စစ်ကိုင်းတိုင်းဒေသကြီးအစိုးရ၏ ကြီးကြပ်မှုဖြင့် ဆောက်လုပ်ရေးဝန်ကြီးဌာန မြို့ ပြနှင့် အိမ်ရာဖွံ့ ဖြိုးရေးဦးစီးဌာနက မုံရွာမြို့နယ်နှင့် ရွှေဘိုမြို့နယ်များ၌ ၂၀၁၅-၂၀၁၆ ဘဏ္ဍာ ရေးနှစ် ပြည်ထောင်စုရန်ပုံငွေ ကျပ်သန်း ၂၀၀၀ ဖြင့် စတင်အကောင်အထည်ဖော်ခဲ့သော ပြည်သူ့အငှားအိမ်ရာ ၁၂ခန်းတွဲ ငါးထပ် အဆောက်အအုံလေးလုံး အခန်းပေါင်း ၂၄၀ကို ဆောက်လုပ်ပြီးစီးသွားပြီဖြစ်ကြောင်းသိရသည်။
အဆိုပါ ပြည်သူ့အငှားအိမ်ရာစီမံကိန်းကို မုံရွာမြို့ မြို့သစ်ရပ်ကွက်ရှိ မြေအကျယ် ၁ ဒသမ ၅ ဧကတွင် ၁၂ ခန်းတွဲ ငါးထပ် အဆောက်အအုံနှစ်လုံး အခန်းပေါင်း ၁၂၀ နှင့် ရွှေဘိုမြို့ မင်းကျောင်းကျေးရွာအုပ်စုရှိ မြေအကျယ် ၈ ဒသမ ၈၈ ဧကပေါ်တွင် ၁၂ ခန်းတွဲ ငါးထပ် အဆောက်အအုံနှစ်လုံး အခန်းပေါင်း ၁၂၀ ဖြင့် စုစုပေါင်း အခန်း ၂၄၀ တည်ဆောက်ခဲ့ခြင်းဖြစ်ကာ အိမ်ရာတစ်ခန်းချင်းစီသည် ၃၂၄ စတုရန်းပေ အကျယ်ရှိကြောင်း သိရသည်။
အိမ်ရာအခန်းများကို စစ်ကိုင်းတိုင်းဒေသကြီးအတွင်းရှိ အိမ်ရာပိုင်မရှိသော အခြေခံလူတန်းစားများ၊ အလယ် အလတ် လူတန်းစားများ၊ တိုင်းဒေသကြီးအတွင်း အခြေချနေထိုင်ကြမည့် နိုင်ငံ့ဝန်ထမ်းများနှင့် အငြိမ်းစား နိုင်ငံ့ဝန်ထမ်းများအား ငှား ရမ်းနေရာချထားပေးသွားမည်ဖြစ်ရာ အိမ်ရာငှားရမ်းလိုသူများအတွက် လျှောက်လွှာ များကို ဇန်နဝါရီ ၃၀ ရက်မှ ဖေဖော်ဝါရီ ၁၀ ရက်အထိ ၁၂ ရက်ကြာ ရောင်းချပေး သွားမည်ဖြစ်သည်။
လျှောက်လွှာပုံစံများကို မုံရွာမြို့အတွက် တိုင်းဒေသကြီး မြို့ပြနှင့် အိမ်ရာဖွံ့ ဖြိုးရေး ဦးစီးဌာန ညွှန်ကြားရေးမှူးရုံးတွင် လည်းကောင်း၊ ရွှေဘိုမြို့အတွက် ရွှေဘိုမြို့နယ် မြို့ပြနှင့်အိမ်ရာဖွံ့ ဖြိုးရေး ဦးစီးဌာနရုံးတွင်လည်းကောင်း ရောင်းချသွားမည်ဖြစ်ပြီး ရောင်းချ ပြီးသော လျှောက်လွှာများကို နှစ်ပတ်အတွင်း ဖေဖော်ဝါရီ ၂၄ ရက်နောက် ဆုံးထား၍ ပြန်လည်အပ်နှံပေးမည်ဖြစ်ကြောင်း သိရသည်။
မြို့ ပြနှင့်အိမ်ရာဖွံ့ ဖြိုးရေးဦးစီးဌာနသို့ လျှောက်ထားလာသော အငှားလျှောက်လွှာ များကို တိုင်းဒေသကြီးအစိုးရ၏ ကြီးကြပ်မှုဖြင့် လျှောက်လွှာစည်းကမ်းချက်များနှင့် အညီ စိစစ်၍ ပွင့်လင်းမြင်သာစွာ မဲစနစ်ဖြင့် ရွေးချယ်ခြင်း၊ ဘုတ်အဖွဲ့ ဖြင့် ရွေးချယ် ခြင်း၊ အခန်းနေရာချထားခြင်း၊ စာချုပ်ချုပ်ဆိုခြင်းများ ဆောင်ရွက်သွားမည်ဖြစ် ကြောင်း သိရသည်။ နေထိုင်ခွင့်ရသော ပြည်သူများသည် အိမ်လခတစ်လလျှင် ကျပ် နှစ်သောင်းနှုန်းဖြင့် ငှားရမ်းနေ ထိုင်ခွင့်ရမည်ဖြစ်ပြီး အိမ်လခများကို သက်ဆိုင်ရာ မြို့ပြနှင့် အိမ်ရာဖွံ့ ဖြိုးရေး ဦးစီးဌာနသို့ လစဉ်ပုံမှန် ပေးသွင်းရမည်ဖြစ်ကြောင်း စစ်ကိုင်းတိုင်းဒေသကြီး မြို့ပြနှင့် အိမ်ရာဖွံ့ ဖြိုးရေးဦးစီးဌာန ညွှန်ကြားရေးမှူး ဦးရွှေဝင်းထံမှ သိရသည်။
Credit: MOI Webportal Myanmar
