ငွေကြေးဈေးကွက်အတွင်း ဈေးကစားလိုသူများက စိတ်ကြိုက် လုပ်ဆောင်နေမှုကို အစိုးရက ထိန်းညှိဆောင်ရွက်လျက် ရှိသဖြင့် ငွေလဲနှုန်း တဖြည်းဖြည်း တည်ငြိမ်လာပြီး အကျဘက်သို့ ရောက်ရှိလာပြီ ဖြစ်ကြောင်း ဇန်န၀ါရီ ၁၃ ရက်က ရန်ကုန်မြို့ရှိ UMFCCI ၌ ကျင်းပသည့် မြန်မာ့စီးပွားရေး လုပ်ငန်းရှင်များနှင့် တွေ့ဆုံပွဲတွင် နိုင်ငံတော် ဒုတိယသမ္မတ ဦးမြင့်ဆွေက ပြောကြားသည်။
“ကျွန်တော်တို့ဆီမှာ ငွေလဲလှယ်နှုန်းမှာ ဒေါ်လာဈေး တအားမြင့်တက်တဲ့ဟာ တော်တော်လေး ကြုံရပါတယ်။ ကုန်ဈေးနှုန်းတက်သလို တစ်ဖက်ကှုာစသမအ ၀ယ်ဖို့ အခက်အခဲတွေ အများကြီးရှိတာ တွေ့ရပါတယ်။ ဒီဟာလည်း သမားရိုးကျဖြစ်တဲ့ အနေအထားလည်း မဟုတ်ပါဘူး။ လူတွေက ဈေးကစားတဲ့အနေ အထားဖြစ်နေတဲ့ အနေအထားပါ။ ကျွန်တော်တို့က ဒါကို ဘက်စုံထောင့်စုံက ဆောင်ရွက်ဖို့ ပထမတော့ ငွေကြေးရရှိရေးဆိုင်ရာ အဖွဲ့ကို တာဝန်ပေးပြီးတော့ ဆွေးနွေးပါတယ်။ ကျွန်တော်တို့ ဒီလိုမျိုး လုပ်နေရင်းနဲ့လည်း တက်နေတာပါပဲ” ဟု ၎င်းက ပြောကြားသည်။
ထို့ပြင် စီမံကိန်းနှင့် ဘဏ္ဍာရေးဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ မြန်မာနိုင်ငံ ဗဟိုဘဏ် စသည်ဖြင့် ဌာနဆိုင်ရာများ ပူးပေါင်းပြီး ငွေကြေးဈေးကစားမှုများကို ထိန်းညှိဆောင်ရွက် ပေးနေသည့်အတွက် လက်ရှိအချိန်၌ ငွေလဲနှုန်း ပြန်လည်ကျဆင်းလာကြောင်း သိရသည်။
“ဒီလိုပြန်ကျလာတဲ့ အနေအထားကို လွှတ်ထားပေးလိုက်လို့ မရဘူး။ ဈေးကစားချင်တဲ့ သူတွေက စိတ်ကြိုက်လုပ်နေတဲ့ အနေအထားကို ကျွန်တော်တို့က တတ်နိုင်သလောက် ဈေးကွက်စီးပွားရေးကိုလည်း မထိခိုက်အောင် တစ်ဖက်ကလည်း မဖြစ်သင့်တာ မဖြစ်အောင် ထိန်းညှိတဲ့အနေနဲ့ အပတ်စဉ် ဆွေးနွေးနေတဲ့အတွက် အခုဆို တဖြည်းဖြည်း တည်ငြိမ်လာပြီး ကျတဲ့ဘက်ကို ရောက်လာပြီ” ဟု ဒုတိယသမ္မတ ဦးမြင့်ဆွေက ပြောကြားသည်။
မြန်မာကျပ်ငွေ တန်ဖိုးသည် ၂၀၁၆ ခုနှစ် အောက်တိုဘာမှ ဒီဇင်ဘာလအတွင်း ၁၇ ရာခိုင်နှုန်း ကျဆင်းခဲ့ကြောင်း၊ အဆိုပါ နိုင်ငံခြား ငွေကြေးလဲလှယ်နှုန်းများ မြင့်တက်နေခြင်း အခြေအနေသည် မြန်မာ့စီးပွားရေး ကဏ္ဍအပေါ် ထိခိုက်စေမှုများ ဖြစ်ပေါ်စေလျက်ရှိပြီး ပြည်တွင်းအထွေထွေ ကုန်ဈေးနှုန်းများ မြင့်တက်လာနိုင်သည် ဖြစ်သဖြင့် ငွေလဲနှုန်းများ ပြန်လည်တည်ငြိမ် လာစေရေးအတွက် ကုန်သည်စက်မှု အသင်းချုပ်မှ နိုင်ငံတော်အစိုးရသို့ အကြံပြုအစီရင်ခံစာ ပေးပို့ခဲ့သည်။
ကမ္ဘာ့ငွေကြေးဈေးကွက်၌ ဒေါ်လာဈေး နေ့စဉ်အတက်အကျများဖြင့် မတည်မငြိမ် ဖြစ်ပေါ်နေပြီး ပြည်တွင်း ဈေးကွက်တွင်လည်း သက်ရောက်မှုများ ရှိနေသည်။ ပြီးခဲ့သည့် ၂၀၁၆ ခုနှစ် ဒီဇင်ဘာ ၁၆ ရက်၌ ဒေါ်လာဈေး စံချိန်တင်နှုန်းအဖြစ် ၁၄၃၈ ကျပ်အထိ အမြင့်ဆုံးဖြစ်ပေါ်ခဲ့ပြီး ယင်းနောက်ပိုင်း အနိမ့်ဆုံးနှုန်းထားအဖြစ် ဇန်န၀ါရီ ၃ ရက်နှင့် ၆ ရက်တို့တွင် တစ်ဒေါ်လာ ကျပ် ၁၃၅၀ အထိ ပြန်လည်ကျဆင်းခဲ့သည်။
ဇန်န၀ါရီ ၁၂ ရက်တွင် နိုင်ငံခြားငွေလဲ နှုန်း တစ်ဒေါ်လာ ကျပ် ၁၃၆၀ အောက် ပြန်လည်ကျဆင်းလာခဲ့သည်။
Credit: Eleven Media Group
