ဗြိတိန်ကို ကျောခိုင်းကာ ဂျပန်ကို ရွှေ့ပြောင်းခဲ့ကြသော မိသားစု ၊ ဂျပန်တွင် ကလေးငယ်များ ဘေးကင်း လုံခြုံမှုကို အလွန်နှစ်သက်သဘောကျ

[Unicode]

ဂျိမ်းစ်အိုးဒ်နှင့် ဇနီးဖြစ်သူ မော်ဂန်အိုးဒ်တို့သည် အသက် ၁၁ နှစ်အရွယ် သမီးဖြစ်သူ လီလီယန်တစ်ယောက် ဂျပန်တွင် ညနေ ၆ နာရီအမှောင်ထဲ၌ ဘတ်စ်ကားတိုးစီးကာ ကျောင်းမှ အိမ်ပြန်လာခြင်းအပေါ် စိုးရိမ်စိတ် စိုးစဉ်းမျှ မရှိချေ။

အဆိုပါ အနေအထားမျိုးမှာ အနောက်နိုင်ငံများတွင်ဆိုလျှင် မိဘများ တုန်လှုပ်ဖွယ် အခြေအနေတစ်ရပ် ဖြစ်သည်။

ဂျိမ်းစ်အိုးဒ်တို့ ဇနီးမောင်နှံသည် ၂၀၂၂ ခုနှစ်တွင် အင်္ဂလန်မှ တိုကျိုမြို့သို့ ပြောင်းရွှေ့အခြေချခဲ့ကြသည်။

ဂျပန်တွင် ဂျိမ်းစ်အိုးဒ်တို့သည် သမီးများဖြစ်သော လီလီယန်နှင့် ၇ နှစ်အရွယ် သမီးငယ် အက်စ်မီတို့ အပြင်သွားခြင်း၊ ပြန်လာခြင်းတို့အပေါ် ပူပန်စိတ်များ မရှိချေ။

ရောမတွင်ဆိုလျှင် ထိုအခြေအနေမှာ စိုးရိမ်ဖွယ်ရာရှိကြောင်း ဂျိမ်းစ်အိုးဒ်က Business Insider သတင်းဌာနသို့ ပြောသည်။

ဂျပန်တွင် မိဘများသည် ကလေးငယ်များ လမ်းလျှောက်ခြင်းကို သဘောကျကြောင်း၊ အများအားဖြင့် ကျောင်းသို့ အလွန်ဝေးကွာစွာ လမ်းလျှောက်သွားခြင်း (သို့မဟုတ်) တစ်ဦးတည်း ရထားစီးသွားခြင်းများ တွေ့ရကြောင်း ၎င်းက ပြောသည်။

“အသက် ၅ နှစ် ၊ ၆ နှစ်အရွယ်ကလေးတွေ ကျောင်းကို ကိုယ့်ဟာကို လမ်းလျှောက်သွားနေကြတာ တွေ့ရမှာ ဖြစ်ပါတယ်။ ဒီမှာ အဲဒါက မထူးဆန်းပါဘူး။”

ဂျပန်တွင် ကလေးများကို အလွန်ငယ်ရွယ်သော အချိန်ကတည်းမှစပြီး အမှီအခိုကင်းစွာ ရပ်တည်နိုင်ရန် အားပေးကြကြောင်း ၎င်းက ပြောသည်။

အမေရိကန်နှင့် ဗြိတိန်ကဲ့သို့ နိုင်ငံမျိုးတွင်ဆိုလျှင် ကလေးများကို အမြဲစောင့်ကြည့်နေကြရကြောင်းလည်း ဂျိမ်းစ်အိုးဒ်က ပြောသည်။

အင်္ဂလန်တွင်ဆိုလျှင် မိသားစုတစ်စုသည် ရွာငယ်ကလေးတစ်ခုတွင် နေထိုင်လျှင်ပင် မိမိတို့သမီးများ ကျောင်းပို့ရာတွင် ဖခင် (သို့မဟုတ်) မိခင် အမြဲလိုက်ပါ စောင့်ရှောက်ရကြောင်း ပြောသည်။

အသက် ၃၈ နှစ်အရွယ်ရှိ ဂျိမ်းစ်အိုးဒ်က ပြောသည်မှာ ဂျပန်မှ ကျောင်းဆရာများက ကလေးကျောင်းတက်ရာတွင် မိဘများ လိုက်လာခြင်းကို အားမပေးကြောင်း ပြောသည်။

ကျောင်းသားများစွာမှာ အလုပ်ပြီးမြောက်အောင်မြင်မှုနှင့် တာဝန်ယူစိတ်များ မွေးမြူပေးနိုင်ရန် မနက်ပိုင်းတွင် ကျောင်းဝေယျာဝစ္စများလုပ်ရကြောင်း ၎င်းက ပြောသည်။

“သူတို့ ကျောင်းကို အစောကြီးသွားပြီး သန့်ရှင်းရေးလုပ်ရပါတယ်။”

လီလီယန်နှင့် အက်စမီတို့တွင် ရထားနှင့် ကားစီးရန် JR Pass ဟု ခေါ်သော ကိုယ်ပိုင်ကဒ်များ ရှိသည်။

ထိုကဒ်ကို မိဘများက ငွေရှင်းပေးခြင်း ဖြစ်သည်။

အဆိုပါ ကဒ်များဖြင့် စတိုးဆိုင်များ ၊ ငွေထည့်လိုက်လျှင် စားသောက်စရာ ထုတ်ပေးသည့်စက်များတွင် ဝယ်ယူခြင်းများလည်း ပြုလုပ်နိုင်သည်။

“ဒီကဒ်ကို ယုံယုံကြည်ကြည်နဲ့ သူတို့ကို အသုံးပြုခွင့်ပေးထားတဲ့ အပေါ်သဘောကျကြတယ်။”

(မိမိတို့မိသားစု ဂျပန်တွင် နေထိုင်ရမှုကို သဘောကျကြောင်း ဂျိမ်းစ်အိုးဒ်က ပြောသည်။ ဓာတ်ပုံ-James Ould)

မိန်းကလေးများသည် တိုက်ခန်းအနီးရှိ ပန်းခြံထဲတွင် မိဘများ စောင့်ကြည့်ရမှုမရှိဘဲ ပျော်ရွှင်စွာ ဆော့ကစားကြ ကြောင်းလည်း ၎င်းက ပြောသည်။

“ကျွန်တော်တို့ အက်စမီကို ပြောလေ့ရှိတာက…. သမီးအစ်မနဲ့သွားရမယ်…လို့ အရင်က ပြောခဲ့တယ်။ ခုချိန်မှာတော့ သူတစ်ယောက်ထဲသွားလည်း ကျွန်တော်တို့ စိတ်မပူတော့ဘူး။”

“ဈေးဆိုင်တွေကိုလည်း သူတို့ ဈေးသွားဝယ်ပေးတယ်။ ချက်ပြုတ်နေရင်း တစ်ခုခုကုန်သွားတဲ့အချိန်မှာ သူတို့ကို ကျွန်တော်ပြောလေ့ရှိတယ်။… အဖေတော့ ဒီပစ္စည်းကုန်သွားပြီ ၊ သမီးသွားဝယ်ပေးမလား။”

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: A British dad moved his family to Japan and copied Tokyo parents. He is raising his kids to be independent. (businessinsider)

Photo Credit: James Ould

[Zawgyi]

ျဗိတိန္ကို ေက်ာခိုင္းကာ ဂ်ပန္ကုိ ေရႊ႕ေျပာင္းခဲ့ၾကေသာ မိသားစု ၊ ဂ်ပန္တြင္ ကေလးငယ္မ်ား ေဘးကင္း လံုျခံဳမႈကို အလြန္ႏွစ္သက္သေဘာက်

ဂ်ိမ္းစ္အိုးဒ္ႏွင့္ ဇနီးျဖစ္သူ ေမာ္ဂန္အိုးဒ္တုိ႔သည္ အသက္ ၁၁ ႏွစ္အရြယ္ သမီးျဖစ္သူ လီလီယန္တစ္ေယာက္ ဂ်ပန္တြင္ ညေန ၆ နာရီအေမွာင္ထဲ၌ ဘတ္စ္ကားတိုးစီးကာ ေက်ာင္းမွ အိမ္ျပန္လာျခင္းအေပၚ စိုးရိမ္စိတ္ စိုးစဥ္းမွ် မရွိေခ်။

အဆိုပါ အေနအထားမ်ဳိးမွာ အေနာက္ႏိုင္ငံမ်ားတြင္ဆိုလွ်င္ မိဘမ်ား တုန္လႈပ္ဖြယ္ အေျခအေနတစ္ရပ္ ျဖစ္သည္။

ဂ်ိမ္းစ္အိုးဒ္တို႔ ဇနီးေမာင္ႏွံသည္ ၂၀၂၂ ခုႏွစ္တြင္ အဂၤလန္မွ တိုက်ဳိျမဳိ႕သို႔ ေျပာင္းေရႊ႕အေျခခ်ခဲ့ၾကသည္။

ဂ်ပန္တြင္ ဂ်ိမ္းစ္အိုးဒ္တုိ႔သည္ သမီးမ်ားျဖစ္ေသာ လီလီယန္ႏွင့္ ၇ ႏွစ္အရြယ္ သမီးငယ္ အက္စ္မီတို႔ အျပင္သြားျခင္း၊ ျပန္လာျခင္းတို႔အေပၚ ပူပန္စိတ္မ်ား မရွိေခ်။

ေရာမတြင္ဆိုလွ်င္ ထုိအေျခအေနမွာ စိုးရိမ္ဖြယ္ရာရွိေၾကာင္း ဂ်ိမ္းစ္အုိးဒ္က Business Insider သတင္းဌာနသို႔ ေျပာသည္။ ဂ်ပန္တြင္ မိဘမ်ားသည္ ကေလးငယ္မ်ား လမ္းေလွ်ာက္ျခင္းကို သေဘာက်ေၾကာင္း၊ အမ်ားအားျဖင့္ ေက်ာင္းသို႔ အလြန္ေဝးကြာစြာ လမ္းေလွ်ာက္သြားျခင္း (သို႔မဟုတ္) တစ္ဦးတည္း ရထားစီးသြားျခင္းမ်ား ေတြ႔ရေၾကာင္း ၎က ေျပာသည္။

“အသက္ ၅ ႏွစ္ ၊ ၆ ႏွစ္အရြယ္ကေလးေတြ ေက်ာင္းကို ကိုယ့္ဟာကို လမ္းေလွ်ာက္သြားေနၾကတာ ေတြ႔ရမွာ ျဖစ္ပါတယ္။ ဒီမွာ အဲဒါက မထူးဆန္းပါဘူး။”

ဂ်ပန္တြင္ ကေလးမ်ားကို အလြန္ငယ္ရြယ္ေသာ အခ်ိန္ကတည္းမွစျပီး အမွီအခိုကင္းစြာ ရပ္တည္ႏိုင္ရန္ အားေပးၾကေၾကာင္း ၎က ေျပာသည္။

အေမရိကန္ႏွင့္ ျဗိတိန္ကဲ့သို႔ ႏိုင္ငံမ်ဳိးတြင္ဆိုလွ်င္ ကေလးမ်ားကို အျမဲေစာင့္ၾကည့္ေနၾကရေၾကာင္းလည္း ဂ်ိမ္းစ္အိုးဒ္က ေျပာသည္။

အဂၤလန္တြင္ဆိုလွ်င္ မိသားစုတစ္စုသည္ ရြာငယ္ကေလးတစ္ခုတြင္ ေနထိုင္လွ်င္ပင္ မိမိတို႔သမီးမ်ား ေက်ာင္းပို႔ရာတြင္ ဖခင္ (သို႔မဟုတ္) မိခင္ အျမဲလုိက္ပါ ေစာင့္ေရွာက္ရေၾကာင္း ေျပာသည္။

အသက္ ၃၈ ႏွစ္အရြယ္ရွိ ဂ်ိမ္းစ္အိုးဒ္က ေျပာသည္မွာ ဂ်ပန္မွ ေက်ာင္းဆရာမ်ားက ကေလးေက်ာင္းတက္ ရာတြင္ မိဘမ်ား လိုက္လာျခင္းကို အားမေပးေၾကာင္း ေျပာသည္။

ေက်ာင္းသားမ်ားစြာမွာ အလုပ္ျပီးေျမာက္ေအာင္ျမင္မႈႏွင့္ တာဝန္ယူစိတ္မ်ား ေမြးျမဴေပးႏိုင္ရန္ မနက္ပိုင္းတြင္ ေက်ာင္းေဝယ်ာဝစၥမ်ားလုပ္ရေၾကာင္း ၎က ေျပာသည္။

“သူတို႔ ေက်ာင္းကို အေစာၾကီးသြားျပီး သန္႔ရွင္းေရးလုပ္ရပါတယ္။”

လီလီယန္ႏွင့္ အက္စမီတို႔တြင္ ရထားႏွင့္ ကားစီးရန္ JR Pass ဟု ေခၚေသာ ကိုယ္ပိုင္ကဒ္မ်ား ရွိသည္။

ထုိကဒ္ကို မိဘမ်ားက ေငြရွင္းေပးျခင္း ျဖစ္သည္။

အဆိုပါ ကဒ္မ်ားျဖင့္ စတိုးဆိုင္မ်ား ၊ ေငြထည့္လုိက္လွ်င္ စားေသာက္စရာ ထုတ္ေပးသည့္စက္မ်ားတြင္ ဝယ္ယူျခင္းမ်ားလည္း ျပဳလုပ္ႏိုင္သည္။

“ဒီကဒ္ကို ယံုယံုၾကည္ၾကည္နဲ႔ သူတို႔ကို အသံုးျပဳခြင့္ေပးထားတဲ့ အေပၚသေဘာက်ၾကတယ္။”

(မိမိတို႔မိသားစု ဂ်ပန္တြင္ ေနထိုင္ရမႈကို သေဘာက်ေၾကာင္း ဂ်ိမ္းစ္အိုးဒ္က ေျပာသည္။ ဓာတ္ပံု-James Ould)

မိန္းကေလးမ်ားသည္ တိုက္ခန္းအနီးရွိ ပန္းျခံထဲတြင္ မိဘမ်ား ေစာင့္ၾကည့္ရမႈမရွိဘဲ ေပ်ာ္ရႊင္စြာ ေဆာ့ကစားၾက ေၾကာင္းလည္း ၎က ေျပာသည္။

“ကၽြန္ေတာ္တို႔ အက္စမီကို ေျပာေလ့ရွိတာက…. သမီးအစ္မနဲ႔သြားရမယ္…လို႔ အရင္က ေျပာခဲ့တယ္။ ခုခ်ိန္မွာေတာ့ သူတစ္ေယာက္ထဲသြားလည္း ကၽြန္ေတာ္တို႔ စိတ္မပူေတာ့ဘူး။”

“ေစ်းဆိုင္ေတြကိုလည္း သူတို႔ ေစ်းသြားဝယ္ေပးတယ္။ ခ်က္ျပဳတ္ေနရင္း တစ္ခုခုကုန္သြားတဲ့အခ်ိန္မွာ သူတို႔ကို ကၽြန္ေတာ္ေျပာေလ့ရွိတယ္။… အေဖေတာ့ ဒီပစၥည္းကုန္သြားျပီ ၊ သမီးသြားဝယ္ေပးမလား။”

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: A British dad moved his family to Japan and copied Tokyo parents. He is raising his kids to be independent. (businessinsider)

Photo Credit: James Ould