မစ်ဆုဘီရှီကော်ပိုရေးရှင်းသည် ရန်ကုန်မြို့လယ်တွင် ဆောက်လုပ်ရေးစီမံကိန်းကြီးတစ်ခု အကောင်အထည်ဖော်ရေးအတွက် လုပ်ငန်းများစတင်ရန် မစ်ဆုဘီရှီ Estate နှင့် သဘောတူညီချက်ရရှိခဲ့ပြီဟူသော သတင်းမှာလျင်မြန်စွာဖွံ့ဖြိုးလာလျက်ရှိသော
မြန်မာအိမ်ခြံမြေလောကအတွက်သတင်းကောင်း
တစ်ရပ်ဖြစ်ကြောင်းထိုင်းအခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ယင်းစီမံကိန်းသည် စင်္ကာပူအခြေစိုက် Yoma Strategic Holdings နှင့် ပြည်တွင်းဆောက်လုပ်ရေးကုမ္ပဏီဖြစ်သော First Myanmar Investment (FMI) တို့မှ အကောင်အထည်ဖော်ခြင်းဖြစ်ပြီး မစ်ဆုဘီရှီနှင့် လက်တွဲဆောင်ရွက်သွားမည်ဖြစ်သည်။
ယခုစီမံကိန်းသည် မြန်မာနိုင်ငံတွင် အကြီးမားဆုံးဆောက်လုပ်ရေးစီမံကိန်းကြီးများ၌ တစ်ခုအပါအ၀င်ဖြစ်ပြီး လူနေအိမ်များ၊ ရုံးခန်းများ၊ ဈေးဝယ်စင်တာနှင့် ဟိုတယ်တို့ ပါဝင်မည့် စီမံကိန်းကြီးဖြစ်သည်။
တည်နေရာမှာ ရန်ကုန်မြို့၏ စီးပွားရေးအချက်အခြာနေရာတွင် တည်ရှိပြီး ရန်ကုန်ဘူတာကြီးအနီးတွင်ဖြစ်သည်ဟု ဂျပန်တိုင်းမ်တွင်လည်း ဖော်ပြသည်။
စီမံကိန်းစတင်ရန်အတွက် မစ်ဆုဘီရှီကုမ္ပဏီ ၂ ခုသည် စင်္ကာပူတွင် ပူးပေါင်းအဖွဲ့ဖွဲ့စည်းမည် ဖြစ်သည်။
မစ်ဆုဘီရှီသည် ယင်းစီမံကိန်းအတွင်း ရုံးအဆောက်အအုံ ၂ ခု၊ ကွန်ဒိုမီနီယံတစ်ခု၊ ဟိုတယ်တစ်လုံးနှင့် ဈေးဝယ်စင်တာ တစ်ခုတို့ကို ကွပ်ကဲသွားမည်ဟု ဆိုသည်။
အာရှဖွံ့ဖြိုးရေးဘဏ်၊ နိုင်ငံတကာ ဘဏ္ဍာရေးကော်ပိုရေးရှင်း၊ သယ်ယူပို့ဆောင်ရေးနှင့်မြို့ပြဖွံ့ဖြိုးရေးဆိုင်ရာ ဂျပန်နိုင်ငံတကာ အခြေခံအဆောက်အအုံ ရင်းနှီးမြှုပ်နှံရေးကော်ပိုရေးရှင်းတို့ကလည်း ယင်းစီမံကိန်းတွင် ပါဝင်ရင်းနှီးမြှုပ်နှံရန် သဘောတူညီထားသည်။
ရန်ကုန်အိမ်ခြံမြေဈေးကွက်သည် ၂၀၁၆ ခုနှစ်အတွင်း ယခင်ကထက် များစွာဖွံ့ဖြိုးမည်ဖြစ်ပြီး လာမည့် ၁၂ လအတွင်း ဆောက်လုပ်ရေးစီမံကိန်းများ များစွာမြင့်တက်လာဖွယ်ရှိကြောင်း အမေရိကန်အခြေစိုက်နိုင်ငံတကာ အိမ်ခြံမြေရင်းနှီးမြှုပ်နှံရေး ကော်ပိုရေးရှင်း Colliers က ခန့်မှန်းထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
