မလေးရှားနိုင်ငံ၏ မြို့တော် ကွာလာလမ်ပူနှင့် စင်္ကာပူနိုင်ငံအကြား သွယ်တန်းဖောက်လုပ်မည့် မြန်နှုန်းမြင့်ရထား (HSR) စီမံကိန်းအတွက် ယခုတိုင် မည်သည့်ကုမ္ပဏီကမျှတင်ဒါမရရှိသေးပေ။ သို့သော်လည်း အကျိုးတူပူးပေါင်းထားသော တရုတ်ယာယီ
အဖွဲ့အစည်းတစ်ခုက ၎င်းတို့လုပ်ပိုင်ခွင့်ရပါက ပြုလုပ်ပေးမည့် HSR စင်စစ်နီးပါးရှိသောHSR နမူနာပုံစံငယ်တစ်ခုကို မလေးရှားနိုင်ငံသားများအား အစမ်းပြသ၊ မောင်းနှင်စီးနင်းခွင့်ပေးခြင်းဖြင့် တင်ဒါရရှိရန်အခွင့်အလမ်းများကို မြှင့်တင်လာသည်။
တရုတ်နိုင်ငံပိုင် China Railway Corporation (CRC) တရုတ်ရထားကော်ပိုရေးရှင်းက
ဦးဆောင်သည့် ထိုအဖွဲ့အစည်းသည် ၎င်းတို့အဆိုပြုတင်ပြထားသော HSR လမ်းနှင့်အသွင်တူအောင် ဖန်တီးထားသည့် ယာယီရုံတစ်ခုဖြစ်သော "Cube" ကို ကွာလာလမ်ပူရှိ KL Sentral ရှောပင်းမောလ်တွင် ပြသလျက်ရှိသည်။
"အများပြည်သူတွေအနေနဲ့ ကျွန်တော်တို့ရဲ့ သုံးလကြာ ဖွင့်လှစ်ထားရှိထားပေးမယ့်
Cube မှာ HSR ကို လက်တွေ့အကြိုခံစားနိုင်မှာပါပဲဖြစ်ပါတယ်" ဟု CRC ဥက္ကဋ္ဌယန်ကျုံးမင်က ထိုစမ်းသပ်ရုံငယ်အား ဖွင့်ပွဲအခမ်းအနားတွင် ပြောကြားခဲ့သည်။
မြန်နှုန်းမြင့်ရလားလမ်းများ ဆောက်လုပ်၊ လုပ်ငန်းလုပ်ပတ်မှုတွင် တရုတ်၏ မှတ်တမ်းများကိုလည်း ယန်က မီးမောင်းထိုးပြခဲ့သည်။
"၂၀၁၆ က တရုတ်ရဲ့ မြန်နှုန်းမြင့်ရထားဟာ
ခရီးမိုင်ပေါင်း ၂၂,၀၀၀ ကီလိုမီတာ ကျော်ခဲ့ပြီး ကမ္ဘာ့ပထမနေရာ ရရှိခဲ့ပါတယ်။ လက်ရှိ
မှာလည်း ရထားပေါင်း ၄,၅၀၀ ကျော် ပြေးဆွဲနေပြီး နေ့စဉ် ခရီးသည် ၄ ဒသမ ၅ သန်းကိုပို့ဆောင်ပေးနေတာပါ" ဟု ပြောကြားခဲ့ခြင်းဖြစ်သည်။
အီလက်ထရောနစ်မျက်နှာပြင်များဖြင့် အတိပြုလုပ်ထားသည့် စက်ခန်းဖြင့်သာ Cube ကို ဖန်တီးထားခြင်းဖြစ်သည်။ လာရောက်စမ်းသပ်သူများသည် ထိုမြန်နှုန်းမြင့်ရထားကို
ကိုယ်တိုင်မောင်းနှင်စီးနင်းခံစားကြည့်နိုင်မည်ဖြစ်သည်။
မလေးရှား၏အများပြည်သူမြေပြင်ပို့ဆောင်ရေးကော်မရှင်ဥက္ကဋ္ဌ
ဆေးယက်ဟာမစ်အယ်လ်ဘာက တင်ဒါကို CRC က ရရှိနိုင်ခြေရှိ၊
မရှိကို ဖွင့်ဟထားခြင်းမရှိသော်လည်း
CRC ၏ ကြိုးပမ်းအားထုတ်မှုမျးကို လူသိရှင်ကြား အသိအမှတ်ပြုထားသည်။ မလေးရှားအစိုးရနှင့် စင်္ကာပူအစိုးရတို့သည် ထိုမြန်နှုန်းမြင့်ရထားစီမံကိန်းအတွက် ပြီးခဲ့သည့်လက
သဘောတူလက်မှတ်ရေးထိုးခဲ့သည်။ ၂၀၂၆ ခုနှစ်တွင် ပြီးစီးရန်လည်း သူတို့က မျှော်လင့်ထားကြသည်။
"HSR ဆောက်လုပ်မှုက အလုပ်အကိုင်အခွင့်အလမ်းသစ်တွေကို ဖန်တီးပေးမှာမို့စီမံကိန်းပြီးသွားရင် ခရီးသွားလုပ်ငန်း၊ အိမ်ခြံမြေနဲ့ ကုန်ထုတ်လုပ်မှုကဏ္ဌတွေမှာများစွာအကျိုးဖြစ်ထွန်းမှာပါ" ဟု ဆေးယက်ဟာမစ်က ပြောကြားထားသည်။
HSR သည် ကွာလာလမ်ပူ၏ ဘန်ဒါမလေးရှားစီမံကိန်းမြို့နှင့် စင်္ကာပူ၏ Jurong Lake(ဂျူရုံးလိက်ခ်) ခရိုင်တို့အကြား သွယ်တန်းမည်ဖြစ်သည်။
ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
