မန္တလေးမြို့အိမ် ခြံ မြေ ဈေးကွက်နှင့် ရန်ကုန်အိမ်ခြံမြေ ဈေးကွက်နှစ်ခုသည် ဈေးကွက်သဘောထားခြင်းမတူဟုဆို

ရန်ကုန်တိုင်းဒေသကြီး အိမ် ခြံ မြေ ဈေးကွက်မှာ အနည်းငယ်ပြန်လည်သွက်လက်လာသည်မှာ မှန်သော်လည်း မန္တလေးဈေးကွက်မှာ ပိုမိုဖြစ်ထွန်းသော်လည်း ယင်းဈေးကွက်နှစ်ခုမှာ သဘောတရားခြင်းမတူကြောင်း အိမ် ခြံ မြေ ဈေးကွက် လေ့လာသူများကဆိုသည်။

"""ရန်ကုန်နဲ့ မန္တလေးက ဈေးကွက်သဘောတရားခြင်းမတူဘူး။ဘာကြောင့်လဲဆိုရင် ရန်ကုန်မှာကမြို့နယ်တွေအများကြီး။မန္တလေးမှာက ခြောက်မြို့နယ်လောက်နဲ့
ဈေးကွက်က လည်ပတ်နေရတာ။နောက်ပြီး အဝယ်မှာကလည်း ရင်းနှီးမြုပ်နှံဖို့ ဝယ်တာထက် ၊ နေထိုင်ဖို့ဝယ်ကြတာကများတယ်။နောက်ပြီး တရုတ်တွေ အခြေချဖို့ဝယ်ယူနေထိုင်ကြရင်းနဲ့ ဈေးကွက်ဖြစ်နေတာပေါ့။ရန်ကုန်မှာကြတော့ အဲဒီလိုမဟုတ်ဘူး။နေရာဒေသ အနေအထားတွေပေါ်မူတည်ပြီး long plan အတွက် investment နဲ့သွားတာ။အဲဒီတော့ ဒီဈေးကွက်နှစ်ခုက နှိုင်းယှဉ်ပြီး ပြောလို့မရဘူး။သဘောတရားချင်းမတူဘူး။"""ဟု ရန်ကုန်အခြေစိုက် အိမ် ခြံ မြေ ဝါရင့်အကျိုးဆောင် ဦးရွှေမောင်မှ ပြောပြသည်။
လက်ရှိရန်ကုန်တွင် ဈေးကွက်လှုပ်ခတ်နေသော မြေဧရိယာများမှာ မြေနေရာပေါများသော မြို့သစ်များနှင့် ဖွံ့ဖြိုးပြီးစီးပွားရေးပြုလုပ်ရန်ကောင်းမွန်သည့် downtown area များမှာ အများဆုံးအရောင်းအဝယ်ဖြစ်နေကြောင်းသိရသည်။

""ဈေးကွက်ကတော့ ငြိမ်ပြီးတဲ့အတွက် ပြန်တက်လာတာမှန်တယ်။ဒါပေမယ့် ချက်ချင်း ဝုန်းဆို ထကောင်းတာမျိုးတော့မဟုတ်ဘူး။တချို့နေရောတွေမှာ ဖြည်းဖြည်းချင်းကနေ
ပြန်စတယ်။တချို့နေရာတွေကတော့ တော်တော်အေးနေတုန်းပါပဲ။
အိမ် ခြံ မြေ ရဲ့သဘောတရားအရ အရှုံးမရှိဘူး။မြန်မြန်နဲ့ များများမြတ်တာနဲ့ အချိန်ပေးစောင့်ရတာဘဲရှိတယ်။""ဟု ရန်ကုန်တိုင်းအိမ် ခြံ မြေ လုပ်ငန်းရှင်များအသင်းဥက္ကဌ မှသုံးသပ်ပြောဆိုခဲ့သည်။

မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com