အရှေ့ တောင်အာရှ၏ အကြီးမားဆုံးအိမ်ခြံမြေကုမ္ပဏီဖြစ်သော CapitaLand သည် ဂျပန်အိမ်ခြံမြေကဏ္ဍတွင် စင်္ကာပူဒေါ်လာ ၅ ဘီလီယံ (ကန်ဒေါ်လာ ၃ ဒသမ ၆ ဘီလီယံ) အထိ ရင်းနှီးမြှုပ်နှံသွားရန် စီစဉ်လျက်ရှိကြောင်း ဂျပန်အခြေစိုက် အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။
အဓိကအားဖြင့် နဂိုယာ၊ အိုဆာကာနှင့် တိုကျိုမြို့ ကြီးများတွင် ရင်းနှီးမြှုပ်နှံသွားရန် စီစဉ်ထားကြောင်း CapitaLand မှ အမှုဆောင် အရာရှိချုပ်ဖြစ်သူ လင်မင်ယန်က ကုမ္ပဏီ၏ နောက်ဆုံးစီမံကိန်းတစ်ခုဖြစ်သော Ascott Marunouchi Tokyo အသင့်နေလူနေခန်း ဖွင့်ပွဲအခမ်းအနားတွင် ပြောကြားသည်။
ရင်းနှီးမြှုပ်နှံမှုများ စတင်ပြုလုပ်မည့်အချိန်အတိအကျကို ထုတ်ဖော်ပြောကြားခြင်းမရှိသော်လည်း မကြာမီကာလအတွင်း ဖြစ်ဖွယ်ရှိ ကြောင်းကိုမူ ပြောကြားသွားသည်။
၂၀၂၀ အိုလံပစ်ပွဲတော်ကြောင့် ဂျပန်နိုင်ငံ၊ တိုကျိုမြို့ တော်၏ အိမ်ခြံမြေဈေးကွက်ကို ကမ္ဘာတစ်ဝန်းမှ စိတ်ဝင်စားမှုများ မြင့်တက်လာ
လျက် ရှိနေသည်။
ခရီးသွားလုပ်ငန်း အားကောင်းလာနိုင်ချေရှိမှုကြောင့်
အသင့်နေလူနေခန်းများ၏ ဈေးကွက်ကို လှုပ်နှိုးပေးနိုင်မည်ဟု
မျှော်လင့်လျက် လည်း ရှိကြသည်။
CapitaLand က အဓိကဦးတည်အကောင်အထည်ဖော်သည်မှာ ရုံးခန်းများ၊ ဈေးဝယ်စင်တာများနှင့် အသင့်နေလူနေခန်းများဖြစ်ပြီး အကောင်အထည်ဖော်ဆဲ စီမံကိန်းများအပါအဝင် ယခု ၂၀၁၇
နှစ်ကုန်တွင် လုပ်ငန်းအကောင်အထည်ဖော်လျက်ရှိသည့် အဆောက်အအုံများ၏ စုစုပေါင်းတန်ကြေးမှာ စင်္ကာပူဒေါ်လာ ၃ ဘီလီယံခန့်ရှိမည်ဟု မှန်းဆထားသည်။
ယခုနှစ် ဖေဖော်ဝါရီလအတွင်း CapitaLand သည် ယိုကိုဟားမားတွင် ရုံးခန်းအဆောက်အအုံ ၂ ခု၊ တိုကျိုတွင် ရုံးခန်းအဆောက်အအုံ ၁ ခုနှင့် ဆိုင်တာမာတွင် ဈေးဝယ်စင်တာတစ်ခုတို့ ဝယ်ယူထားပြီး စုစုပေါင်းတန်ကြေးမှာ ဂျပန်ယန်းငွေ ၄၉ ဒသမ ၇ ဘီလီယံ
(ကန်ဒေါ်လာ သန်း ၄၅၀) ဖိုးခန့် ရှိသည်။
ဂျပန်နိုင်ငံတွင် CapitaLand မှ စုစုပေါင်းပိုင်ဆိုင်ထားသည်များမှာ ဈေးဝယ်စင်တာ ၅ ခု၊ ရုံးခန်းအဆောက်အအုံ ၄ လုံး၊ အသင့်နေ လူနေခန်းနှင့် အငှားအိမ်ခန်း အဆောက်အအုံ ၂၃ လုံး ပိုင်ဆိုင်ထားသည်။
Ascott Marunouchi Tokyo သည် အိုတီမာချီပါ့ခ် အဆောက်အအုံ၏ အပေါ် ၈ ထပ်ကို နေရာယူထားပြီး Mitsubishi Estate က ဆောက်လုပ်ပေးခဲ့ခြင်း ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
