ပြင်ပငွေကြေးဈေးကွက် တွင် အမေရိကန်ဒေါ်လာတန်ဖိုး မြင့်တက်လာခြင်းကြောင့် ပုဂ္ဂလိ က ဘဏ်အချို့က တရားဝင်ဒေါ် လာရောင်းချခွင့် ပမာဏကို ကန့်သတ်လိုက်ကြောင်း သတင်းရရှိသည်။
ပြင်ပဈေးကွက်တွင် ဇန်န ၀ါရီ ၁၈ ရက်ညဈေးကွက်ပိတ် ချိန်တွင် ကန်တစ်ဒေါ်လာလျှင်၁,၃၆၄ ကျပ်အထိ မြင့်တက်ခဲ့သည်။ ထို့ကြောင့် ပုဂ္ဂလိကဘဏ်အချို့က ဒေါ်လာဈေးနှုန်းထပ်မံမြင့်တက်မည်ထင်၍ ဒေါ်လာအရောင်းကို ကန့်သတ်ခြင်းဖြစ်နိုင်ကြောင်း ပြည်တွင်းပုဂ္ဂလိကဘဏ်တစ်ခုရှိ အကြီးတန်းအရာရှိတစ်ဦးကပြောသည်။
ပုဂ္ဂလိကဘဏ်အချို့သည် တရားဝင်ဒေါ်လာ ရောင်းချပေးမှု ကို ကန့်သတ်ပြီး ဒေါ်လာဝယ်လို သူများကို ပမာဏအနည်းငယ် သာ ရောင်းချပေးသော်လည်း ဘဏ်နှင့်နီးစပ်သည့်စီးပွားရေး လုပ်ငန်းရှင်များအား ပြင်ပငွေ ကြေးဈေးကွက်မှ အဖွင့်ဈေးဖြင့် ရောင်းချပေးမှုများလည်းရှိသည် ဟု ပြင်ပငွေကြေးဈေးကွက်မှ ဒေါ်လာဝယ်ရောင်းလုပ်ကိုင်သူ တစ်ဦးကပြောသည်။
ပြင်ပဈေးကွက်တွင် အမေရိကန်ဒေါ်လာတန်ဖိုးသည် ဇန်န ၀ါရီ ၁၉ ရက် နံနက်ဈေးဖွင့်ချိန် တွင် ကန်တစ်ဒေါ်လာလျှင် ၁,၃၆၄ ကျပ်ဖြင့်စတင်ပြီး ညနေပိုင်းတွင် တစ်ဒေါ်လာလျှင် ၁,၃၅၅ ကျပ် သို့ ပြန်လည်ကျဆင်းခဲ့သည်။
ပြင်ပငွေကြေးဈေးကွက် တွင် နံနက်ပိုင်းအဖွင့်ဈေး မြင့် တက်ခဲ့သဖြင့် ရောင်းလိုအားများ ပြီး ညနေပိုင်းတွင် အနည်းငယ် ပြန်လည်ကျဆင်းလာကြောင်း ပြင်ပဈေးကွက်၌ ဒေါ်လာဝယ် ရောင်း လုပ်ကိုင်သူတစ်ဦးက ပြောသည်။
ပြင်ပဈေးကွက်တွင် ဒေါ်လာဈေး မြင့်တက်လာသော်လည်း ဗဟိုဘဏ်၏ ရည်ညွှန်းငွေလဲနှုန်းက တစ်ဒေါ်လာလျှင် ၁,၃၅၅ကျပ်ဖြစ်သည်။
Credit: 7Daydaily
