွှေ့ ပြောင်းရန်အတွက် ပေးအပ်သည့် လျော်ကြေးငွေကို
ရယူရန် ငြင်းပယ်ထားကြသည်။
စတုန်သရန်ပြည်နယ် လက်ထောက်အုပ်ချုပ်ရေးမှူး ဒူအွန်ပေါ့၏ ပြောကြားချက်အရ နည်းပညာပိုင်း စမ်းသပ်မှုများ ပြုလုပ်ရန်အတွက် ဆည်တံခါးကို လာမည့် ဇူလိုင် ၁၅ ရက်မှ သြဂုတ်လ ၁၅ ရက်အထိ တစ်လကြာ ပိတ်ထားမည်ဟု ဆိုသည်။
ယခုဆည်တံခါးပိတ်ခြင်းသည် စက်တင်ဘာ ၂၅ ရက်တွင် ဆည်တံခါးများ တရားဝင်ပိတ်တော့မည်ဖြစ်ကာ တာဘိုင် ၅ လုံးအနက် တစ်လုံးကို စတင်လည်ပတ်ရန်အတွက် စမ်းသပ်မှု ပြုလုပ်ခြင်းလည်းဖြစ်ကြောင်း ဒူအွန်ပေါ့က ပြောကြားသည်။
လျှပ်စစ်ဓာတ်အား ၄၀၀ မဂ္ဂါဝပ်ထုတ်လုပ်နိုင်မည့် အဆိုပါစီမံကိန်းကို တည်ဆောက်နေသည်မှာ ၃ နှစ်ခန့်ရှိခဲ့ပြီဖြစ်ကာ ကမ္ဘောဒီးယားတွင် လျှပ်စစ်ဓာတ်အားကို ဈေးနှုန်းနည်းပါးစွာဖြင့် ဖြန့်ဖြူးပေးနိုင်မည်ဟု ကတိပြုထားသည်။
အတိုက်အခံတို့ကမူ ဆည်စီမံကိန်းသည် ဂေဟစနစ်ကို ပျက်စီးစေကာ ဒေသခံဖနောင်လူမျိုးများ၏ နေထိုင်မှုဘဝများ ပျက်သုဉ်းစေမည်ကို ရတက်မအေးဖြစ်နေကြသည်။
ဒူအွန်ပေါ့က ပြောကြားခဲ့ရာတွင် နေအိမ်မှစွန့်ခွာရန် ငြင်းပယ်ကြသော ရွာသူရွာသားများကို ရေလွှမ်းမိုးမှု ဖြစ်လာချိန်တွင် ကူညီနိုင်ရန်အတွက် မော်တော်ဘုတ်များနှင့် အရာရှိပေါင်း ၁၀၀ ကျော် ဖြန့်ကျက်ချထားပေးသွားမည်ဖြစ်ကြောင်း ပြောကြားသည်။
ကဘဲရိုမီးဒေသကိုယ်စားလှယ်တစ်ဦးဖြစ်သူ ဒမ်ဆမ်နမ်က ပြောကြားရာတွင် ယခုကဲ့သို့ ဆည်တံခါးပိတ်မည့်သတင်းကို လူမှုကွန်ရက် များမှတစ်ဆင့်သာ သိရှိခဲ့ရခြင်းဖြစ်ကြောင်း၊ အာဏာပိုင်တို့သည် မကြာမီတွင် ရေလွှမ်းမိုးမှုကြီး ဖြစ်ပေါ်လာတော့မည့်အရေးကို ရင်ဆိုင်ရမည့် ဒေသခံများထံ ကြိုတင်အသိပေးအကြောင်းကြားခဲ့ခြင်းမရှိကြောင်း၊ ယင်းသို့လုပ်ဆောင်ခြင်းမှာ လူ့အခွင့်အရေးကို အပြင်းအထန်ချိုးဖောက်မှုပင်ဖြစ်ကြောင်း ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
