မြန်မာအပါအ၀င်အရှေ့တောင်အာရှနိုင်ငံများတွင်
ပြည်တွင်းဈေးကွက်များ နှေးကွေးနေမှုကြောင့် developer တို့က နိုင်ငံခြား ၀ယ်လက်များကိုသာ ပစ်မှတ်ထားလာလျက်ရှိကြောင်း ထိုင်းအခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင်
ဖော်ပြသည်။
ထိုင်းတွင် developer တို့သည် ပြည်ပ၀ယ်လက်များကို ပစ်မှတ်ထားခဲ့သည်မှာ နှစ်ကာလအတန်ကြာခဲ့ပြီဖြစ်ပြီး ယနေ့အချိန်တွင်လည်း အိမ်ရာအရောင်းပြပွဲများ ပြုလုပ်ကာ အလားအလာရှိသော ပြည်ပ၀ယ်လက်များကို ဆွဲဆောင်လျက်ရှိကြသည်။
ထိုင်း၏အိမ်နီးချင်းများသည်လည်း နိုင်ငံခြားဝယ်လက်များကို ဆွဲဆောင်နိုင်ရန် အလားတူမဟာဗျူဟာများ ကျင့်သုံးလာလျက်ရှိကြသည်။
ပြည်ပ၀ယ်လက်များကို ဆွဲဆောင်နိုင်မှုတွင် အရှေ့တောင်အာရှနိုင်ငံများအနက် ထိုင်းသည် ထိပ်ဆုံးမှဦးဆောင်လျက်ရှိပြီး ၂၀၁၆ ပထမနှစ်ဝက်အတွင်း ပြည်ပ၀ယ်လက်များသို့ ထိုင်းဘတ်ငွေ ၂ ဘီလီယံဖိုး ရောင်းချခဲ့ရပြီး ဖြစ်သည်။
ထိုင်းအိမ်ခြံမြေဈေးကွက်အပေါ် စိတ်ဝင်စားမှုအများဆုံးရှိသည်မှာ ဟောင်ကောင်၊ စင်္ကာပူ၊ တရုတ်ပြည်မကြီးနှင့် ထိုင်ဝမ်တို့ ဖြစ်ကြသည်။
ထိုင်း developer အချို့သည် ပြည်ပတွင်ပင် ထွက်၍အိမ်ခြံမြေပြပွဲများကျင်းပလျက်ရှိကြသည်။
သို့ရာတွင် ပြည်ပ၀ယ်လက်များ စိတ်ဝင်စားလျက်ရှိကြသည်မှာ ထိုင်းတစ်နိုင်ငံတည်းအပေါ် မဟုတ်ချေ။
ဗီယက်နမ်အိမ်ခြံမြေသတင်းဝက်ဘ်ဆိုက်များ၏ ဖော်ပြချက်အရ၂၀၁၆ဒုတိယသုံးလပတ်ကာလအတွင်း နေအိမ်ခန်းပေါင်း၁၀၀၀၀ ကျော်ရောင်းချခဲ့ရရာတွင် နိုင်ငံခြားဝယ်လက်များ၏ ၀ယ်ယူမှုများစွာ ပါဝင်သည်ဟု ဆိုသည်။
ဗီယက်နမ်တွင် လွန်ခဲ့သောနှစ်အတွင်း အိမ်ခြံမြေဥပဒေပြောင်းလဲမှုများပြုလုပ်ခဲ့ရာ နိုင်ငံခြားဝယ်
လက်များကို စီမံကိန်းတိုင်း၏ အခန်းပမာဏ ၃၀ ရာခိုင်နှုန်း ၀ယ်ယူခွင့်ပေးခဲ့သည်။
အဆိုပါဥပဒေပြဌာန်းပြီးနောက်ပိုင်း ဟိုချီမင်းမြို့တော်တွင် နိုင်ငံခြားဝယ်လက်များက ၀ယ်ယူခဲ့သည့်အိမ်ခန်းပေါင်း ၁၀၀၀ ကျော်အထိ ရှိခဲ့သည်။
လာအိုတွင်လည်း နိုင်ငံခြားရင်းနှီးမြှုပ်နှံမှုများ
မြင့်တက်လာသည်ကို တွေ့ရသည်။
ဗီယင်ကျင်းတိုင်းမ်၏ ဖော်ပြချက်အရ လာအိုတွင်အသစ်ဆောက်လုပ်လျက်ရှိသော နေအိမ်ခန်းများ၊ နေအိမ်များမှာလာအိုတွင် နိုင်ငံခြားသားတို့ နေထိုင်မှုမြင့်
တက်လာလျက်ရှိမှုအတွက် နေအိမ်များ ဖြည့်တင်းပေးနိုင်ရန် ရည်ရွယ်ဆောက်လုပ်ခြင်းဖြစ်သည်ဟု ဆိုသည်။
အင်ဒိုနီးရှားနှင့် မြန်မာနိုင်ငံတို့တွင်လည်း မကြာသေးမီနှစ်များအတွင်း နိုင်ငံခြားဝယ်လက်များ နေအိမ်
ဝယ်ယူခွင့်ရစေမည့် ဥပဒေသစ်များ ပြဌာန်းလာကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
