တရုတ်နိုင်ငံ၊ ရှန်ဟိုင်းမြို့ တွင် ဆန္ဒပြသူရာပေါင်းများစွာသည် ဈေးဝယ်ကုန်တိုက်များ အခြေစိုက်ရာခရိုင်သို့ ချီတက်ကြကာ
အိမ်ခြံမြေဥပဒေ ပြောင်းလဲလိုက်မှုများအပေါ် ဆန္ဒပြခဲ့ကြကြောင်း
ရိုက်တာသတင်းတစ်ရပ်တွင် ဖော်ပြသည်။
ဆန္ဒပြမှုများ ရှားပါးလှသောတရုတ်နိုင်ငံတွင် ယခုဖြစ်ရပ်မှာ ထူးခြားသည့် ဖြစ်စဉ်တစ်ခုလည်း ဖြစ်သည်။လူမှုကွန်ရက်များတွင် ပေါ်ထွက်လာသည့် ဗွီဒီယိုဖိုင်များအရ ဆန္ဒပြသူတို့သည် ဆိုင်းဘုတ်များကိုင်ဆောင်ထားကြကာ ကြွေးကြော်သံများ ဟစ်အော်ရင်း ရှန်ဟိုင်းမြို့ ၏ ဈေးဝယ်စင်တာများစုဝေးရာ နန်ကျင်းလမ်းမကြီးတစ်လျှောက် ချီတက်လာကြသည်ကို တွေ့ရသည်
ဟု ဆိုသည်။
ရိုက်တာသတင်းဌာနက ကြည့်ရှုခဲ့ရသော ဗွီဒီယိုဖိုင်တစ်ခုတွင် ရဲတပ်ဖွဲ့ဝင်များသည် အတားအဆီးများ ပြုလုပ်ပိတ်ဆို့နေကြကာ ဆန္ဒပြသူတစ်ဦးကို ဒရွတ်တိုက်ဆွဲခေါ်သွားသည်ကို တွေ့ခဲ့သည်။
တရုတ်ပြည်တွင်းသတင်းဌာနများက ဆန္ဒပြမှုသတင်း ဖော်ပြခြင်းမရှိခဲ့သည့်နည်းတူ လူမှုကွန်ရက်များတွင် ရေးသားဖော်ပြမှုများကိုလည်း အင်တာနက်ဆင်ဆာအဖွဲ့က ဖြုတ်ချလျက်ရှိသည်ဟု ဆိုသည်။
မျက်မြင်တွေ့ခဲ့သူ ၂ ဦးက ရိုက်တာသတင်းဌာနသို့ ပြောကြားခဲ့ရာတွင် ဆိုင်းဘုတ်ကိုင်ဆောင်ကာ ဆန္ဒပြသူများကို ဦးဆောင်သည်ဟု ယူဆရသူ ၁၀ ဦးခန့်ကို ရဲတပ်ဖွဲ့က ဖမ်းဆီးခေါ်ဆောင်သွားသည်ဟု ဆိုသည်။
“Apple store ရှိတဲ့ လမ်းဘက် တစ်ခြမ်းလုံး လူတွေအပြည့်ဖြစ်သွားတယ်”
ဟု အနီးရှိ ဈေးဆိုင်ပိုင်ရှင်တစ်ဦးက ပြောကြားခဲ့ပြီး
ည ၈ နာရီခန့်တွင် လူစုလူဝေးဖြစ်ပေါ်ခဲ့ပြီး ၁၀ နာရီခန့်တွင် လူစုကွဲသွားကြောင်းလည်း ဆက်လက်ပြောကြားသည်။
ရှန်ဟိုင်း အိုးအိမ်ဗျူရိုက ပြီးခဲ့သော မေလ ၁၇ ရက်တွင်
ကြေညာခဲ့သည်မှာ ရုံးခန်းစီမံကိန်းများကို လူနေတိုက်ခန်းများအဖြစ်
ပြောင်းလဲထားသည်များအား သိမ်းဆည်းရှင်းလင်းရန်နှင့် ပြုပြင်ပေးရမည်ဖြစ်ကာ လူနေရန်လိုအပ်သည့်လိုအပ်ချက်များ ဖြည့်တင်းပေးရန် ကြေညာလိုက်ခြင်း ဖြစ်သည်။
အိမ်ခြံမြေ developer တို့သည် လူနေဇုန်ထက် ပိုမိုမြေဈေးသက်သာသောနေရာများတွင်
ရုံးခန်းအဖြစ်ဆောက်လုပ်ပြီးနောက် လူနေခန်းအဖြစ် ရောင်းချခဲ့ကြခြင်းဖြစ်သည်။
ထိုကြေညာချက်ကြောင့် developer တို့ထံမှ နေအိမ်ခန်းဝယ်ယူထားမိသူ
တို့မှာ မိမိတို့စုဆောင်းထားသည်များ အားလုံးထုတ်သုံး ရင်းနှီးထားရခြင်းဖြစ်သောကြောင့် အမျက်ထွက်နေကြခြင်းလည်း ဖြစ်သည်။
တရုတ်နိုင်ငံတွင် အိမ်ခြံမြေဈေးနှုန်းများ နှစ်စဉ်မြင့်တက်လာလျက်ရှိရာ နေအိမ်ဝယ်ယူလိုသူများမှာ မိဘ၊ ဘိုးဘွားများလက်ထက်ကတည်းက စုဆောင်းထားသည်များအားလုံးကို ထုတ်သုံးကာ
ဝယ်ယူကြရလျက်ရှိနေသည်။
လွန်ခဲ့သော ၂၀၁၆ ခုနှစ်အတွင်း ရှန်ဟိုင်းတွင် ပျှမ်းမျှအားဖြင့် အိမ်ခြံမြေဈေးနှုန်းများ ၂၆ ဒသမ ၅ ရာခိုင်နှုန်းအထိ မြင့်တက်ခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
