အစိုးရရဲ့ တန်ဖိုးနည်းအိမ်ခန်းတွေကို ဝယ်နိုင်ဖို့ ချေးငွေထုတ်ပေးနေတဲ့ နိုင်ငံတော်နဲ့ အကျိုးတူပူးပေါင်း တည်ထောင်ထားတဲ့ ဆောက်လုပ်ရေးနှင့် အိမ်ရာဖွံ့ဖြိုးရေးဘဏ် (CHDB) အများပိုင်ဘဏ်က ၂၀၁၄ ခုနှစ်မှာ စတင်ဖွင့်လှစ်ခဲ့တာဖြစ်ပါတယ်။ ပြည်သူတွေ အိမ်ပိုင်ဆိုင်နိုင်မယ့် အခွင့်အရေးကို ပိုမိုရရှိဖို့ ရည်ရွယ်ချက်နဲ့ ဖွင့်လှစ်ခဲ့တဲ့ CHDB ဘဏ်ဟာ အခုဆိုရင် အိမ်ခန်းဝယ်လိုသူတွေနဲ့ ဆောက်လုပ်ရေးလုပ်ငန်းတွေအတွက် ချေးငွေတွေ ထုတ်လုပ်ပေးလျက်ရှိပြီး ဆောက်လုပ်ရေးလုပ်ငန်းတွေအတွက် ၈၀ ရာခိုင်နှုန်းနဲ့ အိမ်ခန်းဝယ်လိုသူတွေ အတွက် ၃၀ ရာခိုင်နှုန်းခန့် ငွေထုတ်ချေးမှုရှိနေပါပြီ။ CHDB ဘဏ်အနေနဲ့ နောက်ထပ် အတိုးနှုန်းနည်းနည်းနဲ့ ချေးငွေများများ ထုတ်ချေးနိုင်ဖို့ကို ကြိုးစားလုပ်ကိုင်နေတဲ့ အကြောင်း CHDB ဘဏ်၏ ညွှန်ကြားရေးမှုး ဒေါ်မြင့်မြင့်မူကို တွေ့ဆုံမေးမြန်းခဲ့ပါတယ်။
မေး - CHDB ဘဏ်အနေနဲ့ အတိုးနှုန်းနည်းပြီး နှစ်ရှည်ပိုချေး နိုင်မယ့် ချေးငွေတွေကို ပေးနိုင်မယ့် အနေအထားရှိပါသလား။
နှစ်ရှည်အရစ်ကျချေးငွေ သက်သက်သာသာလေးနဲ့ ပေးနိုင်ဖို့အတွက် လုပ်ပေးရတာပေါ့။ ပြည်တွင်းမှာကျတော့ အတိုးနှုန်းတွေက မြင့်တော့ နိုင်ငံတကာကနေပြီးတော့ အစိုးရအချင်းချင်း (Government tp Government ) ရဖို့ ကြိုးစားနေတယ်။ အဲဒါရရင် နှစ်ရှည်ဖြစ်ပြီး အတိုးနှုန်းကလဲ သက်သာ တဲ့အတွက်ကြောင့်မို့ လစဉ်ပေးရတဲ့ အရစ်ကျလေးတွေကလဲ နည်းသွားမယ်။ ဥပမာ တစ်လကို ခြောက်သောင်း၊ ခုနှစ်သောင်း လောက်ပဲပေးရမယ် လူတိုင်းတော်တော်များများ မိသားစုဝင်ငွေ နှစ်သိန်းလောက်ရှိရုံနဲ့ အိမ်ဝယ်နိုင်တဲ့အဆင့် ရမှာပေါ့နော်။ အခုလောလောဆယ်ကတော့ တစ်လကို အနည်းဆုံးက သုံးသိန်းခွဲ၊ လေးသိန်း ဝင်ငွေလောက်ရှိတဲ့လူမှ ဝယ်နိုင်တဲ့ အနေအထားဆိုတော့။ အဲလောက်မရှိတဲ့လူကို ကျတော့ စဉ်းစားပေးရတာပေါ့။ အဲဒါကြောင့် အဲ့လို soft loan တွေရမှ အနှစ်သုံး ဆယ်လောက်ဆိုတော့ လုပ်နေပါတယ်။
အဓိကကတော့ ဂျပန်နဲ့ဆွေးနွေးနေတယ်။ ဂျပန်ဘက်ကလဲ ချေးငွေနဲ့ ပတ်သတ်တဲ့ နည်းပညာပိုင်းထောက်ပံ့မှုတွေလဲ ဒီချေးငွေနဲ့ ပတ်သတ်တဲ့ဟာပေါ့နော်။ ပြန်ပြီးတော့မှ နိုင်ငံတကာကနေ တဆင့်ချေးငွေတွေချေးလာတယ်။ တဆင့်ချေး လာတဲ့ဟာတွေကို ပြန်ပြီးတော့မှ အရစ်ကျနဲ့ နှစ်ရှည်ပေးတဲ့ အပေါ်မှာ တတ်နိုင်သလောက် ဆုံးရှုံးမှုတွေ နည်းနိုင်သမျှ နည်းအောင် ဘယ်လိုလုပ်ရမလဲဆိုတဲ့ နည်းပညာပိုင်းအထောက် အပံ့ကိုလဲ ဂျပန်နိုင်ငံကလဲ G to G စီစဉ်ပေးနေတော့ CHDB ဘဏ်က နိုင်ငံတော်ရဲ့ အစုရှယ်ယာပါတဲ့ဘဏ်ဆိုတော့ CHDB ဘဏ်ကလဲ နိုင်ငံတကာရဲ့G to G အကူအညီ တွေရနေပါပြီ။
မေး - အခု ဘဏ်နဲ့ချိတ်ဆက်ပြီး အိမ်ခန်းဝယ်တဲ့အခါမှာ Down Payment (ချက်ချင်းအကြေချေပေးရတဲ့နှုန်း) က ၃၀ ရာခိုင်နှုန်း ဆိုတော့ အနည်းဆုံး သိန်း ၃၀ လောက်ရှိတဲ့အတွက် မတတ်နိုင်တဲ့လူတွေလဲရှိတဲ့အခါ အဲဒီထက်လျော့ဖို့ ချေးနိုင်ဖို့ကော အစီအစဉ်ရှိပါသလား။
ကနဦးငွေအကြေချေစနစ်ကိုလဲ လျော့ဖို့ စဉ်းစားနေပါတယ်။ ဒါပေမဲ့ ဘာဖြစ်လဲဆိုတော့ Down Payment ကို နည်းလိုက်ရင် အရစ်ကျပေးရတဲ့ငွေက ချေးငွေများသွားမယ်လေ ချေးငွေများရင် ဝယ်တဲ့သူက မသွင်းနိုင်တော့ဘူး။ ဘာဖြစ်လို့လဲ ဆိုတော့ ဝင်ငွေက နည်းတာကို၊ ခုနက သိန်းတစ်ရာမှာ သိန်း ၃၀ ကို အရင်အကြေချေပြီးတော့ သိန်း ၇၀ ကို အရစ်ကျသွင်းရင် တစ်လကို တစ်သိန်းစွန်းစွန်းလေး သွင်းရတယ်။ ဆိုတော့ အဲဒါကို လျှော့လိုက်ရင် ပိုပြီးတော့ တစ်လ ကို တစ်သိန်း ခွဲတို့ နှစ်သိန်းတို့ ပေးရရင် ပိုပြီးတော့ ဝယ်နိုင်မှာ မဟုတ်ဘူး ပိုဆိုးသွားမယ်လေ။ အဲဒါကြောင့်မို့ စုဆောင်းငွေ၊ Housing saving ဆိုတဲ့ အိမ်ရစုဆောင်းငွေ ဖွင့်ခိုင်းတာ အဓိကရည်ရွယ်ချက်က အဲ့ဒါပဲ။ Down payment ကို များများသွင်းနိုင်လေ သူ့စုဆောင်းငွေ များလေလေ၊ သူချေးရတဲ့ငွေ နည်းသွားတဲ့ အတွက်ကြောင့် လစဉ်ချေးငွေပေးရတာ သက်သောင့်သက်သာလေးနဲ့ အိမ်ပိုင်ဆိုင်သွားမှာပေါ့။ မဟုတ်ရင် တစ်လ၊ တစ်လ ပေးနေရတာနဲ့တင် စားဝတ်နေရေးမှာ အခက်အခဲ ဖြစ်နိုင်တယ်လေ။
အခု Housing saving နဲ့ချိတ်ပြီးတော့ ငွေချေးတာ သုံးရာကျော်လောက်တော့ ရှိပြီ။ Housing saving ဖွင့်ပြီးတော့ ဆောက်လုပ်ရေးဝန်ကြီးဌာနကဆောက်တဲ့ တန်ဖိုးနည်းတွေကို ချိတ်ပြီးပေးနေတာက သုံးရာလောက်ကို ပေးနိုင်ပြီ။ နောက်ထပ်လဲ ပေးဖို့ရှိပါတယ်။ ဒါပေမဲ့ အခုဟာက under processing ဖြစ်နေတဲ့ အခုကျတော့ နောက်ထပ်လဲ အခန်း ၂၀ဝ၀ လောက်ကိုပေးဖို့အတွက်ကို မြို့ပြနှင့်အိမ်ရာဖွံ့ဖြိုးရေးဦးစီးဌာနက အရောင်းမကြာခင် ကြေငြာတော့မယ်။ ကြေငြာတဲ့အခါမှာ ဘဏ်နဲ့ချိတ်ဆက်ထားတော့ သုံးဆယ်ရာခိုင်နှုန်း သိန်းသုံးဆယ် ပြည့်တဲ့ သူတွေကို ဝင်ငွေအထောက်အထားပြည့်စုံတဲ့သူတွေကို စာရင်းတွေထဲ ပါသွားမှာပေါ့နော်။ တစ်ခါတလေကျ သူတို့က housing saving တွေကို ဖွင့်ထားတယ်။ ဝင်ငွေ အထောက်အထားက အပြည့်အစုံ မပေးနိုင်သေးဘူးပေါ့နော်။ တစ်ကယ်လို့ ပြည့်စုံတဲ့အခါ ရောင်းတဲ့အချိန်ကျ တန်းပြီးတော့ ပါသွားမှာပါ။
မေး - ဆောက်လုပ်ရေးလုပ်ငန်းရှင်တွေကိုလဲ ပိုက်ဆံထုတ်ချေး တဲ့ အနေအထားကော ဘယ်လိုရှိပါသလဲ။
CHDB ဘဏ်အနေနဲ့ ဆောက်လုပ်ရေးလုပ်ငန်းရှင် တွေကိုချေးတာ တည်ဆောက်ရေးပိုင်းမှာချေးတာက ဘဏ်ရဲ့ချေးငွေရဲ့ ၈၀ ရာခိုင်နှုန်းလောက်က တည်ဆောက်ရေးပိုင်းမှာ ချေးတာ။ အိမ်ဝယ်ဖို့ချေးတာတော့ နည်းသေးတယ် အဲဒါကလဲ အိမ်ထုတ်တဲ့ အားနည်းသေးတာကို။ အိမ်ထုတ်လုပ်နိုင်မှုပေါ် မူတည်တာကို ငွေစုဆောင်းမှုအားလဲ နည်းသေးတာကို။ ငွေစုဆောင်းမှုအား များလာမယ် ဆိုရင်လဲ ထုတ်ချေးတာများမယ်။ အခုဟာက ငွေစုဆောင်းတဲ့ သူတစ်သောင်းခွဲလောက်ပဲရှိတယ်။ ဒါပေမဲ့ သူတို့က မနှစ်က ဩဂုတ်ကမှ စတာဆိုတော့ သိန်းသုံးဆယ် မပြည့်သေးတဲ့လူတွေ ရှိတယ်။ သူတို့အတွက် အချိန်စောင့် ရမယ်။ ထပ်စုပြီး သိန်းသုံးဆယ်ပြည့်သွားရင် ချေးငွေပေးနိုင်ရင် အိမ်ခန်းလဲ ရမှာပေါ့။ ဆောက်လုပ်ရေးဝန်ကြီးက နှစ်နှစ်အတွင်းမှာ အခန်းက ၈၀ဝ၀ လောက်ထုတ်မှာဆိုတော့ ၈၀ဝ၀ ထဲမှာပါမယ့် အိမ်ရာစုဆောင်းငွေတွေကို မပြတ်လစဉ် စုဆောင်းနေရင် တချိန်ချိန်တော့ရကိုရသွားမှာပဲ။
မေး - ပုဂ္ဂလိက အိမ်ရာတွေကိုလဲ CHDB ဘဏ်နဲ့ ချိတ်ပြီးရောင်းဖို့ကော အစီအစဉ်ရှိပါသလား။
အဓိကက apartment law မရှိသေးတာ။ ဥပဒေကိုလဲ မြို့ပြနဲ့အိမ်ရာကဦးဆောင်ပြီး နိုင်ငံတော်ကလဲ ကြိုးစားနေတယ်။ Apartment Lawကလဲ အခုမှ ထွက်ခါစပဲရှိသေးတယ်ပေါ့နော်။ အဲတော့ Apartment Law တွေ ထွက်သွားပြီဆိုရင် အခန်းရဲ့ ပိုင်ဆိုင်မှုရှိတယ်ဆိုရင်တော့ ပုဂ္ဂလိက ကဏ္ဍကိုပါ ဆက်ပြီးတော့ ချေးပေးလို့ရမယ်ပေါ့နော်။ ပထမအဆင့် ပုဂ္ဂလိက ကဏ္ဍကို မဝင်နိုင်သေးတဲ့အချိန်မှာ အစိုးရဲ့ ရောင်းတဲ့ဟာတွေကို အရင်ဆုံး ပထမအဆင့်ဝင်တာပေါ့နော်။ နောက်ပိုင်းတော့ ဒါတွေက ဆက်ပြီးဖြစ်လာမှာပါ။ ဥပဒေရှိလာရင် ပုဂ္ဂလိက ကဏ္ဍမှာလဲ ဝယ်ပြီးတော့ ဆက်မသွင်းနိုင်တော့ဘူးဆိုရင် ဘယ်ဥပဒေနဲ့ အရေးယူမလဲ ဆိုတဲ့ဟာပေါ့နော်။ ဘဏ်ကျတော့ အများပြည်သူအပ်ထားတဲ့ငွေတွေနဲ့ လှည့်ပတ်ရတာဆိုတော့ အပ်ငွေကိုလဲ ဆုံးရှုံးမှုမရှိအောင် အဲ့အခက်အခဲတွေကို လောလောဆယ်ဆယ် လျော့သွားနိုင်တဲ့နည်းလမ်းတွေ ရှာနေတယ်။ ဥပဒေ တွေ ခိုင်မာလာပြီဆိုရင်တော့ အပြင်ပုဂ္ဂလိကက ဆောက်တဲ့ဟာတွေကိုလဲ ချေးသွားမှာပါ။
ဘဏ်မှာပြည်သူတွေ အပ်ထားတာ ကျပ် ၁၅ ဘီလီယံ လောက်ရှိပါတယ်။ အခုလောလောဆယ် သူတို့ထဲမှာ အတိုးပေး ထားတဲ့လူတွေရှိတယ် ရှစ်ကျပ်ခွဲပေါ့။ ဆောက်လုပ်ရေးသမား တွေကို ချေးထားတာ အဓိကက ဧရာဝဏ်၊ ရတနာအတွက်ကို ငွေကြေးပံ့ပိုးပေးထားတာပေါ့။ ကျပ် ၈၀ ဘီလျံကျော်လောက် ရှိပါတယ်။ သူက ရင်းနှီးမြှုပ်နှံမှုများတယ်။ ရတနာနှင်းဆီလည်း CHDB ဘဏ်နဲ့ ချိတ်ပြီးဝယ်လို့ရပါတယ်။
Credit : iMyanmarHouse.com Property မဂ္ဂဇင်းမှ
အင်တာဗျုး၍ ရေးသား ဖော်ပြပါသည် ။
