မဟာရန်ကုန် မြို့လယ်တိုက်ခန်းကနေ စပြီး မြို့စွန်မြို့ဖျားအထိ
ဌားမည် ၊ ရောင်းမည်ဆိုတဲ့ ဆိုင်းဘုတ်ကလေးတွေ အခုနောက်ပိုင်းတော်တော်များများလေး နေရာအနှံ့မှာ တွေ့လာရပါတယ် ၊ ရောင်းမယ်ဆိုတဲ့ ဆိုင်းဘုတ်ကလေးတွေ တွေ့လို့ ဈေးနှုန်းစုံစမ်းလိုက်ရင်လည်း တာဝတိသာ ရောက်နေတဲ့
အရောင်းဈေးနှုန်း နဲ့ ဌားမယ်ဆိုပြန်ရင်လည်း မြင့်မားတဲ့ အဌားဈေးနှုန်းတွေကြောင့် တွက်ခြေမကိုက်ဘဲ လက်လန်သွားကြတာများတယ်လို့ အကျိုးဆောင်မိတ်ဆွေတွေက ပြောလာကြပါတယ် ။
တစ်ချို့အိမ်တွေ တိုက်ခန်းတွေဆို နှစ်နဲ့ ချီပြီး ဌားမယ် ရောင်းမယ်ဆိုတဲံ ဆိုင်းဘုတ်တွေကို ချိတ်ဆွဲထားတာ နေရာအနှံ့မြင်တွေ့ရမှာဖြစ်ပါတယ် ။ လမ်းမတန်းမြေကွက် ၊ တိုက်ခန်းအချို့ရဲ့ဌားခဈေးနှုန်းတွေကလည်း အားလုံးသိတဲ့ အတိုင်းမြင့်မားနေလို့ ဆက်မဌားနိုင်တော့တဲ့အတွက် ဈေးချိုနေရာသစ်ဆီကို မကြာခဏ ဆိုင်နေရာ ပြောင်းရွှေ့နေရတာကို မြင်နေရမှာဖြစ်ပါတယ် ။ ၊ ဆိုင်ခန်းတွေ ခဏခဏ နေရာ ပြောင်းနေရလို့ နေရာသစ်ကို ပြောင်းရွေှ့ထားပါတယ်ဆိုတဲ့ အကြောင်း နေရာ ဟောင်းမှာ ဗွီနိုင်တွေ ကပ်ထားတာ ရန်ကုန်မြို့လယ်ခေါင်က နေရာအစုံမှာ မြင်တွေ့ရမှာဖြစ်ပါတယ်။
တစ်ယောက်ပြောင်းသွားလို့ ဒီနေရာ မှာ နောက်တစ်ယောက်ထပ်ဝင် ပြီးဌားတာတို့ ရှိသလားဆိုတာပြန်ကြည့်လိုက်ရင်လည်း လနဲ့ချီကြာအောင် အဌားမရှိလို့ ဒီအတိုင်းတံခါးပိတ်ထားရတဲ့ ဆိုင်ခန်းတွေ ၊ အိမ်ခန်းတွေက စီးပွားရေးမြို့လယ်ခေါင်ဖြစ်တဲ့ ရန်ကုန်မြို့ လယ်မှာ
တော်တော်များများ မြင်တွေ့နေရတာဖြစ်ပါတယ် ။ မြို့စွန်မြို့နယ်တွေမှာလည်း ထိုနည်းလည်ကောင်းဖြစ်ပါတယ်
အပိုင်ဝယ်ဖို့ မဖြစ်နိုင်လို့ ဌားပြီးဆိုင်လေးဖွင့်ထားပေမယ့် တစ်နှစ်နှစ်နှစ် အခြေကျလို့ ဆိုင်အတွက် မိတ်ကလေးရလာပြီ လူစည်လာမယ် အရောင်းအ၀ယ် ကောင်းလာပြီဆိုရင် အိမ်ရှင်မြေရှင်က ဌားခဈေးတိုးတောင်းလို့ အဆင်မပြေဘဲ နေရာသစ်ကို မကြာခဏ ပြောင်းရလို့ ဌားတဲ့ လူတွေအတွက်လည်း အင်မတန် ဒုက္ခများသလို မိတ်လည်းပျက်ပါတယ် ။ ပစ္စည်းတွေနေရာမကြာခဏ ပြောင်းရတဲ့ ဒုက္ခမသေးတာ အားလုံးလည်း အသိဘဲဖြစ်ပါတယ်။
တစ်ဖက်မှာလည်း အိမ်ရှင်မြေရှင်တွေ လောဘတက်ပြီူ အရောင်းအဌားဈေးတွေ ဆွဲမြှောက်ထားသလားလို့ အပေါ်ယံထင်ရပေမယ့်လည်းတကယ်အတွင်းကျကျ ပြန်ကြည့်မယ်ဆိုရင် သူတို့ကိုယ်တိုင်လည်း အမြင့်ဈေးတွေနဲ့ ၀ယ်ထားခဲ့တာက အများစု ဖြစ်လို့ သူတို့ဒုက္ခနဲ့ချာလပတ် လည်နေကြတာဖြစ်ပါတယ် ၊ ဒါကြောင့်လည်း အမြတ်မရရင်တောင် အရင်ဈေးလောက် ရအောင် ပြန်ရောင်းမယ့် ဈေးနှုန်းတွေ ၊ ဌားစားမယ့် ဈေးနှုန်းတွေကမြင့်တက်နေရတာဖြစ်ပါတယ် ။ သိန်းတစ်ထောင်တန် မြေကွက်ပါ အိမ်ကို ၀ယ်ပြီး ပြန်ဌားစာရင် အနည်းဆုံး တစ်သိန်းခွဲနဲ့ နှစ်သိန်းကြား ဌားခ ရမှသာ အိမ်ရှင်မြေရှင်ဘက်ကလည်း သူရင်းနှီးမြုပ်နှံထားတဲ့ ငွေကြေးအရ နည်းနည်းလေး လှုပ်သာရုံသာ
ရှိပါတယ် ။
အိမ်ဝယ်တိုက်ခန်း ၀ယ်မယ့်လူတွေ ၊ အိမ်ဌားနေမယ့် လူတွေ ဘက်က ပြန်ကြည့်လိုက်ရင်လည် တစ်ချိန်တုံးက ဒီဈေးနှုန်းတွေ ပေါက်ခဲ့တာ မှန်ပေမယ့် အခုလိုအ၀ယ်အေးပြီး ငွေရှားတဲ့ကာလမှာ ခေါ်ဈေးအတိုင်း ၀ယ်ဖို့ဆိုတာ ဘယ်သူမှ စဉ်းစားရဲမှာ မဟုတ်ပါဘူး ၊၀ယ်မှာလည်း မဟုတ်ပါဘူး ။ အခုလိုငွေရှားပြီး လုပ်ငန်း တွေအေးတဲ့ကာလမှာပိုဆိုးပါတယ် ။
ထို့အတူ ဌားမယ့်သူတွေ ဘက်ကလည်း ဌားမယ့် မြေကွက် ၊ အဆောက်အအုံကို ပေးရမယ့် ဌားခဈေးနှုန်းနဲ့ ပြန်ရမယ့် စီးပွားရေး အကျိုးအမြတ်ကို တွက်ပြီး မြေ၊ အဆောက်အအုံ ဌားခဈေးတွေ မြင့်လို့ လက်တွန့်နေကြတဲ့ အတွက် အခုအချိန်ထိ ဌားမယ်ရောင်းမယ်ဆိုတဲ့ မြေကွက် အဆောက်အအုံ တိုက်ခန်းတွေ ရန်ကုန်မြို့မှာ တော်တော်များများ တွေ့နေ၇တာ ဖြစ်ပါတယ် ။
အိမ်ရှင်မြေရှင် တိုက်ခန်းရှင်ကလည်း သူဝယ်ခဲ့တာ အမြင့်ဈေးဖြစ်လို့ အရှုံးခံဈေးချဖို့ မဖြစ်နိုင်တဲ့ အတွက် မရောင်းနိုင်မဌားနိုင်သလို အလုပ်လုပ်မယ့်လူတွေ အတွက်လည်း အခုလို စီးပွားရေးမကောင်းသေးဘူးလို့ အားလုံးဝိုင်းပြောနေတဲ့ အချိန်မှာ ခေါ်ဈေးအတိုင်း မ၀ယ်နိုင် မဌားနိုင်တာကတော့ ထူးခြားမှုမရှိပါဘူး ၊ အိမ်ရှင်ကလည်းဈေးချပြီး မရောင်းနိုင်မဌားနိုင်တဲ့ အတွက် အခုအချိန်ထိ ဆိုင်းဘုတ်တွေတပ်ထားပြီး ပိတ်ထားတဲ့ လူနေတိုက်ခန်းတွေ မြေကွက်လွတ်တွေက အများအပြားရှိနေအုံးမှာဖြစ်ပါတယ် ။
ရောင်းသူ နဲ့ ၀ယ်သူအကြားမှာ ချိတ်ဆက်မှု တစ်ခုလိုအပ်ပါတယ် ၊ အခုလို ဖြစ်နေတဲ့ ပြသနာကတော့ စီးပွားရေး လေးလံထိုင်းမှိုင်းနေတဲ့ အကျိုးဆက်ကြောင့် အိမ်ရှင် အတွက်လည်း မရောင်းနိုင် မဌားနိုင်လို့ အိမ်ပိတ်ထားရပြီး အကျိုးမရှိသလို စီးပွားရေးလုပ်ချင် ၊ လုပ်ငန်းလုပ်ချင်တဲ့လူတွေ ၊ အိမ်နေဖို့ လိုတဲ့ လူတွေအတွက်လည်း အခန်းတွေ အိမ်တွေရှိပေမယ့် ဌားခ ရောင်းဈေးမြင့်လို့ မြင်သာမြင်ရ မကြင်ရဆိုသလို လက်မှိုင်ချဘေးထွတ်ထိုင်ရတဲ့ အတွက် နှစ်ဦးနှစ်ဖက် နစ်နာဆုံးရှုံးမှုတွေ ရှိပါတယ် ၊ လုပ်ငန်းတွေ မလည်ပတ်နိုင်တဲ့ အတွက်ကြောင့် တိုင်းပြည်ရဲ့ အခွန်ဘဏ္ဍာ ရရှိမှုကိုလည်း ထိခိုက်စေပါတယ် ၊ အဓိက အပြစ်တင်ရမှာကတော့ လေးလံထိုင်းမှိုင်းနေတဲ့ စီးပွားရေးကိုဘဲ လက်ညိုးထိုးအပြစ်တင်ရမှာဖြစ်ပါတယ် ။
အေးစက်တာ နှစ်နှစ်ကျော်ကြာပြီဖြစ်တဲ့ မြန်မာစီးပွားရေး အင်အားစုကြီး တစ်ခုလုံးကို ပြန်လည်နိုးဆွဖို့လိုလာပြီဆိုတဲ့ အကြောင်း စီးပွားရေး ကျွမ်းကျင်သူတွေက တိုက်တွန်းနေကြပါပြီ ၊ အိမ်ခြံမြေ ဆောက်လုပ်ရေး လုပ်ငန်းတွေက စီးပွားရေးဈေးကွက်မှာ အင်အားကြီးတဲ့ ပမာဏ ဖြစ်ပြီး ငွေကြေးလည်ပတ်မှု ကောင်းတဲ့ လုပ်ငန်းတွေဖြစ်လို့သူတို့ရှင်သန်နိုင်အောင် INJECTION လို့ခေါ်တယ့်အားဆေးတွေ လိုအပ်လာပါပြီ ။
ကွန်ဒို ဥပဒေထွတ်ပြီးဖြစ်ပေမယ့် အလုပ်တကယ်ဖြစ်မယ့် ကွန်ဒိုနည်းဥပဒေ ထွတ်ဖို့ တွန်းအားပေးဖို့လုပ်ရမှာဖြစ်သလို တိုက်ခန်းအိမ်ရာ ဥပဒေကိုလည်းအမြန်ဆုံး အသက်သွင်းဖို့လိုပါတယ် ။ ပြည်တွင်းပြည်ပ စီးပွားရေး လုပ်ငန်းတွေ ဈေးကွက်ထဲကို အမြန်ဆုံး ၀င်လာတာနဲ့ အမျှ စီးပွားရေး လုပ်ငန်းတွေလည်း ပြန်လည်သွက်လက်လာမှာဖြစ်ပြီး လူတစ်ဦးချင်းစီရဲ့ဝင်ငွေတွေလည်း တိုးလာမှာဖြစ်ပါတယ် ။
ဒါဆိုရင် စီးပွားရေး လုပ်ငန်းတွေ ပြန်လည်တိုးတက်လာနိုင်တဲ့ အတွက် ဘယ်လောက်ဘဲ အဌားအရောင်းဈေးတွေ မြင့်နေတယ်လို့ အော်နေပါစေ တွက်ခြေကိုက်တယ် သူတို့နဲ့ သင့်တော်တယ်လို့ လုပ်ငန်းရှင်က ယုံကြည်တယ်ဆိုရင် အရောင်းအ၀ယ် အဌားအရမ်းတွေ ပြန်လုပ်လာကြမှာဖြစ်ပါတယ် ၊ ဒိုမီနိုသီအိုရီအရ လုပ်ငန်းတွေ အားလုံးက တစ်ခုနဲ့ တစ်ခု ဆက်စပ်မှီခိုနေရတဲ့ အတွက် အဓိကလှုပ်ခတ်မောင်းနှင်နိုင်မယ့် တွန်းအား တစ်ခုဖြစ်လာအောင် အသက်သွင်းပေးဖို့ အရေးကြီးပါတယ်။
ပြည်တွင်းပြည်ပ ရင်းနှီးမြုပ်နှံသူတွေ စီးပွားရေးစနစ်ထဲကို
ငွေထုတ်ပိုက်ပြီး ရင်းနှီးမြုပ်နှံလာမယ်ဆိုရင် ကျဆင်းနေတဲ့ အိမ်ခြံမြေနဲ့ ဆောက်လုပ်ရေး လုပ်ငန်းတွေလည်း ပြန်လည်တိုးတက်လာ
မှာဖြစ်ပါတယ် ၊ အကျိုးဆက်အနေနဲ့ကတော့ အရောင်းအ၀ယ် တွေ ပြန်လည်သွက်လက်လာလို့ အိမ်ရှင် ၊ အိမ်ဌားနဲ့ နိုင်ငံတော်အတွက်ပါ သုံးဦးသုံးဖလှယ် အကျိုးကျေးဇူးဖြစ်ထွန်းလာမှာဖြစ်ပါတယ် ။
ကိုချစ်ခင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
