အာရပ်စော်ဘွားများပြည်ထောင်စု၊ အဘူဒါဘီမြို့တော်တွင် ကန်ဒေါ်လာ ၁ ဒသမ ၀၈ ဘီလီယံအကုန်အကျခံကာ တည်ဆောက်လျက်ရှိသည့် ရှိတ်ခ် ရှက်ဘောက် ဆေးဝါးမြို့တော် ဆောက်လုပ်နေမှုသည် ယခုအခါတွင် ၈၅ ရာခိုင်နှုန်းခန့် ပြီးစီးလျက်ရှိပြီဖြစ်ပြီး အဘူဒါဘီအခြေစိုက် ကျန်းမာရေးစောင့်ရှောက်မှုကုမ္ပဏီ ဆီဟာသို့ လာမည့် ၂၀၁၇ ခုနှစ်၊ စတုတ္ထသုံးလပတ်အတွင်း လွှဲပြောင်း ပေးနိုင်ဖွယ်ရာရှိသည်ဟု အရှေ့အလယ်ပိုင်း အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
အဆိုပါ ဆေးဝါးမြို့တော်တွင် ကုတင် ၇၃၂ ခန့် ၀င်ဆံ့မည်ဖြစ်ပြီး တော်ဝင်နှင့် ဗွီအိုင်ပီအခန်း ၃၆ ခန်းပါဝင်မည်ဖြစ်ကာ ခွဲစိတ်ကုသပြီး အတွင်းလူနာများအတွက် ကုတင် ၄၂၄ ရှိမည်ဖြစ်၍ မိခင်နှင့်ကလေးအတွက် ကုတင် ၁၂၀ ပါဝင်မည်ဖြစ်သည်ဟု ဆိုသည်။
အဘူဒါဘီတွင် နိုင်ငံတကာအဆင့်အတန်းမီ အကောင်းဆုံးကျန်းမာရေးစောင့်ရှောက်မှု ရှိစေရန် ရည်မှန်းချက် ချမှတ်ထားရာ အဆိုပါရည်မှန်းချက်အရ အရည်အသွေးမြင့်မားသည့် ကျန်းမာရေးဝန်ဆောင်မှု ပေးနိုင်ရန် ရည်ရွယ်ဆောက်လုပ်ခြင်း ဖြစ်သည်။
ထို့အပြင် အထူးကြပ်မတ်ကုသဆောင်တွင် ကုတင် ၃၂ လုံးပါမည်ဖြစ်ပြီး နှလုံးရောဂါအထူးကုဆောင်တွင် ကုတင် ၃၀၊ နှလုံးခွဲစိတ်ဌာနတွင် ကုတင် ၂၄ လုံး၊ မီးလောင်မှုကုသရေးဌာနတွင် ကုတင် ၂၀ ၊ မွေးစကလေးငယ် အထူးကြပ်မတ်ကုသဆောင်တွင် ၂၆ ကုတင်တို့လည်း ပါဝင်မည် ဖြစ်သည်။
ရှိတ်ခ် ရှက်ဘောက် ဆေးဝါးမြို့တော်သည် အာရပ်စော်ဘွားများပြည်ထောင်စု၊ အဘူဒါဘီမြို့တော်၊ အယ်လ် မာဖရက်ခ်အရပ်တွင် တည်ရှိပြီး စတုရန်းမီတာ ၃၀၀၀၀၀ ကျယ်ဝန်းသည့် မြေနေရာတွင် ဆောက်လုပ်ထားခြင်း ဖြစ်ကာ မော်တော်ယာဉ်ပေါင်း ၁၆၆၀ ရပ်နားနိုင်မည့်နေရာ ပါဝင်သည်။
ဆေးဝါးမြို့တော်ဝန်းကြီးအတွင်း အဓိက မျှော်စင် ၄ ခုတွင် ဆေးရုံအဖြစ် အသုံးပြုမည်ဖြစ်ပြီး ပြင်ပတွင် ဆေးဝါးနှင့် ဆက်စပ်ပစ္စည်းဆိုင်ရာ အဆောက်အအုံများ၊ လျှပ်စစ်နှင့် လေအေးပေးစက်ဆိုင်ရာ အဆောက်အအုံများအပြင် ရဟတ်ယာဉ်ကွင်း ၂ ခုလည်း ပါဝင်သည်ဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
