တရုတ်နိုင်ငံ၏ မြို့ကြီးများတွင် အိမ်ခြံမြေဈေးနှုန်းများသည် ၅၀ ရာခိုင်နှုန်း
အထိ ဆက်လက်မြင့်တက်လာမည်ဟု တရုတ်ထိပ်တန်း
ပညာရှင်တစ်ဦးက ဟောကိန်းထုတ်လိုက်ကြောင်း ဘလွန်းဘာ့ဂ်ျသတင်းတစ်ရပ်တွင် ဖော်ပြသည်။
ယင်းသို့ ဟောကိန်းထုတ်လိုက်သူမှာ ပေကျင်းရှိ
ဇင်းဟွာတက္ကသိုလ်၊ ဘဏ္ဍာရေးသုတေသန အမျိုးသားအင်စတီကျုမှ လက်ထောက်ညွှန်ကြားရေးမှူး ဇူးနင်ဖြစ်သည်။
“အိမ်ခြံမြေပူဖောင်းတစ်ခုထဲမှာ ကျွန်တော်တို့ နေထိုင်နေကြရတာဖြစ်ပါတယ်။ အဓိပ္ပာယ်ရှိတဲ့ ပြုပြင်ပြောင်းလဲမှုတွေ မလုပ်နိုင်ဘူးဆိုရင် ဘဏ္ဍာရေးအကျပ်ဆိုက်တာမျိုး၊ ပူဖောင်းပေါက်ကွဲတာမျိုးတွေဖြစ်လာဖို့ အလားအလာအများကြီးရှိနေတယ်။ အနှေးနဲ့ အမြန်ပဲ ရှိတယ်” ဟု ဇူးနင်က ပြောကြားသည်။
အိမ်ခြံမြေဈေးကွက်ထိန်းသိမ်းရန်အတွက် ချမှတ်ထားသည့်စည်းမျဉ်းများကို အစိုးရက ပြန်လည်ဖြေလျှော့ပေးရန် ယင်းနောက်ပိုင်းတွင် အိမ်ခြံမြေဈေးနှုန်းများမှာ ၅၀ ရာခိုင်နှုန်းအထိ ဆက်လက်မြင့်တက်ဦးမည်ဟု ဇူးနင်က ဟောကိန်းထုတ်ထားပြီး အချိန်ကာလအတိအကျ ထုတ်ဖော်ပြောကြားခြင်းကား မရှိချေ။
တရုတ်နိုင်ငံတွင် အိမ်ခြံမြေဈေးနှုန်းများ မြင့်တက်နေခြင်းကို ထိန်းသိမ်းရန်အတွက် လက်ငင်းပေးချေရမည့်ငွေပမာဏကို မြှင့်တင်ခြင်း၊ ဒေသခံမဟုတ်သူများ ဝယ်ယူမှုကို တင်းကျပ်ခြင်းနှင့် မိသားစုတစ်ခု ပိုင်ဆိုင်နိုင်သည့် နေအိမ်ပမာဏကို ထိန်းချုပ်ခြင်းများ ပြုလုပ်ခဲ့သည်။
ယခုနှစ် မတ်လအတွင်း တရုတ်နိုင်ငံရှိ မြို့ကြီး ၂၆ မြို့တွင် နေအိမ်တစ်လုံးဝယ်ယူပြီးနောက် ပြန်လည်ရောင်းချနိုင်သည့် ကာလကန့်သတ်မှုများလည်း ပြုလုပ်ခဲ့ပြီး ဖြစ်သည်။
လွန်ခဲ့သော ၁၂ လတာကာလအတွင်း အိမ်ခြံမြေဈေးနှုန်းများ အလွန်မြင့်တက်လာခြင်းကို ခွင့်ပြုခဲ့သည်ကို တွေ့ရပြီး
အိမ်ခြံမြေဈေးကွက်ကို ပြန်လည်ပုံဖော်ပေးမည့် ရေရှည်ယန္တရားမျိုး မတွေ့သေးကြောင်း
ဇူးနင်က ပြောကြားသည်။
တရုတ်စီးပွားရေးကို ၆ ဒသမ ၅ ရာခိုင်နှုန်းမှ ၇ ရာခိုင်နှုန်းအကြား ဆက်လက်ဖွံ့ဖြိုးရန် အများက လိုလားနေကြပြီး လူတို့၏စိတ်တွင် ဖွံ့ဖြိုးမှုကြီးမြင့်လေကောင်းလေဟူသည့် စိတ်အခံများရှိနေကြကြောင်း ဇူးနင်က ဆိုသည်။
လွန်ခဲ့သော ၂ နှစ်တာအတွင်း ဖြစ်ပျက်ခဲ့သည့်အရာများကြောင့် မည်သည့်ပြုပြင်ပြောင်းလဲမှုများလုပ်စေကာမူ ကုစားနိုင်ရန် အလွန်ခက်ခဲလှကြောင်းနှင့် လာမည့် ၃ နှစ်မှ ၅ နှစ်အထိ
ဖရိုဖရဲအခြေအနေ ကြုံတွေ့နေရဦးမည်ဖြစ်ကြောင်း ဇူးနင်က ဟောကိန်းထုတ်ခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
