လူလုပ်အနုပညာအလား ထင်မှတ်မှားလောက်အောင် သဘာဝအတိုင်းဖြစ်ပေါ်တည်ရှိနေတဲ့ ထူးဆန်းအံ့ဖွယ် ဝက်သားတုံးသဏ္ဌာန် ကျောက်တုံး

 ထိုင်ဝမ်ရှိ National Palace Museum အတွင်းပြသထားတဲ့ ရှေးဟောင်းအမွေအနှစ်များထဲမှာ ဝက်သားတုံးသဏ္ဌာန်ကျောက်တုံးဟာလည်း တစ်ခုအပါအဝင်ဖြစ်ပါတယ်။ ခရီးသွားတွေရဲ့ စိတ်ဝင်စားမှုကို အံ့သြဖွယ်ဆွဲဆောင်နေတယ်ဆိုလည်း မမှားပါဘူး။ ဂျိတ်စပါကျောက်နဲ့ သံအောက်ဆိုဒ်ဓာတ် ပေါင်းစည်းမှုကြောင့် အနီအညိုအဖြူ ကျောက်သားတွေ ထူးဆန်းသပ်ရပ်စွာပေါင်းစပ်ထားပုံက ရုတ်တရက်ကြည့်မယ်ဆို စားဖို့အသင့်ချက်ပြုတ်ထားတဲ့ ဝက်သားတုံးကဲ့သို့ ပုံသဏ္ဌာန်တူနေပါတော့တယ် ။

တရုတ်လူမျိုးတို့ရဲ့ ရိုးရားစားဖွယ်ရာတွေထဲ ဝက်သားဟာ အဓိကပါဝင်ပြီး ကြွယ်ဝချမ်းသာမှု၊ အစားအသောက် လျှံပယ်ပေါများမှုသင်္ကေတတစ်ရပ်အဖြစ် ကံကောင်းစေတဲ့ ကျောက်တုံးသဖွယ်မှတ်ယူကြပါတယ် ။

ထူးခြားတဲ့ဓာတ်ပေါင်းစပ်မှုကြောင့် အလားတူ ဝက်သားတုံးသဏ္ဌာန်ကျောက်တုံးများစွာကို တရုတ်နိုင်ငံ၊အမေရိကန်နိုင်ငံများမှာ တွေ့ရတတ်လေ့ရှိပါတယ်။ တချို့ဒဏ္ဍာရီတွေရဲ့ ဆိုစကားအရဆိုရင် ဝက်သားကျောက်တုံးက နတ်ဘုရားတစ်ပါးရဲ့ စားနပ်ရိက္ခာဖြစ်ပြီး ကျောက်ဖြစ်သွားတယ်လို့ဆိုပါတယ်။

National Palace Museum မှာပြသထားတဲ့ ဝက်သားတုံးသဏ္ဌာန် အထူးခြားဆုံးသော ကျောက်တုံးကြီးကိုတော့ Qing မင်းဆက် (၁၆၄၄-၁၉၁၂) လက်ထက်ကတည်းက နန်းတွင်းပြတိုက်မှာ နန်းစဉ်ရတနာအဖြစ် သိမ်းဆည်းခဲ့တာဖြစ်ပါတယ်။ ယနေ့အချိန်မှာတော့ ထူးဆန်းတဲ့ကျောက်များစွာထဲက တစ်ခုအဖြစ် ခရီးသွားများအပြားရဲ့ စိတ်ဝင်တစားကြည့်ရှုခြင်းကို ရရှိလို့နေပါတယ်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com