ရန်ကုန်တိုင်းဒေသကြီးအတွင်း အကောင်အထည်ဖော်နေသည့် သီလ၀ါ အ ထူးစီးပွားရေးဇုန် အကောင်အထည်ဖော်ပြီးစီးပါက နိုင်ငံတကာမှ ကုမ္ပဏီ ၁၅၀ ခန့်က ဒေါ်လာ ၁ ဒသမ ၇ ဘီလျံအထိ လာရောက် ရင်းနှီးမြှုပ်နှံ ရန်ေ မျှာ်လင့်ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိ ရသည်။
“သီလ၀ါအထူးစီးပွားရေးဇုန် အကောင်အထည်ဖော်ပြီးစီးပါက ခန့်မှန်းခြေ အားဖြင့် နိုင်ငံတကာမှ ကုမ္ပဏီ ၁၅၀ က စုစုပေါင်း ရင်းနှီးမြှုပ်နှံမှုပမာဏ ဒေါ် လာ ၁ ဒသမ ၇ ဘီလျံအထိ လာရောက် ရင်းနှီးမြှုပ်နှံလိမ့်မယ်လို့ မျှော်လင့်ရ ပါတယ်” ဟု စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ဒုတိယ ၀န်ကြီး ဦးအောင်ထူးက ပြောကြားသည်။
သီလ၀ါအထူးစီးပွားရေးဇုန် Zone A မှတစ်နှစ်လျှင် တန်ဖိုးဒေါ်လာသန်း ၆၀၀ ခန့်တင်ပို့နိုင်လိမ့်မည်ဟု မျှော်လင့်ထားပြီး စုစုပေါင်းပြည်ပပို့ကုန်၏ ငါးရာ ခိုင်နှုန်းအထိ ပါဝင်လိမ့်မည်ဟု မျှော်လင့်ထားကြောင်း သိရသည်။
လက်ရှိအချိန်တွင် သီလ၀ါအထူးစီးပွားရေးဇုန် Zone A တွင် နိုင်ငံပေါင်း ၁၇ နိုင်ငံမှ ကုမ္ပဏီ ၈၂ ခုက လာရောက်ရင်းနှီးမြှုပ်နှံထားသည်။ အဆိုပါ ကုမ္ပဏီများတွင် အထည်ချုပ်လုပ်ငန်း၊ ရှူးဖိနပ်များ၊ အရုပ်စက်ရုံများ၊ ကားအပို ပစ္စည်းထုတ်လုပ်သည့် စက်ရုံများ၊ လျှပ်စစ်ပစ္စည်းထုတ်လုပ်သည့် စက်ရုံများ စသည်တို့မှ ထုတ်လုပ်တင်ပို့နေပြီဖြစ်ကြောင်း သိရသည်။
သီလ၀ါအထူးစီးပွားရေးဇုန်ရှိ စက်ရုံအများစုသည် သွင်းကုန်အစားထိုး ထုတ် ကုန်များ ထုတ်လုပ်သည့် စက်ရုံများဖြစ်ပြီး ဆောက်လုပ်ရေး လုပ်ငန်းသုံး ပစ္စည်း၊ အစားအစာနှင့် အလူမီနီယံ၊ စက်သုံးဆီ၊ လယ်ယာသုံး စက်ကိရိယာ များ၊ ဆေးဝါး၊ ဓာတ်မြေသြဇာစသည်တို့ကို ထုတ်လုပ်လျက်ရှိကြောင်း သိရ သည်။
၂၀၁၇ ခုနှစ် မေလကုန်အထိ လာရောက်ရင်းနှီးမြှုပ်နှံမှုများတွင် ဂျပန်နိုင်ငံ က ဒေါ်လာ ၄၆၈ သန်းကျော်ဖြင့် စုစုပေါင်းရင်းနှီးမြှုပ်နှံမှု၏ ၄၃ ဒသမ ၅၄ ရာခိုင်နှုန်းအထိ မြှုပ်နှံထားကြကြောင်း၊ ဒုတိယအများဆုံးအဖြစ် ထိုင်းနိုင်ငံ က ဒေါ်လာ ၁၃၄ သန်းကျော် လာရောက်ရင်းနှီးမြှုပ်နှံထားသည်။
သီလ၀ါအထူးစီးပွားရေးဇုန်တစ်ခုလုံးတွင် အကောင်အထည်ဖော်မည့် ဧရိယာ မှာ ဟက်တာ ၂၄၀၀ ရှိပြီး Zone A တွင် ဟက်တာ ၄၀၀ ပါဝင်ကြောင်း၊ လက်ရှိအချိန်၌ Zone A မှာ ၉၆ ရာခိုင်နှုန်း ပြီးစီးနေပြီဖြစ်သည်။ Zone A ၏တည်ဆောက်ရေးလုပ်ငန်းများ ပြီးစီးသဖြင့် Zone B ထပ်မံတည်ဆောက် ရန် ၁၀၁ ဟက်တာ စီမံကိန်းတည်ဆောက်မှု စတင်တော့မည်ဖြစ်သည်။
သီလ၀ါအထူးစီးပွားရေးဇုန် Zone B ၏ပထမအဆင့် ၁၀၁ ဟက်တာ (ဧက ၂၅၀) ကို ၂၀၁၈ ခုနှစ် နှစ်လည်ပိုင်းတွင် တည်ဆောက်မှုပြီးစီးရန် မျှော်မှန်း ထားပြီး အချို့သောမြေနေရာများကိုမူ ၂၀၁၇ ခုနှစ်နှောင်းပိုင်းလောက် ကတည်းက ရင်းနှီးမြှုပ်နှံသူများအနေဖြင့် ငှားရမ်းနိုင်မည်ဖြစ်သည်။
ရန်ကုန်တိုင်းဒေသကြီးအတွင်း အကောင်အထည်ဖော်ထားသည့် သီလ၀ါအ ထူးစီးပွားရေးဇုန်တွင် ၂၀၁၇-၂၀၁၈ ဘဏ္ဍာနှစ် နှစ်လနီးပါးကာလ အတွင်း နိုင်ငံခြားရင်းနှီးမြှုပ်နှံမှုပမာဏ ဒေါ်လာ ၁၂၂ သန်းကျော် ၀င်ရောက်ြ မှုပ်နှံထားကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရ သည်။
Credit: Eleven Media Group
