ရှန်ဟိုင်းသည် တရုတ်အိမ်ခြံမြေဖွံ့ဖြိုးတိုးတက်မှုတွင် ထပ်ဆုံးမှရပ်တည်ဆဲဖြစ်ပြီး စန်းကျန်း၊ ပေကျင်း၊ ကွမ်ကျိုး၊ စူးကျိုးတို့က သူ့နောက်မှအသီးသီး ရပ်တည်ခဲ့ကြကြောင်း အကျိုးအမြတ်အတွက်မဟုတ်သည့် ကမ္ဘာလုံးဆိုင်ရာ သုတေသနနှင့် ပညာရေးအဖွဲ့အစည်း Urban Land Institute(ULI) က စက်တင်ဘာလ ၂၂ ရက်တွင် ထုတ်ပြန်ခဲ့သည့် ၂၀၁၆ခုနှစ် တရုတ်ပြည်မကြီးအိမ်ခြံမြေဈေးကွက်စစ်တမ်း၌ ဖော်ပြခဲ့သည်။
ပြီးခဲ့သည့် ဇွန်လအထိ ၁၂ လတာအတွင်း လူနေအိမ်ပျမ်းမျှဈေးနှုန်းများ ၃ ပုံ ၁ ပုံနှုန်း ခုန်တက်ခဲ့သည့် ရှန်ဟိုင်းသည် ပြည်မကြီးတွင် နိုင်ငံခြားသားများအိမ်ခြံမြေ၀ယ်ယူမှုစည်းမျဉ်းများကို ဖြေလျှော့ပေးထားသည့် ၁ ခုတညိးသော မြို့ ဖြစ်ခဲ့သည်ဟုလည်း ဖော်ပြထားသည်။
စန်းကျန်းကမူ ထို ၁၂ လတာအတွင်း အိမ်သစ်ဈေးနှုန်းမြင့်တက်မှုနှုန်း ၄၇ ရာခိုင်နှုန်းဖြင့် နိုင်ငံတစ်ဝန်း အိမ်သစ်ဈေးနှုန်း မြင့်တက်နှုန်း အမြင့်မားဆုံးဖြစ်ခဲ့သည်။
ပေကျင်းတွင် ရင်းနှီးမြှုပ်နှံမှုအခွင့်အလမ်းများ အကန့်အသတ်ဖြင့်သာရှိခဲ့သော်လည်း အဖွဲ့ အစည်းလိုက်ရင်းနှီးမြှုပ်နှံသူများက ပေကျင်းကို ပိုမိုအကြိုက်တွေ့ခဲ့ကြသည်။
"ရှန်းဟိုင်းဦးဆောင်တဲ့ ပထမတန်းစား မြို့ကြီး ၄ မြို့က နိုင်ငံ့ ဖွံ့ဖြိုးတိုးတက်မှုနဲ့ ရင်းနှီးမြှုပ်နှံမှုအလားအလာအဆင့်တွေမှာ ထပ်တန်း ၄ နေရာကို ဆက်လက်ရယူခဲ့ပါတယ်" ဟု ယခုစစ်တမ်းကိုရေးသားသူ၊ တရုတ်ပြည်မကြီးဆိုင်ရာ ULI ကိုယ်စားလှယ်ချုပ် ကင်းနက်ရီးက ပြောကြားခဲ့သည်။ အထက်ပါမြို့ကြီး ၄ မြို့မှအပ နိုင်ငံတစ်ဝန်း အိမ်ဝယ်ယူမှုကန့်သတ်ချက်များဖျက်သိမ်းလာခြင်းကဲ့သို့ ပြေလျော့လာသည့် အိမ်ခြံမြေမူဝါဒများနှင့် ငွေကြေးမူဝါဒပြေလျော့လာခြင်းတို့က ပြီးခဲ့သည့် ၁၂ လတာအတွင်း တရုတ်အိမ်ခြံမြေဈေးကွက်ကို အင်တိုက်အားတိုက် နာလန်ထူလာစေခဲ့ခြင်းဖြစ်သည်ဟုလည်း သူက ပြောကြားခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
