ဇွန်လအတွင်း အိမ် ခြံ မြေ ဈေးကွက်မှာ အမေးများလာမှုနှင့်အတူ ပြန်လည်စတင်လှုပ်ခတ်လာပြီဖြစ်ကြောင်း ရန်ကုန်အခြေစိုက်ပြည်တွင်းအိမ် ခြံ မြေ အကျိုးဆောင်များကပြောသည်။
""ဒီလထဲမှာက တံဆိပ်ခေါင်းခွန်လျှော့ထားတာတွေရော ၊ တစ်ပေပတ်လည်စံနှုန်းတွေလည်းလျှော့ထားတယ်ဆိုတော့ နည်းနည်းလေးပြန်ပြီး အမေးရှိလာတယ်။ဈေးကွက်ပြန်ဖြစ်မယ့်သဘောပေါ့ ။ အရောင်းအဝယ်ပိုင်းမှာာအသေးတွေသွက်တယ်။လက်ကြီးပိုင်းတွေကတော့ နည်းနည်းပါးပါးဖြစ်တယ်။""ဟု မြန်မာနိုင်ငံအိမ်ခြံမြေဝန်ဆောင်မှုအသင်းမှ ဒုတိယဥက္ကဌမှ ပြောသည်။
လတ်တလောအရောင်းအဝယ်ဖြစ်သော နှုန်းထားများနှင့်အမေးများသော နှုန်းထားများမှာ သိန်းသုံးထောင်မှ သိန်း ငါးထောင်ဝန်း ကျင်ကြားမြေကွက်များဖြစ်ကြောင်းသိရသည်။""တိုက်ခန်းတွေကတော့ သိပ်မဖြစ်ဘူး။ပါမစ်မြေတွေကတော့ သိန်းရာဂဏန်းတွေနဲ့အရောင်းအဝယ်ဖြစ်တာများတယ်။တိုက်ခန်းတွေသိပ်မဖြစ်ဘူး။ဂရမ်မြေကတော့ သိန်း ၃၀၀၀ ဝန်းကျင်ကနေ ၅၀၀၀ ဝန်းကျင်တွေဖြစ်တယ်။သောင်းဂဏန်းတွေကတော့ ဒီလထဲ နှစ်ခုလောက်ဖြစ်တယ်။""ဟု ၎င်းမှဆက်လက်ပြောပြသည်။
အငှားဈေးကွက်မှာမူ ပုံမှန်အနေအထားဖြင့်သာ ဝါကျွတ်အထိဆက်သွားနိုင်ခြေရှိကြောင်းလည်းသိရှရသည်။
မင်းချို မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
