ဟောင်ကောင် အိမ်ခြံမြေလုပ်ငန်းရှင်သူဌေးကြီး သောမတ်စ် ကွာ့ခ် ပင်ကွမ်းသည် ဟောင်ကောင်အုပ်ချုပ်ရေး အဖွဲ့မှ
နံပါတ် ၂ အဆင့်ရှိသူ ခေါင်းဆောင် (ဟောင်း) တစ်ဦးကို
လာဘ်ပေးမှုဖြင့် ဖမ်းဆီးကာ ပြစ်ဒဏ်ချမှတ်ခံထားရရာ
ယခုအခါ အဆိုပါအမှုအတွက် နောက်ဆုံးအဆင့်အယူခံ
ရှုံးနိမ့်သွားပြီဖြစ်ကြောင်း ဂျပန်အခြေစိုက်
အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။
ကွာ့ခ်သည် ဟောင်ကောင်အုပ်ချုပ်ရေးအဖွဲ့မှ အတွင်းရေးမှူးချုပ် ရာဖဲလ် စီယန်ကို ဟောင်ကောင်ဒေါ်လာ ၈ ဒသမ ၅ သန်း
(ကန်ဒေါ်လာ ၁ ဒသမ ၀၉ သန်း) လာဘ်ပေးခဲ့ကာ မလျော်မကန်ပြုမှုအတွက် အပြစ်ရှိကြောင်း အပြီးသတ်အယူခံတရားရုံးက ဆုံးဖြတ်လိုက်ခြင်း ဖြစ်သည်။
ရာဖဲလ် စီယန်သည် ၂၀၀၅ မှ ၂၀၀၇ အထိ တာဝန်ထမ်းဆောင်ခဲ့သူဖြစ်ပြီး ဟောင်ကောင်အုပ်ချုပ်ရေးအဖွဲ့တွင် နံပါတ် ၂ နေရာရှိသည့် ထိပ်တန်းခေါင်းဆောင်ဖြစ်ခဲ့သည်။
ကွာ့ခ်သည် အိမ်ခြံမြေဆောက်လုပ်ရေးကုမ္ပဏီဖြစ်သော Sun Hung Kai Properties ၏ ပူးတွဲဥက္ကဌဖြစ်ပြီး အယူခံတရားရုံး၏ ဆုံးဖြတ်ချက်အပြီးတွင် ရဲတပ်ဖွဲ့ဝင်များက လက်ထိပ်ခတ်ကာ ပြန်လည်ခေါ်ဆောင်သွားခဲ့သည်။
နောက်ဆုံးအယူခံရှုံးနိမ့်မှုကြောင့် ကွာ့ခ်သည် ထောင်ဒဏ် ၅ နှစ်ကျခံရတော့မည်လည်း ဖြစ်သည်။
ကွာ့ခ်သည် အသက် ၆၅ နှစ်အရွယ်ရှိပြီဖြစ်ပြီး အနက်ရောင်ဝတ်စုံဝတ်ဆင်ထားကာ တရားရုံးမှ ထွက်ခွာချိန်တွင် တည်ငြိမ်စွာပင် တွေ့ရပြီး လက်ထဲ၌ သမ္မာကျမ်းစာအုပ် ကိုင်ဆောင်ထားသည်ကို တွေ့ရသည်။
အမိန့်မချမီတွင် ကွာ့ခ်က သတင်းထောက်များကို ပြောကြားခဲ့ရာ၌ ယမန်နေ့ညက ကောင်းစွာအိပ်ပျော်ကြောင်းနှင့် ယခုအကြောင်းရပ်နှင့် စပ်လျဉ်း၍ များစွာတွေးတောနေခြင်းမျိုးမရှိကြောင်း ပြောကြားခဲ့သည်။
ကုမ္ပဏီ၏ဥက္ကဌ၊ ကွာ့ခ်၏ ညီဖြစ်သူ ရေမွန် ကွာ့ခ် ပင်လျွမ်က ယခုဆုံးဖြတ်ချက်အပေါ် များစွာစိတ်ပျက်မိကြောင်းနှင့် မိမိတို့ကိုထောက်ခံအားပေးသူများအနေဖြင့် ကွာ့ခ်နှင့် သူ၏မိသားစုအတွက် ဆုတောင်းပေးကြရန် ပြောကြားခဲ့သည်။
အယူခံတရားရုံး၏ ဆုံးဖြတ်ချက်ထွက်ပေါ်ပြီးနောက် Sun Hung Kai Properties ၏ ရှယ်ယာတန်ဖိုးများ ၁ ဒသမ ၄ ရာခိုင်နှုန်း ကျဆင်းသွားခဲ့သည်။
ယခုအမှုမှာ ဟောင်ကောင်၏ ဖြူစင်သည့်ပုံရိပ်ကို ဆိုးရွားစွာထိခိုက်သွားစေပြီး အစိုးရအရာရှိများနှင့် စီးပွားရေးလုပ်ငန်းရှင်တို့အကြားမှ ဆက်နွှယ်မှုများကို ပြည်သူများက ရတက်မအေးဖြစ်လာလျက်ရှိနေသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
