ကမ္ဘောဒီးယားတွင် ပရီယ ဗီဟာပြည်နယ် သတ္တုတွင်းနှင့် စွမ်းအင်ဌာန အကြီးအကဲက ပြည်သူပိုင်မြေများကို တရားမဝင် ရောင်းစားခဲ့ကြောင်း ဖနွမ်းပင် စည်ပင်သာယာတရားရုံးတွင် ဝန်ခံချက်ပေးခဲ့ကြောင်း ဖနွမ်းပင်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
ပြည်သူပိုင်မြေများကို ရောင်းချခဲ့ရာတွင် ကန်ဒေါ်လာ ၆၂၄၀၀ ခန့်မြတ်စွန်းခဲ့ကြောင်း၊ သို့ရာတွင် အဆိုပါငွေများကို ရေဘေးဒုက္ခသည်များအား ကူညီရန်အသုံးပြုခဲ့ခြင်းဖြစ်သောကြောင့် ပြစ်ဒဏ်လျှော့ပေါ့ပေးပါရန်လည်း တောင်းဆိုခဲ့သည်ဟု ဆိုသည်။
ခရိုင်အကြီးအကဲဖြစ်သူ ကောင်မာကာရာနှင့် အမှုတွဲဖြစ်သူ ဘဏ္ဍာရေးဌာနအကြီးအကဲ နုအွန် ဖာလေတို့ အစစ်ခံခဲ့ကြရာတွင် အခြားအရာရှိ ၁၄ လည်း ပါဝင်ကြောင်း ထွက်ဆိုခဲ့ကြသည်။
သတ္တုတွင်းဌာနမှ အခြားအရာရှိ ၁၁ ဦးသည်လည်း မြေကွက်ရောင်းဝယ်မှုမှ ငွေများဝေစုရရှိခဲ့ကြသော်လည်း ၎င်းတို့ကို မျက်မြင် သက်သေစာရင်းတွင် ထည့်သွင်းထားရာ တရားစွဲဆိုခံရသူများစာရင်းတွင် မပါဝင်ခဲ့ချေ။
“ဒီမြေနေရာက နိုင်ငံတော်ကပိုင်တာပါ။ ဒါပေမယ့်
မှတ်ပုံမတင်ရသေးပါဘူး” ဟု မာကာရာက မြေကွက်ကိုရောင်းချရခြင်းမှာ နိုင်ငံပိုင် စာရင်းတွင် ပါဝင်ခြင်းမရှိသေးသောကြောင့်ဖြစ်ကြောင်း ပြောကြားခဲ့သည်။
“ကျွန်တော် ဒေါ်လာ ၁၀၀၀၀ လောက်ရခဲ့တယ်။ ဒီငွေကနေ အဖွဲ့အစည်းအတွက် ဆိုင်ကယ်တစ်စီးဝယ်တယ်။ ပြီးတော့ ရေဘေးဒုက္ခသည်တွေနဲ့ စစ်သည်မိသားစုဝင်တွေကို ကူညီမှုတွေ လုပ်ခဲ့ပါတယ်” ဟု မာကာရာက ဆက်လက်ပြောကြားသည်။
ရောင်းချလိုက်သော မြေကွက်သည် သတ္တုတွင်းဌာနအနီးတွင်တည်ရှိပြီး မာကာရာနှင့် ဖာလေတို့နှစ်ဦးကို အကျင့်ပျက်ခြစားမှု တိုက်ဖျက်ရေးအဖွဲ့က ဖမ်းဆီးလိုက်ခြင်း ဖြစ်သည်။
တရားရုံးတွင် ဖာလေက ထွက်ဆိုရာ၌ မြေကွက်ရောင်းရန်အတွက် အစည်းအဝေးပြုလုပ်ခဲ့ရာတွင် ဌာနတစ်ခုလုံးက သဘောတူညီခဲ့ ကြကြောင်း၊ မိမိကို ရောင်းချသူအဖြစ် ရပ်တည်ရန် ရွေးချယ်ခဲ့ကြခြင်းဖြစ်ကြောင်း
ထွက်ဆိုခဲ့သည်။
“အစည်းအဝေးမှာ မြေပိုင်ရှင်အဖြစ် ကိုယ်စားပြုဖို့ ကျွန်တော်ရွေးချယ်ခံရပါတယ်။ ဒီအတွက် ကျွန်တော် ဒေါ်လာ ၅၀၀၀ ရခဲ့ပါတယ်။ အစည်းအဝေးတက်ခဲ့သူအားလုံးလည်း ဒေါ်လာ ၂၅၀၀ ကနေ ၄၅၀၀ ကြား အသီးသီးရကြပါတယ်” ဟု ဖာလေက ထွက်ဆိုသည်။
မြေကွက်ကို ဝယ်ယူလိုက်သူ ယန် ဆိုသီယာက တရားရုံးတွင်လျှောက်လှဲရာ၌ ဤအမှုတွင် သားကောင်အစစ်မှာ မိမိသာဖြစ်ကြောင်း ပြောကြားခဲ့ပြီး မြေကွက်ကို နိုင်ငံတော်သို့ ပြန်လည်ပေးအပ်နိုင်ပါကြောင်း၊ သို့ရာတွင် မြေကွက်အတွက် ငွေများစွာ ကုန်ကျခဲ့ရသည့် အပြင် မြေကွက်ပေါ်တွင် အဆောက်အအုံလည်း ဆောက်လုပ်ပြီးဖြစ်နေသဖြင့် လျော်ကြေးပေးပါရန် တောင်းဆိုထားသည်။
ကမ္ဘောဒီးယားနိုင်ငံတကာပွင့်လင်းမြင်သာမှုအဖွဲ့အကြီးအကဲ ပရိပ်ကောလ်ကမူ သက်ညှာခွင့်တောင်းဆိုမှုကို ရှုတ်ချဝေဖန်လိုက်ပြီး နောက်နောင် အကျင့်ပျက်ခြစားမှုများကို ကာကွယ်နိုင်ရန်အတွက် ပြင်းပြင်းထန်ထန်အရေးယူရန် တိုက်တွန်းထားသည်။
လာမည့် ဇူလိုင်လ ၄ ရက်တွင် တရားရုံးက အမိန့်ချမှတ်မည် ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
