ရန်ကုန်မြို့ရှိ အိမ်ခြံမြေ အရောင်း အဝယ်၊အငှားဈေးကွက်အေးစက် လျက်ရှိသော်လည်း ယခုနှစ်အတွင်း ဖြစ်ပေါ်လာမည့်
အပြောင်းအလဲများကြောင့်အိမ်ခြံမြေဈေးကွက်ကောင်းမွန်လာမည့်နှစ်တစ်နှစ်ဟု ယူဆရ ကြောင်းနှင့် အိမ်ခြံမြေ ဈေးကွက်ပုံမှန် အရောင်း၊
အဝယ်ဖြင့် လည်ပတ်လာ နိုင်စရာရှိကြောင်း ဝါရင့်အိမ်ခြံမြေ
လုပ်ငန်းရှင်များထံမှ သိရသည်။
ပြီးခဲ့သည့် ၂ဝ၁၂ ခုနှစ်မှစတင်၍ ၂ဝ၁၄ ခုနှစ်အထိ
အိမ်ခြံမြေ အရောင်း၊အဝယ်၊အငှားဈေးကွက် စတင်ဦးမော့ခဲ့ကြောင်း၊ ၂ဝ၁၅ ခုနှစ် နှစ်လယ်ပိုင်းမှ၂ဝ၁၆ ခုနှစ်ကုန်ပိုင်း အထိ အိမ်ခြံမြေအရောင်း၊အဝယ်၊ အငှားဈေးကွက် အေးစက်ခဲ့ပြီး၂ဝ၁၇ ခုနှစ် နှစ်ဆန်းပိုင်းမှမေလအထိအိမ်ခြံ မြေ အရောင်း၊အဝယ်၊အငှားဈေးကွက် အေးစက်ခဲ့ကာ လက်ရှိ ဇွန်လပိုင်းမှ စတင်၍ အိမ်ခြံမြေ အရောင်း၊အဝယ် ဈေးကွက်အနည်းငယ်
မြိုင်ဆိုင်လာ ခဲ့ကြောင်းသိရသည်။
ယင်းသို့ အရောင်းအဝယ် အနည်း ငယ် မြိုင်ဆိုင်လာခဲ့ခြင်းမှာလည်း
အခွန် ရာဖြတ်နှုန်းလျှော့လိုက်မှု၊ နိုင်ငံတော် အစိုးရမှ လျော့ပေါ့စွာ ဆောင်ရွက်ထားသည့် နိုင်ငံခြား ရင်းနှီးမြှုပ်နှံမှု နည်းဥပဒေသစ် ထွက်ပေါ်လာပြီး လက်ရှိကျင့်သုံး လျက်ရှိနေသောကြောင့် မြန်မာနိုင်ငံ အတွင်း နိုင်ငံခြားသား ဝင်ရောက်မှု ပိုမိုမြင့်တက်လာခဲ့ခြင်း၊ နိုင်ငံခြားမှ လာရောက် ရင်းနှီးမြှုပ်နှံမှုများ ပါ ရှိလာပါက အိမ်ခြံမြေဈေးကွက် ကောင်းမွန်လာနိုင်ဖွယ်ရှိခြင်း၊ နိုင်ငံ တော်အစိုးရမှ ၂ဝ၁၇ ခုနှစ်အတွင်း နိုင်ငံစီးပွားရေး တိုးတက်ကောင်းမွန် လာအောင် ဆောင်ရွက်နေသော ကြောင့် စီးပွားရေးကောင်းမွန်လာလျှင် အိမ် ခြံမြေဈေးကွက် ကောင်းမွန်လာ နိုင်စရာအကြောင်း ရှိကြောင်းနှင့် ပြည် တွင်း အခွန်နှုန်းထားဆောင်ရမည့် ရာခိုင်နှုန်းများပါ လျော့ပေါ့မည်ဟု ကြားသိရခြင်းတို့ကြောင့် အိမ်ခြံမြေ ဈေးကွက်ပုံမှန်အရောင်း၊အဝယ်ဖြင့် လည်ပတ်လာနိုင်စရာ အကြောင်းရှိ ကြောင်း ဝါရင့်အိမ်ခြံမြေလုပ်ငန်းရှင် များက ဆိုထားကြသည်။
ရန်ကုန်တိုင်းဒေသကြီး အိမ်ခြံမြေ လုပ်ငန်းရှင်များ အသင်းဥက္ကဋ္ဌ ဦးစိုင်း ခွန်နောင်က ''လောလောဆယ်အနေ အထားအရ ငွေကျပ်နေတော့ အိမ် ခြံမြေ အရောင်းတွေကများနေပါတယ်။ အငှားဈေးကွက်ကတော့ ပုံမှန်လည် ပတ်နေတာပေါ့။ အငှားဈေးကွက်က တော့ ပိုပြီးကောင်းဖို့ပဲရှိတယ်။ အိမ်ခြံမြေရောင်းချင်တဲ့သူတွေလည်းငွေလည်ပတ်လာပြီး အခြားရင်းနှီး မြှုပ်နှံမှုကဏ္ဍတွေမှာလည်း ငွေဝင် လာပြီဆိုရင်တော့ အိမ်ခြံမြေအရောင်း၊ အဝယ်၊ အငှားဈေးကွက်ကတစ်နည်း တစ်ဖုံ ပြန်လည်လည်ပတ်လာမှာပါ။ အခုဆိုအိမ်အငှားဈေးကွက်မှာ နိုင်ငံခြား သားအိမ်ငှားရမ်းမှုတွေ ပိုမိုများပြား လာပါတယ်။ မကြာခင်ကာလမှာ အိမ်ခြံမြေအရောင်း၊အဝယ်၊ အငှား ဈေးကွက် ပုံမှန်ပြန်လည်ပတ်လာမယ် လို့ ယုံကြည်မျှော်လင့်ပါတယ်''ဟု ပြောသည်။
မြန်မာနိုင်ငံအတွင်း ဝင်ရောက်လာ ကြသော နိုင်ငံခြားသားအများစုမှာ ၄င်းတို့အလုပ်လုပ်ကိုင်ရာလုပ်ငန်းခွင် များအနီး ငှားရမ်းနေထိုင်တတ်ကြကြောင်း၊ လာရောက်ရင်းနှီးမြှုပ်နှံ သည့် နေရာဒေသအပေါ်မူတည်၍ နေထိုင်သည့်ဒေသကွဲပြားကြောင်း၊ နေရာဒေသအလိုက် ပျံ့နှံ့နေထိုင် လျက်ရှိကြကြောင်း၊ အိမ်ခန်းငှားရမ်း ကြသူများမှ နိုင်ငံသားများကို ကာကွယ် သည့်အနေဖြင့် အဆိုပါနေထိုင် ကြသော နိုင်ငံခြားသားများကို အိမ်အငှား စာချုပ်ချုပ်ဆိုရာတွင် မြန်မာနိုင်ငံတည်ဆဲဥပဒေနှင့် ငြိစွန်း ပါက အိမ်အငှားစာချုပ်အလိုလိုရပ် ဆိုင်းရမည်ဟု စာချုပ်ချုပ်ဆိုကြကြောင်း အိမ်ခြံမြေလုပ်ငန်းရှင်များထံမှ သိရ သည်။
Credit: The Mirror
