အမေရိကန်ပြည်ထောင်စု၏ ၄၅ ဆက်မြောက် သမ္မတအဖြစ် ဇန်နဝါရီ ၂၀ တွင် ကျမ်းသစ္စာကျိန်ဆိုမည့် ဒေါ်နယ်ထရမ့် ကလေးဘဝက နေထိုင်ခဲ့သော နေအိမ်ကို လေလံတင်ရောင်းချရာ အမြင့်ဆုံးဈေးပေးသူအား ရောင်းချလိုက်ပြီဖြစ်ကြောင်း နယူးယောက်အခြေစိုက် အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။
ယင်းနေအိမ်သည် နိုင်ငံတကာအိမ်ခြံမြေသတင်းများ၏ ထိပ်တန်းသတင်းအဖြစ် ကျော်ကြားနေခဲ့သည်မှာ လပေါင်းများစွာကြာခဲ့ပြီဖြစ်ပြီး လေလံတင်ရောင်းချမည့်သတင်းကို iMyanmarHouse.com တွင် ရေးသားဖော်ပြခဲ့ပြီးဖြစ်ပါသည်။
ပြန်လည်ဖတ်ရှုလိုပါက http://www.imyanmarhouse.com/news/read/518788 အင်တာနက်လင့်ခ်တွင် ဖတ်ရှုနိုင်ပါသည်။
နေအိမ်မှာ နယူးယောက်မြို့အရှေ့ဖျား ကွင်းစ်ရပ်ကွက်တွင် တည်ရှိသည်။
Paramount Realty USA လေလံကုမ္ပဏီမှ မီရှာ ဟာဂါနီက ပြောကြားရာတွင် အဆိုပါနေအိမ်ကို လေလံတင်ရောင်းချမှုမှာ ဇန်နဝါရီ ၁၇၊ အင်္ဂါနေ့ ညနေ ၄ နာရီက တရားဝင်ပိတ်သိမ်းလိုက်ပြီဖြစ်ကာ ရောင်းချပြီးစီးသွားပြီဖြစ်ကြောင်း အတည်ပြုပြောကြားသည်။
ရောင်းချခဲ့သည့်ဈေးနှုန်းကိုမူ ဟာဂါနီက ထုတ်ဖော်ပြောကြားခြင်း မရှိချေ။
နေအိမ်တွင် အိပ်ခန်း ၅ ခန်းပါဝင်ပြီး တူးဒေါ်ဗိသုကာဟန်ဖြင့် ဆောက်လုပ်ထားခြင်းဖြစ်ကာ ဒေါ်နယ်ထရမ့်၏ ဖခင်ဖြစ်သူ ဖရက်ဒ်ထရမ့်က ၁၉၄၀ ပြည့်နှစ်တွင် ဆောက်လုပ်ခဲ့ခြင်း ဖြစ်သည်။
အဆိုပါနေအိမ်တွင် ဒေါ်နယ်ထရမ့် မွေးလက်မှတ်ရရှိခဲ့ပြီး အသက် ၄ နှစ်သားအရွယ်အထိ နေထိုင်ခဲ့သည်။
ထရမ့် ၄ နှစ်သားအရွယ်တွင် ယင်းရပ်ကွက်အတွင်းတွင်ပင်တည်ရှိသည့် ပိုမိုကြီးမားသောနေအိမ်တစ်လုံးသို့ မိသားစုပြောင်းရွှေ့ခဲ့ကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
