ကမ္ဘာကျော်ရက်ပ်အဆိုတော် Puff Daddy နှင့် Jay-Z တို့နှစ်ဦး ၁၃ နှစ်အရွယ် မိန်းကလေးတစ်ဦးကို အဓမ္မပြုကျင့်ခဲ့မှု ၂၀၂၅ ခုနှစ် မေလတွင် အမှုစစ်ဆေးမည်၊ အခင်းဖြစ်ပွားရာ Puff Daddy ၏ စံအိမ်

အမေရိကန် ပြည်ထောင်စု တရားရုံးတွင် ကမ္ဘာကျော် ရက်ပ်အဆိုတော် Sean Diddy Combs (ယခင်အမည် Puff Daddy) အား တရားစွဲထားသော မုဒိမ်းမှုတွင် Jay-Z လည်း ပါဝင်ကြောင်း ပြင်ဆင် စွဲချက် တင်လာသည်။

ဘီယွန်းစေး၏ ခင်ပွန်းဖြစ်သူ Jay-Z နှင့် Puff Daddy တို့နှစ်ဦးသည် ၂၀၀၀ ပြည့်နှစ်အတွင်း Puff Daddy နေအိမ်၌ ပါတီပွဲ ကျင်းပစဉ်အတွင်း ၁၃ နှစ်အရွယ် မိန်းကလေးတစ်ဦးကို မုဒိမ်းကျင့်ခဲ့ခြင်း ဖြစ်ကြောင်း တရားရုံးစွဲချက်တွင် စွပ်စွဲထားသည်။

Jay-Z က အဆိုပါ စွပ်စွဲချက်များကို လူမှုကွန်ရက်မှတဆင့် ငြင်းပယ်ထားပြီး တရားစွဲထားမှုအပေါ် အပြင်းအထန် ဝေဖန်ရှုတ်ချထားသည်။

တရားလိုရှေ့နေမှ ခြိမ်းခြောက်ငွေညှစ်ရန် ကြိုးစားမှုဖြစ်ကြောင်း Jay-Z က ပြောသည်။

သူ၏ တေးထုတ်လုပ်ရေးကုမ္ပဏီဖြစ်သော Roc Nation ၏ ထုတ်ပြန်ချက်တွင် ဂျေးဇီအနေဖြင့် မိသားစုအတွက် ကြေကွဲရကြောင်း၊ သမီးဖြစ်သူ Blue Ivy အား ယခုဖြစ်ရပ်ကို ရှင်းပြရမည်ကို ရင်နာမိကြောင်း ပြောသည်ဟု ဖော်ပြသည်။

Puff Daddy ကလည်း ၎င်းအပေါ် စွပ်စွဲထားမှုများကို ငြင်းပယ်ထားသည်။

Puff Daddy ကမူ အာမခံဖြင့် အမှုရင်ဆိုင်ခွင့်မရဘဲ လိင်ကုန်ကူးမှု စွပ်စွဲချက်ဖြင့် ထောင်ထဲတွင် ဖမ်းဆီးခံထားရသည်။

၂၀၂၅ ခုနှစ်၊ မေလတွင်မှ အမှုစတင်စစ်ဆေးမည်ဖြစ်ရာ Puff Daddy မှာ ထောင်တွင်းမှသာ ရုံးချိန်းလာရတော့မည် ဖြစ်သည်။

Puff Daddy ၏ နေအိမ်များသို့ ယခု ၂၀၂၄ ခုနှစ် မတ်လအတွင်းက ရဲတပ်ဖွဲ့က ဝင်ရောက် စီးနင်းရှာဖွေမှုများ ပြုလုပ်ခဲ့သည်။

ရဲတပ်ဖွဲ့က ရှာဖွေမှုများ ပြုလုပ်ခဲ့သည်မှာ Puff Daddy ၏ မိုင်အမ်မီစံအိမ်နှင့် လော့စ်အိန်ဂျလိစံအိမ် တို့ဖြစ်ကြောင်း သတင်းရယူခဲ့သည့် CNN သတင်းထောက်က ပြောသည်။

(Puff Daddy ၏ လော့စ်အိန်ဂျလိစံအိမ်ကို အပြင်ဘက်တွင် ရဲတပ်ဖွဲ့ဝင်များကို တွေ့ရပုံ။ ဓာတ်ပုံ-KCAL/ KCBS)

ထိုအချိန်က သတင်းရယူခဲ့သော သတင်းထောက်တို့ ရိုက်ကူးခဲ့သော ကောင်းကင်ဓာတ်ပုံများအရ Puff Daddy ၏ လော့စ်အိန်ဂျလိစံအိမ်ခြံဝန်းအတွင်း ရဲတပ်ဖွဲ့ဝင်များစွာကို တွေ့ရသည်။

ရွေ့လျား ကွပ်ကဲရေးယာဉ်များလည်း Puff Daddy ၏ လော့စ်အိန်ဂျလိစံအိမ်နှင့် မိုင်အမ်မီစံအိမ်တို့တွင် တွေ့ခဲ့ရသည်။

ရဲအရာရှိတို့မှာ ခေါက်စားပွဲများတွင် စာရွက်စာတမ်းကိစ္စများ ဆောင်ရွက်နေခဲ့သည်ကိုလည်း တွေ့ရသည်။

(Puff Daddy ၏ လော့စ်အိန်ဂျလိနေအိမ်အနီး ရဲအရာရှိများ လိုက်ပါလာသည့် ကားတစ်စီးကို တွေ့ရပုံ။ ဓာတ်ပုံ- Eric Thayer/ AP)

၂၀၂၃ ခုနှစ်၊ နိုဝင်ဘာလအတွင်းကလည်း Puff Daddy ၏ ချစ်သူမိန်းကလေးဟောင်း အဆိုတော် Cassandra Cassie Ventura က မုဒိမ်းမှု၊ ညှင်းပန်းနှိပ်စက်မှုတို့ဖြင့် Puff Daddy ကို တရားစွဲခဲ့သေးသည်။

ယင်းနောက် ရက်သတ္တအတန်ကြာသောအခါတွင်လည်း လိင်ပိုင်းမဖွယ်မရာလုပ်မှု၊ လိင်ကုန်ကူးမှုများဖြင့် အမှုဖွင့်ခံရသည်။

“ကျွန်တော့်ပုံရိပ်ကို ခြေမှုန်းဖို့ ၊ ကျော်ကြားမှုကို ဖျက်ဆီးဖို့ လူတွေကြိုးစားနေတာကို ကျွန်တော်တိတ်တိတ်လေး ထိုင်ကြည့်နေပါတယ်။ ငွေရလိုတာကြောင့် ကျွန်တော့်အပေါ် စက်ဆုပ်စရာ စွပ်စွဲချက်တွေ လုပ်ဆောင်နေကြတာ ဖြစ်ပါတယ်။ ရှင်းရှင်း ပြောပါရစေ။ ဒီစွပ်စွဲတာတွေကို ကျွန်တော် တစ်ခုမှ မလုပ်ခဲ့ပါဘူး။ ကျွန်တော့်နာမည်၊ ကျွန်တော့်မိသားစုနဲ့ အမှန်တရားအတွက် တိုက်ပွဲဝင်သွားမှာ ဖြစ်ပါတယ်” ဟု Puff Daddy က ပြောသည်။

ကနဦးတွင် အမှုထဲ၌ Jay-Z ၏ အမည်ကို ဖော်ပြသေးခြင်းမရှိဘဲ Celebrity A ဟုသာ ရည်ညွှန်းခဲ့သည်။

အမှုတွင် ဖော်ပြချက်အရ အမည်မဖော်သည့် အဆိုပါမိန်းကလေးသည် ဆေးခတ်ခံရပြီးနောက် Puff Daddy ၏ နေအိမ်တွင် Jay-Z နှင့် Puff Daddy တို့ နှစ်ဦးလုံး၏ မုဒိမ်းကျင့်ခြင်းခံခဲ့ရကြောင်း၊ ၂၀၀၀ ပြည့်နှစ် MTV ဂီတဆုပေးပွဲအပြီးတွင် Puff Daddy ၏ နေအိမ်၌ ကျင်းပခဲ့သော ပါတီပွဲတွင် ဖြစ်ပွားခဲ့ခြင်းဖြစ်ကြောင်း ဖော်ပြသည်။

မိန်းကလေး၏ ပြောပြချက်အရ ပါတီပွဲတွင် ဖျော်ရည်တစ်ခုသောက်လိုက်ပြီးနောက် မူးဝေသွားခဲ့ကြောင်း၊ Puff Daddy နှင့် Jay-Z တို့က ဝိုင်းဝန်းမုဒိမ်းကျင့်ခဲ့ကြကြောင်း၊ Puff Daddy က မုဒိမ်းကျင့်ချိန်တွင် ၎င်း၏ လည်ပင်းကို ထိုးနှက်က ထွက်ပြေးခဲ့ပြီး ဓာတ်ဆီဆိုင်တစ်ခုသို့ ရောက်ရှိခဲ့ကြောင်း၊ ဓာတ်ဆီဆိုင်တွင် ဖခင်ဖြစ်သူကို ဆက်သွယ်ခေါ်ယူကာ ထွက်ပြေးခဲ့ခြင်းဖြစ်ကြောင်း ပြောသည်။

Puff Daddy သည် နေအိမ်ကို ရဲတပ်ဖွဲ့မှ ဝင်ရောက်ရှာဖွေခြင်းခံခဲ့ရပြီးနောက် ယခုနှစ် စက်တင်ဘာလထဲတွင် ကန်ဒေါ်လာ ၆၁ သန်းဖြင့် အရောင်းဈေးကွက်တင်ခဲ့သည်။

(မုဒိမ်းမှုဖြစ်ပွားခဲ့သည်ဟု စွပ်စွဲခြင်းခံထားရသော Puff Daddy ၏ လော့စ်အိန်ဂျလိ စံအိမ်မှာ ယခုအခါ ကန်ဒေါ်လာ ၆၁ သန်းဈေးခေါ်ကာ အရောင်းဈေးကွက်တွင် ရောက်ရှိနေသည်။ ဓာတ်ပုံ-Page Six)

(စံအိမ်အကျယ်အဝန်းမှာ စတုရန်းပေ ၁၃၀၀၀ ရှိသည်။ ဓာတ်ပုံ-Page Six)

(လော့စ်အိန်ဂျလိတွင် Platinum Triangle ဟု လူသိများသောနေရာတွင် တည်ရှိသည်။ ဓာတ်ပုံ-Page Six)

(Puff Daddy ၏ အိမ်နီးချင်းအနေဖြင့် ကိုင်လီ ဂျင်းနာ၏ နေအိမ်ရှိနေသည်။ ဓာတ်ပုံ-Page Six)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Jay-Z on trial: Beyoncé's husband raped a 13-year-old girl at Puff Daddy's house (CNN)

Photo Credit-Page Six, Eric Thayer/ AP, KCAL/ KCBS