မလေးရှားတွင် လဖက်ရည်ပန်းကန်တစ်လုံး မဆေးဘဲထားသောကြောင့် ဇနီးဖြစ်သူအား ခင်ပွန်းက ကွာရှင်းသည့်ကိစ္စ မလေးရှားလူမှုကွန်ရက်သုံးစွဲသူများအကြား သတင်းကြီးနေ

25 Feb 2025 10:36 am တွင် တင်ခဲ့သည်

455 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by အေးမြတ်သူ

လင်မယားကွာရှင်းမှုများမှာ အများအားဖြင့် ကြီးမားသော အကြောင်းရပ်များအပေါ် အခြေခံလေ့ရှိသည်။

သို့သော် မလေးရှားတွင်မူ ပန်းကန်တစ်လုံး မဆေးသည့် အသေးအဖွဲဟု ယူဆရသော ကိစ္စကြောင့် ကွာရှင်းပြတ်စဲမှုဖြစ်ပေါ်ခဲ့ရာ မလေးရှားနိုင်ငံသားများအကြား များစွာအံ့အားသင့်လျက် ရှိကြသည်။

ထိုဖြစ်ရပ်ကို ဇနီးဖြစ်သူက @meinmokhtar ဟူသော အကောင့်ဖြင့် X လူမှုကွန်ရက်တွင် ပြောပြခဲ့သည်။

ညစ်ပတ်နေသော လဖက်ရည်ပန်းကန်လုံးတစ်ခုကိစ္စဖြင့် အခြေအတင် စကားများခဲ့ပြီးနောက် ခင်ပွန်းဖြစ်သူက WhatsApp မှတဆင့် မိမိအား ကွာရှင်းခဲ့ကြောင်း ဇနီးဖြစ်သူက လူမှုကွန်ရက်တွင် ပြောပြသည်။

၎င်းက ရေးသားဖော်ပြသည်မှာ----

“မဆေးဘဲထားတဲ့ လဖက်ရည်ပန်းကန်တစ်လုံးကိစ္စနဲ့ ကျွန်မယောက်ျားနဲ့ စကားများပါတယ်။ သူက ကျွန်မကို WhatsApp ကနေ ကွာရှင်းခဲ့တယ်။ အဲဒါ တရားဝင်ပါသလား”--- ဟု ဆိုသည်။

(နမူနာအနေဖြင့် ဖော်ပြသော ပုံသာဖြစ်ပါသည်။ ဓာတ်ပုံ- Via Canva)

သူ၏ ပို့စ်မှာ လူမှုကွန်ရက်တွင် ပျံ့နှံ့သွားပြီး လူမှုကွန်ရက်သုံးစွဲသူများစွာက ယခုဖြစ်ရပ်ကို မယုံကြောင်း ပြောကာ ၎င်းတို့၏ ထင်မြင်ချက်များကို မှတ်ချက်ပေးကြသည်။

လူမှုကွန်ရက်သုံးစွဲသူတစ်ဦးကမူ သာမန်ကိစ္စလေးကိုပင် စိတ်မထိန်းနိုင်၊ သည်းမခံနိုင်ကြသည့်အပေါ် စိတ်ပျက်မိကြောင်း မှတ်ချက်ပြုသည်။

(59’/67’ x 45’)အကျယ်၊ အေဝမ်းလမ်းရှိ လုံးချင်းအိမ် အရောင်း။

25,000 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

သင်္ဃန်းကျွန်းမြို့နယ် သုဝဏ္ဏ (VIP 1) လို့ပြောလိုက်တာနဲ့ ILBC, NIEC, MNU ,SIS Myanmar , စတဲ့ အနီးနား

70,000 သိန်း (ကျပ်)

သင်္ဃန်းကျွန်း | ရန်ကုန်တိုင်းဒေသကြီး

ရန်ကင်းမြို့နယ်၊ ပါရမီလမ်းသွယ်တွင် ရောင်းရန်ရှိသည်

26,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

“ကြည့်ပါဦး။ ဒါက ဘယ်သူမဆို ကြုံနေရတဲ့ အသေးအဖွဲ ကိစ္စလေးပါ။ ဒါပေမယ့် စိတ်ဖိစီးမှုတွေလည်း ရှိနေမယ်…ခဏခဏလည်း ဒီလိုလုပ်နေမယ်….ဒီကိစ္စကိုပဲ ခဏခဏ ပြောနေရမယ်ဆိုရင်တော့ ကွာရှင်းတဲ့အဆင့် ရောက်သွားနိုင်ပါတယ်။ ဒါကြောင့် သူက တဗျစ်တောက်တောက် လုပ်မနေတော့ဘဲ ကွာရှင်းဖို့ပဲ ရွေးချယ်လိုက်တာ ဖြစ်နိုင်ပါတယ်” ဟု Si Hamlau အမည်ဖြင့် လူမှုကွန်ရက်သုံးစွဲသူတစ်ဦးက မှတ်ချက်ပြုသည်။

(X/meinmakhtar အကောင့်မှ screenshot တစ်ခု)

အချို့က ခင်ပွန်းဖြစ်သူဘက်မှ ရပ်တည်ကြသည်။ အမြဲတမ်း ပန်းကန်ဆေးရသည့် ပြဿနာအပေါ် စိတ်ပျက်လာခြင်းအပေါ် နားလည်ကြောင်း ပြောကြပြီး အချို့ကမူ ဇနီးဖြစ်သူဘက်မှ ရပ်တည်ကြပြီး ပိုမိုစိတ်ထားပြည့်ဝသူနှင့်သာ ထိုက်တန်ကြောင်း မှတ်ချက်ပြုကြသည်။

အခြားတစ်ဦးကမူ ဇနီးမောင်နှံ ၂ ဦးလုံး အဘယ်ကြောင့် ယခုပြဿနာကို ပြေလည်အောင် မကြိုးစားသနည်းဟု မေးခွန်းထုတ်သည်။

“ဒီလို အသေးအဖွဲ ကိစ္စလေးမှာတောင် သူတို့နှစ်ယောက်မှာ ဘယ်သူကမှ မီးကို ငြှိမ်းပေးမယ့် ရေလို မပြုမူခဲ့ဘူး။ နှစ်ယောက်လုံးက မီးလို ကျင့်ကြံနေမယ်ဆိုရင် မိစ္ဆာရောက်လာမှာပဲ။ မိစ္ဆာက သူ့ရဲ့ ပန်းတိုင်ကို ရသွားတာ အံ့သြစရာ မရှိပါဘူး။ ဟူး…ဒီလိုလုပ်နေတဲ့သူတွေ ပိုများလာမယ်ဆိုရင် မိစ္ဆာဟာ ပိုပြီး အားကောင်းလာတော့မယ်”

(X/meinmakhtar အကောင့်မှ screenshot တစ်ခု)

တစ်ဦးကမူ အချစ်ရေးတို့သည် လက်ထပ်ပြီးနောက်ပိုင်း ပြောင်းလဲသွားလေ့ရှိပုံကို ထောက်ပြသည်။

“ကျွန်မ တကယ်နားမလည်နိုင်အောင်ပါပဲ။ သူတို့တွေ ချစ်သူဘဝက တစ်ယောက်ကိုတစ်ယောက် အရမ်းကူညီချင်ခဲ့ကြတယ်။ ပန်းကန်ဆေးတာက အစပေါ့။ ဒါပေမယ့် လင်ရယ်မယားရယ် ဖြစ်လာပြီးတဲ့နောက် တချိန်က ပျော်ပျော်ရွှင်ရွင် ပေါ့ပေါ့ပါးပါးရှိခဲ့တဲ့ ပန်းကန်ဆေးတဲ့ကိစ္စဟာ ဧရာမကိစ္စကြီးဖြစ်လာပြီး ခွန်းတုံ့ပြန် အခြေအတင်ပြောနေရတဲ့ ကိစ္စဖြစ်လာတယ်”

( X/meinmakhtar အကောင့်မှ screenshot တစ်ခု)

အထက်ပါဖြစ်ရပ်အပေါ် သင်မည်သို့ ယူဆပါသနည်း။ သင်၏ အတွေးကို မှတ်ချက်ပြုခဲ့ပါဦး။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: M’sian Woman Claims Husband Divorced Her Over An Unwashed Cup Photo Credit- X/meinmakhtar, Via Canva

ျပသနာ ဗဟုသုတ သိမွတ္ဖြယ္ရာ

Share on Facebook

Share on Twitter