ပြည်ပသို့ ရွှေတရားဝင်တင်ပို့၊ တင်သွင်းခွင့်နှင့် ပတ်သက်ပြီး ခွင့်ပြုမည့်ပမာဏကို ယခုအချိန်အထိ မသတ်မှတ်နိုင်သေး ကြောင်း စီးပွားရေးနှင့် ကူးသန်းရောင်းဝယ် ရေးဝန်ကြီးဌာန လက်ထောက်အတွင်းဝန် ဦးခင်မောင်လွင်က ပြောသည်။
ဦးခင်မောင်လွင်က ''ပမာဏက မထွက် သေးဘူး။ ထပ်ပြီးတော့ အမိန့်ကြော်ငြာစာ ထွက်ပြီးမှပဲ သိရမှာ။ လက်ရှိက လုပ်ထုံးလုပ် နည်းမူကြမ်း။ ဘယ်လောက် တင်သွင်းခွင့်ပြု မယ် ဘယ်လိုလုပ်မယ်ဆိုတာတွေက အသေး စိတ် ဆွေးနွေးတုန်းပဲ အဆင့်မှာပဲရှိ ပါသေးတယ်။ ဒီ ၂ဝ၁၇ ထဲ ပြီးအောင်တော့ ကြိုးစား နေတာပေါ့။ ရွှေတင်သွင်းတာရော၊ တင်ပို့တာရော နှစ်ခုစလုံးကို ခွင့်ပြုဖို့ဆွေးနွေးနေတာပါ''ဟုဆိုသည်။
ရွှေထည် လက်ဝတ်ရတနာများအား အိမ်နီးချင်းနိုင်ငံများနှင့် တရားမဝင်တင်သွင်း၊ တင်ပို့နေခြင်းများ ရှိနေသောကြောင့် ယခုနှစ်မှစတင်ကာ တရားဝင်တင်သွင်း၊ တင်ပို့ခွင့်ပြုရန် စီးပွားကူးသန်းဝန်ကြီးဌာနမှ သက်ဆိုင်ရာဌာနများနှင့် ပူးပေါင်းစီစဉ်နေခြင်း ဖြစ်ကြောင်းသိရသည်။ ထိုသို့ တရားဝင် ကုန်သွယ်ရောင်းဝယ် ခွင့်ပြုလိုက်ပါက နိုင်ငံတော်အတွက် ရသင့်ရထိုက်သည့် အခွန်အခများ ရရှိလာနိုင် ကြောင်းနှင့် စနစ်ကျသည့် ရွှေဈေးကွက်ဖြစ် ပေါ်လာပါက မြန်မာ့ရွှေဈေးကွက်မှာ အာဆီယံနိုင်ငံများအထိ ယှဉ်ပြိုင်နိုင်ကာ ရွှေရောင်း ဝယ်မှုလည်း နိုင်ငံတကာ စံချိန်စံညွှန်းမီလာ မည်ဖြစ်ကြောင်း သိရသည်။
''ရွှေထည် လက်ဝတ်ရတနာတွေကို တင် သွင်းမှုပမာဏများများသတ်မှတ်လိုက်ရင်လဲ ပြည်တွင်းဒေါ်လာတွေ အထွက်များသွား ပြီး ငွေကြေးဖောင်းပွမှုကို ဖြစ်စေနိုင်ပါတယ်။ ဒါကြောင့် အစိုးရအနေနဲ့ ရွှေအရောင်းအဝယ်ပြုလုပ်ရာမှာ ပြည်တွင်းငွေကြေးဈေး ကွက်အတွက်ပါ မထိခိုက်အောင် ဆောင်ရွက် ပေးဖို့ လိုအပ်ပါတယ်''ဟု မြန်မာနိုင်ငံ ရွှေလုပ်ငန်းရှင်များအသင်း အတွင်းရေးမှူး ဦးကျော်ဝင်းက သုံးသပ်ပြောဆိုသည်။
ရွှေတရားဝင် တင်သွင်း၊ တင်ပို့ခွင့်အတွက် ရွှေဗဟိုဈေးကွက်ကိုလည်း ဖော်ဆောင် နိုင်ရန်လိုအပ်ပြီး သို့မှသာ နယ်စပ်ဒေသများ၌ တရားမဝင်ရောင်းချနေသော ရွှေများကို တရားဝင်ရောင်းချလာကြမည်ဖြစ်ကာ ရွှေအတွက် အခွန်အခကို သတ်သတ်မှတ်မှတ်ရ ရှိနိုင်ပြီး ရွှေသယံဇာတဆုံးရှုံးမှု လျော့ပါးနိုင်မည်ဟု ၎င်းက ဆက်လက်ပြောသည်။
Credit: Yangon Media Group
