ပြည်တွင်းရွှေဈေး ကျပ်ကိုးသိန်းကျော်အထိ တက်ပြီးနောက် ပြန်လည်ကျဆင်း

ပြည်တွင်းရွှေဈေးသည်ဆက်တိုက်မြင့်တက်လာပြီး စက်တင်ဘာ ၂၇ ရက်တွင် အခေါက်ရွှေ တစ်ကျပ်သားလျှင် အဖွင့်ဈေး ကျပ်ကိုးသိန်းကျော်အထိ ဈေး ပေါက်ခဲ့ပြီး ညနေပိုင်း၌ ဈေး ပြန် လည်ကျဆင်းခဲ့ကြောင်း ပြည် တွင်းရွှေဈေးကွက်မှ သတင်းရရှိ သည်။

စံချိန်တင်ဈေးမြင့်တက်လာ ခြင်းကြောင့် လက်ဝတ်ရတနာရွှေ ထည်များ အဝယ်မရှိဘဲ အခေါက် ရွှေသာအရောင်းအဝယ်ဖြစ်နေ ကြောင်း ပြည်တွင်းရွှေဈေးကွက် မှ သိရသည်။

‘‘အခုက ဒေါ်လာဈေးတက် တယ်။ ဒါကြောင့် ရွှေဈေးတက် လာတာပါ။မနှစ်က ဒေါ်လာဈေး၁,၃၀၀ ကျော်တယ်။ ပြည်တွင်း ရွှေဈေးက ရှစ်သိန်းဝန်းကျင်ပဲရှိ တယ်။ ကမ္ဘာ့ရွှေဈေးက အဲဒီတုန်းကတစ်အောင်စ ဒေါ်လာ၁,၀၅၀ ကျော်ကျော်ပဲရှိသေးတယ်။ အခု က ကမ္ဘာ့ရွှေဈေးပါ အမြင့်ပိုင်း ရောက်နေလို့ အခုဈေးပေါက်နေ တာ’’ဟု ရန်ကုန်တိုင်းရွှေလုပ်ငန်း ရှင်များအသင်း အတွင်းရေးမှူး ဦးဝင်းမြင့်က ပြောသည်။

ပြည်တွင်းအခေါက်ရွှေဈေး သည် စက်တင်ဘာ ၂၆ ရက်တွင် တစ်ကျပ်သားလျှင် ၈၉၄,၀၀၀ ကျပ်အထိ ဈေးပေါက်ခဲ့ပြီး စက်တင်ဘာ ၂၇ နံနက်ပိုင်းအဖွင့်ဈေး၌ ကျပ် ၉၀၀,၀၀၀ ကျော်ရှိခဲ့ကာ ညနေပိုင်းတွင် ကျပ် ၈၉၀,၀၀၀ အောက်သို့ ပြန်လည်ကျဆင်းလာ သည်။

‘‘အခုလို ဈေးမြင့်တက်တာ က ရောင်းအားရော၊ ဝယ်လိုအား ရော ပုံမှန်ဖြစ်နေတော့ အသင်း က ဝင်ထိန်းစရာမလိုသေးပါဘူး။ အခုအချိန်မှာ ဝယ်ချင်သလောက်ဝယ်လို့ရတယ်။ ရောင်းချင်သ လောက် ရောင်းလို့ရတယ်’’ဟု မြန်မာနိုင်ငံ ရွှေလုပ်ငန်းရှင်များ အသင်းအတွင်းရေးမှူး ဦးထုံရွှေ ဆိုင်ပိုင်ရှင် ဦးကျော်ဝင်းက ပြော သည်။

လက်ရှိအချိန်တွင် ရွှေဈေး ကွက်အတွင်း အရောင်းအဝယ်နည်းပါးနေသော်လည်း နောက်ပိုင်း၌ ပုံမှန် အရောင်းအဝယ် ဖြစ်လာနိုင်ကြောင်း ၎င်းက ဆက်လက် ပြောသည်။

ရွှေဈေးမြင့်တက်လာခြင်း ကြောင့် နောက်ပိုင်းတွင် ရွှေဈေး အတက်၊ အကျခန့်မှန်းမှုများ ခက် ခဲနေပြီး ဈေးတက်ခြင်းမှာ ဝယ်လိုအားကြောင့်မဟုတ်ဘဲ ရွှေလုပ်ငန်းရှင်များက မြှင့်တင်နေခြင်း ကြောင့် ဖြစ်ကြောင်း ရွှေဝယ်ရောင်းလုပ်သူ ကိုမင်းမင်းက ပြောသည်။

၂၀၁၅ က အခေါက်ရွှေဈေး သည် ကျပ် ၈၀၀,၀၀၀ ရှိခဲ့သည်။ ယခုကျပ်၉၀၀,၀၀၀ ကျော်သည် ပြည်တွင်းရွှေဈေးသမိုင်းတွင် စံ ချိန်တင်ဈေးနှုန်းဖြစ်ခဲ့သည်။



Credit: 7DayDaily