တောင်ဒဂုံမြို့နယ် ရွာ သာကြီးရပ်ကွက်အနီးရှိ ယခင်စစ် အစိုးရလက်ထက်က အကောင် အထည်ဖော်ခဲ့သည့် စိုက်ပျိုးရေး ဇုန်မှ မြေဧက ၉,၀၀၀ ခန့်ကို နိုင်ငံခြားရင်းနှီးမြှုပ်နှံသူများအား သင့် တင့်သည့်ဈေးနှုန်းဖြင့် ရောင်းချ ပေးရန် စီစဉ်ထားကြောင်း ရန် ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောသည်။
နာဂစ်မုန်တိုင်း တိုက်ခတ်ပြီး နောက် စိုက်ပျိုးရေးဇုန် တည် ထောင်ခဲ့သော်လည်း အောင်မြင် မှုမရရှိသဖြင့် မြို့ရွာနှင့် အိုးအိမ် ဖွံ့ဖြိုးရေးဦးစီးဌာနက ယင်းမြေ ကို ပြန်လည်ရယူ၍ နိုင်ငံခြားက လာရောက်ရင်းနှီးမြှုပ်နှံမည့် လုပ် ငန်းရှင်များအား ရန်ကုန်တိုင်းဒေသကြီးအစိုးရက ရောင်းချရန် စီစဉ်ထားကြောင်း ဇန်နဝါရီ၁၃ ရက်တွင် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင် များအသင်းချုပ်၌ ပြုလုပ်သောဒုသမ္မတနှင့် စီးပွားရေးလုပ်ငန်း ရှင်များ တွေ့ဆုံပွဲတွင် ဝန်ကြီးချုပ်က လုပ်ငန်းရှင်များအား ပြောကြားသည်။
‘‘နိုင်ငံခြားရင်းနှီးမြှုပ်နှံသူ ၅၀ လောက် ရင်းနှီးမြှုပ်နှံမယ်ဆိုရင် အစိုးရက သင့်တင့်မျှတတဲ့နှုန်းနဲ့ ဒီနေရာကို မြေငှားလို့ရအောင် ဆောင်ရွက်ပေးမယ်။ ဒါကို အမြန်ဆုံးဆောင်ရွက်နိုင်အောင် ကျွန်တော်လုပ်နေပါတယ်’’ဟု ဝန်ကြီးချုပ် ဦးဖြိုးမင်းသိန်းကပြောသည်။
ရန်ကုန်တိုင်းဒေသကြီးရှိ စက်မှုဇုန်များတွင် မြေဈေးကြီး ခြင်း၊ လျှပ်စစ်မီးရရှိရန် ခက်ခဲခြင်း တို့ကြောင့် နိုင်ငံခြားသား လုပ်ငန်းရှင်များက မြန်မာနိုင်ငံတွင် ရင်းနှီး မြှုပ်နှံပြီး စီးပွားရေးလုပ်ကိုင်ရန်လက်တွန့်နေရသည်ဟု ဒုတိယ ဥက္ကဋ္ဌ ဒေါက်တာမောင်မောင် လေးက ဆိုသည်။
‘‘ပြည်တွင်းက လုပ်ငန်းရှင် ကလည်း ဒီမှာ မြေဝယ်လိုက်ပြီး ရင် လုပ်ငန်းလုပ်ဖို့ ရင်းနှီးငွေက ကုန်သလောက်ဖြစ်သွားပြီ။ ဒါ ကြောင့် မြေဈေးကျအောင် စက်မှု ဇုန်အသစ်တွေကို အစိုးရက ထပ်မံဖော်ပေးဖိုိ့လိုပါတယ်’’ဟု မြန်မာ နိုင်ငံ ဆန်စပါးအသင်းချုပ် ဒုတိယဥက္ကဋ္ဌ ဒေါက်တာစိုးထွန်းက ပြော သည်။
ရွာသာကြီးရပ်ကွက်အနီးရှိ စိုက်ပျိုးရေးဇုန် အကောင်အထည် ဖော်ထားသည့် မြေနေရာနှင့်ပတ် သက်၍ ယခင်အစိုးရလက်ထက် ကလည်း လယ်သမားများနှင့် မြေ ရယူထားသော စီးပွားရေးလုပ်ငန်း ရှင်အချို့အကြား ပြဿနာများ ဖြစ်ပေါ်ခဲ့သည်။
တောင်ဒဂုံမြို့နယ်သည် လက်ရှိအကောင်အထည်ဖော်နေ သီလဝါအထူးစီးပွားရေးဇုန် နှင့် ရေနက်ဆိပ်ကမ်းတို့နှင့် အနီးဆုံးနေရာတွင် တည်ရှိသဖြင့် စီးပွားရေးအရ အချက်အချာ ကျသည့် နေရာ တစ်ခု ဖြစ်လာနိုင်ကြောင်း ပြည်တွင်းစီးပွားရေးလုပ်ငန်းရှင်အချို့က ခန့်မှန်းနေသည်။
Credit: 7DayDaily
