မြန်မာ့အသေးစားနှင့် အလတ်စား စက်မှုလက်မှု ဖွံ့ဖြိုးရေးဘဏ်
(SMIDB) က ပုဂ္ဂလိကနှင့် အစိုးရဝန်ထမ်းများကို
လစာ၏သုံးဆကို ချေးငွေထုတ်ချေးမည်ဖြစ်ကြောင်း ယင်းဘဏ်ထံမှ သိရသည်။
အစိုးရဝန်ထမ်းဖြစ်ပါက အထက်အရာရှိ၏
ထောက်ခံချက် လိုအပ်ပြီး ပုဂ္ဂလိက ဝန်ထမ်းဖြစ်ပါက
အလုပ်ရှင်ကတာဝန်ခံ ပေးရမည်ဖြစ်ကြောင်း၊ ချေးငွေကို တစ်နှစ်အတွင်း
အရစ်ကျဆပ်ရမည်ဖြစ်ကာ အတိုးနှုန်းမှာ တစ်နှစ်ကို
၁၂ ရာခိုင်နှုန်းဖြစ်ကြောင်း ယင်းဘဏ်ထံမှ သိရသည်။
“လက်ရှိတော့ အစိုးရရုံးတွေက ပိုက်ဆံချေးချင်ရင် လာရောက် လျှောက်ထားကြပါတယ်။ ပုဂ္ဂလိက ဝန်ထမ်းတွေကိုလည်း ချေးသွားမှာပါ။ အပေါင်မဲ့ချေးငွေ လုပ်ပေးမှာပါ”ဟု ယင်းဘဏ်၏ တာဝန်ရှိသူတစ်ဦးက ပြောကြားသည်။
အရစ်ကျဆပ်ရမည့် အတိုးနှုန်းဖြစ်သည့်အတွက် ဝန်ထမ်းများအနေနှင့် အဆင်ပြေနိုင်ကြောင်း၊ ခြောက်လဆပ်နှင့် တစ်နှစ်အတွင်း
ခွဲ၍ဆပ်နိုင်ကြောင်း စိုက်ပျိုးရေး ဌာနဝန်ထမ်းဖြစ်သူ
ဒေါ်သီတာနွယ်က ပြောဆိုသည်။
“အပြင်မှာဆို ရွှေတွေပေါင်ရင် သုံးကျပ်တိုးယူတယ်။ အပေါင်မပါရင် ၁၅ ကျပ် တိုးယူတယ်။ ပြီးတော့ တစ်နှစ်လည်း မပေးကြဘူးလေ။ ဒီလိုမျိုး အစိုးရဘဏ်က ချေးပေးတာ ပိုပြီးကောင်းပါတယ်”ဟု ၎င်းကဆိုသည်။
Credit: The Voice
