ကမ္ဘာကျော်သိပ္ပံဆန်းကြယ်ဇာတ်ကား “2001: A Space Odyssey” ဒါရိုက်တာ စတန်လေ ကူးဘရစ်၏ ပြင်သစ်ရှိနေအိမ် ပေါင် တစ်သန်းခွဲဖြင့် ရောင်းချမည်ဖြစ်ကြောင်း လော့စ်အိန်ဂျလိအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ရောင်းချမည့်နေအိမ်မှာ ပြင်သစ်နိုင်ငံအနောက်တောင်ပိုင်း၊ ဒေါ်ဒေါ့ဂ်ျနီတွင် တည်ရှိပြီး အားလပ်ရက် အပန်းဖြေရန် ရည်ရွယ်ကာ ဝယ်ယူထားသည့် နေအိမ်ဖြစ်သည်။
စတန်လေကူးဘရစ်သည် ကမ္ဘာကျော်ရုပ်ရှင်ဇာတ်ကားများဖြစ်သော “Spartacus,” “A Clockwork Orange” နှင့် “2001: A Space Odyssey” ဇာတ်ကားတို့ဖြင့် နာမည်ကျော်ခဲ့ပြီး အသက် ၇၀ အရွယ်၊ ၁၉၉၉ ခုနှစ်တွင် ကွယ်လွန်သွားခဲ့ကာ ဇနီးဖြစ်သူ ခရစ္စတင်း ကူးဘရစ်က ပြင်သစ်ရှိနေအိမ်ကို ပေါင် ၁ ဒသမ ၄၈၅ သန်း (ကန်ဒေါ်လာ ၁ ဒသမ ၅၇၈ သန်း) ဖြင့် အရောင်းဈေးကွက်တင်လာခြင်း ဖြစ်သည်။
ခြံအကျယ်အဝန်းမှာ ၁ ဒသမ ၂ ဧက ကျယ်ဝန်းပြီး အလယ်ခေတ်ကျေးရွာတစ်ခုဖြစ်သည့် Domme ကျေးရွာ၏ အလယ်ဗဟိုတွင် တည်ရှိသည်။
အိပ်ခန်း ၇ ခန်း၊ ရေချိုးခန်း ၅ ခန်းပါဝင်သည့် ပင်မနေအိမ်မှာ ၁၇ ရာစုနှစ်ကတည်းက ဆောက်လုပ်ခဲ့ခြင်းဖြစ်ပြီး မကြာသေးမီကမူ မွမ်းမံမှုများ ပြန်လည်ပြုလုပ်ထားသည်ဟု ဆိုသည်။
ခြံဝန်းအတွင်း ကြီးမားသော ပန်းဥယျာဉ်တစ်ခုပါဝင်ပြီး ရေကူးကန်တစ်ခုလည်း ပါဝင်ကာ ဒေါ်ဒေါ့ဂ်ျနီတောင်ကြား၏ အလှကို ခံစားနိုင်သည်။
စတန်လေကူးဘရစ်ကို ခြံဝန်းအတွင်း၌ မြှုပ်နှံခဲ့ပြီး သမီးဖြစ်သူ အင်ညာ ကူးဘရစ်သည်လည်း ၂၀၀၉ ခုနှစ်အတွင်း ကွယ်လွန်ခဲ့ရာ၌ အဆိုပါခြံဝန်းအတွင်းတွင်ပင် မြှုပ်နှံထားခဲ့သည်။ဇနီးဖြစ်သူ
မစ္စကူးဘရစ်မှာမူ ယင်းနေအိမ်တွင် နေထိုင်ဆဲ ဖြစ်သည်။
၁၉၆၈ ခုနှစ်က ရိုက်ကူးခဲ့သော 2001: A Space Odyssey သည် ခေတ်ရှေ့အလွန်ပြေးသော သိပ္ပံဆန်းကြယ်ဇာတ်ကားဖြစ်ပြီး အကောင်းဆုံး Visual Effects ပြုလုပ်မှု အော်စကာဆု ရရှိခဲ့သည်။
ကမ္ဘာကျော်ရုပ်ရှင်ဒါရိုက်တာကြီး စတီဗင် စပီးလ်ဘတ်က ယင်းရုပ်ရှင်သည် မိမိတို့မျိုးဆက်၏ မဟာပေါက်ကွဲမှုကြီးတစ်ရပ်ဖြစ်ကြောင်း ညွှန်းဆိုခဲ့ဖူးသည်။
သမိုင်းတစ်လျှောက် အကောင်းဆုံးရုပ်ရှင်ဇာတ်ကားများစာရင်းတွင် 2001: A Space Odyssey ဇာတ်ကား အမြဲပါဝင်လေ့ရှိသည်။
စတန်လေကူးဘရစ်သည် အမေရိကန် ရုပ်ရှင်ဒါရိုက်တာ၊ ဇာတ်ညွှန်းရေးသူ၊ ထုတ်လုပ်သူ၊ ရုပ်ရှင်ဓာတ်ပုံသမားတစ်ဦးဖြစ်ပြီး ၁၉၂၈ ခုနှစ်၊ ဇူလိုင်လ ၂၆ ရက်တွင် မွေးဖွားပြီး ၁၉၉၉ ခုနှစ်၊ မတ်လ ၇ ရက်တွင် ကွယ်လွန်သည်။
ရုပ်ရှင်သမိုင်းတစ်လျှောက်အကြီးမြတ်ဆုံး ဒါရိုက်တာများစာရင်းတွင် စတန်လေကူးဘရစ်ကို ထည့်သွင်းဖော်ပြလေ့ရှိကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
