ဧက (၅၀၀) ကျော်ရှိသည့် ကိုရီးယား-မြန်မာစက်မှုဇုန်စီမံကိန်း (KMIC)ကို ၂၀၂၀ နှစ်မကုန်ခင် လုပ်ငန်းစတင်မည်

ကိုရီးယား-မြန်မာစက်မှုဇုန်စီမံကိန်း (KMIC) ကို ၂၀၂၀ နှစ်မကုန်မီ လုပ်ငန်းများ စတင်အကောင်အထည်ဖော် ဆောင်ရွက်နိုင်ရန် ရင်းနှီးမြှပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးနှင့် ကိုရီးယားသံအမတ်တို့ ဆွေးနွေးခဲ့သည်။

ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဦးသောင်းထွန်းက မြန်မာနိုင်ငံဆိုင်ရာ ကိုရီးယားသံအမတ်ကြီး ၊ မစ္စတာ Lee Sang-hwa နှင့် ဇွန် ၁၀ ရက်တွင် VIDEO Conferencing စနစ်ဖြင့်တွေ့ဆုံပြီး ဆွေးနွေးခဲ့ခြင်းဖြစ်သည်။

အစိုးရနှစ်ခုကြား သဘောတူညီမှုဖြင့် မြန်မာနိုင်ငံတွင် ကိုရီးယား ပထမဦးဆုံး စက်မှုဇုန်ဖြစ်မည့် ကိုရီးယား-မြန်မာစက်မှုဇုန် စီမံကိန်း(KMIC) ကို လက်မှတ်ရေးထိုးသည့် အထိမ်းအမှတ်ကို ၂၀၁၉ စက်တင်ဘာတွင် ကျင်းပခဲ့သည်။

ထိုစီမံကိန်းသည် အပိုင်းနှစ်ပိုင်း ပါဝင်သည်။ ပထမအပိုင်းကို ၂၀၁၉ တွင် စတင်ပြီး ၂၀၂၂ ၌ ပြီးဆုံးမည်ဖြစ်သည်။ ဒုတိယအပိုင်းကို ၂၀၂၀ တွင် စတင်ပြီး ၂၀၂၃ ၌ ပြီးဆုံးမည်ဖြစ်သည်။ ထိုစီမံကိန်းကို ကိုရီးယားအစိုးရပိုင် Land and Housing ကော်ပိုရေးရှင်း (LH)နှင့် ဆောက်လုပ်ရေးဝန်ကြီးဌာနတို့ အကျိုးတူပူးပေါင်းဆောင်ရွက် ခြင်းဖြစ်သည်။

ထိုစီမံကိန်းသည် မြန်မာနိုင်ငံက ရှယ်ယာ ၄၀ ရာခိုင်နှုန်း၊ ကိုရီးယား အစိုးရက ၆၀ ရာခိုင်နှုန်း ပိုင်ဆိုင် မည်ဖြစ်သည်။

စီမံကိန်းအတွက် ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေးဦးစီးဌာနနှင့် ကိုရီးယားအစိုးရပိုင် LH (Korea Land and Housing Corporation) ကော်ပိုရေးရှင်းတို့ ၂၀၁၇ ဇွန်လ ၁၆ ရက်က ကိုရီးယားနိုင်ငံ ဂျယ်ဂျူးကျွန်းတွင် လက်မှတ်ရေးထိုးခဲ့သည်။ အဆိုပါစီမံကိန်းသည် ကိုရီးယားအစိုးရပိုင် LH ကော်ပိုရေးရှင်း၏ ပြည်ပနိုင်ငံများတွင် Smart City အဖြစ် တာဝန်ယူတည်ဆောက်နေသည့် စီမံကိန်းများအနက် တစ်ခုဖြစ်သည်။

အကောင်အထည်ဖော်မည့် စီမံကိန်းများ၌ စက်မှုလုပ်ငန်းဧရိယာ၊ သုတေသနနှင့် ဖွံ့ဖြိုးရေး စင်တာ၊ သင်တန်းကျောင်း၊ အိမ်ရာနှင့် စီးပွားရေးဆိုင်ရာ အဆောက်အအုံများပါဝင်မည်ဟု ဆောက်လုပ်ရေးဝန်ကြီးဌာန ဒုဝန်ကြီး ဦးကျော်လင်းက လွှတ်တော်တွင် ပြောကြားထားသည်။

၂၀၀၈ ဖွဲ့စည်းပုံရေးဆွဲရန် အမျိုးသားညီလာခံကျင်းပခဲ့သည့် လှည်းကူးမြို့နယ် ညောင်နှစ်ပင် စခန်းရှိ မြေဧက ၆၀၀ ပေါ်တွင် အဆိုပါစီမံကိန်းကို အကောင်အထည်ဖော်ရန် ကိုရီးယားဘက်က စီစဉ်ခြင်းဖြစ်သည်။

သို့သော် အမျိုးသားညီလာခံကျင်းပခဲ့သည့် သမိုင်းဝင်အဆောက်အအုံအပါအဝင် မြေဧက ၃၀ ကျော်ကို အစိုးရထံ ပြန်လည် ပေးအပ်ရ၍ ဧက ၅၅၀ ကျော်သာ ပြုလုပ်ခွင့်ရခဲ့သည်ဟု LH ကော်ပိုရေးရှင်း ရန်ကုန်ရုံးခွဲ မန်နေဂျာ မစ္စတာကင်ဂမ်ဝူးက ပြောကြားထားသည်။

စိမ့်စည်သူ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

ဧက (၅၀၀) ေက်ာ္ရွိသည့္ ကိုရီးယား-ျမန္မာစက္မႈဇုန္စီမံကိန္း (KMIC)ကို ၂၀၂၀ ႏွစ္မကုန္ခင္ လုပ္ငန္းစတင္မည္

ကိုရီးယား-ျမန္မာစက္မႈဇုန္စီမံကိန္း (KMIC) ကို ၂၀၂၀ ႏွစ္မကုန္မီ လုပ္ငန္းမ်ား စတင္အေကာင္အထည္ေဖာ္ ေဆာင္႐ြက္ႏိုင္ရန္ ရင္းႏွီးျမႇပ္ႏွံမႈႏွင့္ႏိုင္ငံျခားစီးပြားဆက္သြယ္ေရးဝန္ႀကီးႏွင့္ ကိုရီးယားသံအမတ္တို႔ ေဆြးေႏြးခဲ့သည္။

ရင္းႏွီးျမႇဳပ္ႏွံမႈႏွင့္ ႏိုင္ငံျခားစီးပြားဆက္သြယ္ေရးဝန္ႀကီးဌာန၊ ျပည္ေထာင္စုဝန္ႀကီး ဦးေသာင္းထြန္းက ျမန္မာႏိုင္ငံဆိုင္ရာ ကိုရီးယားသံအမတ္ႀကီး ၊ မစၥတာ Lee Sang-hwa ႏွင့္ ဇြန္ ၁၀ ရက္တြင္ VIDEO Conferencing စနစ္ျဖင့္ေတြ႕ဆုံၿပီး ေဆြးေႏြးခဲ့ျခင္းျဖစ္သည္။

အစိုးရႏွစ္ခုၾကား သေဘာတူညီမႈျဖင့္ ျမန္မာႏိုင္ငံတြင္ ကိုရီးယား ပထမဦးဆုံး စက္မႈဇုန္ျဖစ္မည့္ ကိုရီးယား-ျမန္မာစက္မႈဇုန္ စီမံကိန္း(KMIC) ကို လက္မွတ္ေရးထိုးသည့္ အထိမ္းအမွတ္ကို ၂၀၁၉ စက္တင္ဘာတြင္ က်င္းပခဲ့သည္။

ထိုစီမံကိန္းသည္ အပိုင္းႏွစ္ပိုင္း ပါဝင္သည္။ ပထမအပိုင္းကို ၂၀၁၉ တြင္ စတင္ၿပီး ၂၀၂၂ ၌ ၿပီးဆုံးမည္ျဖစ္သည္။ ဒုတိယအပိုင္းကို ၂၀၂၀ တြင္ စတင္ၿပီး ၂၀၂၃ ၌ ၿပီးဆုံးမည္ျဖစ္သည္။ ထိုစီမံကိန္းကို ကိုရီးယားအစိုးရပိုင္ Land and Housing ေကာ္ပိုေရးရွင္း (LH)ႏွင့္ ေဆာက္လုပ္ေရးဝန္ႀကီးဌာနတို႔ အက်ိဳးတူပူးေပါင္းေဆာင္႐ြက္ ျခင္းျဖစ္သည္။

ထိုစီမံကိန္းသည္ ျမန္မာႏိုင္ငံက ရွယ္ယာ ၄၀ ရာခိုင္ႏႈန္း၊ ကိုရီးယား အစိုးရက ၆၀ ရာခိုင္ႏႈန္း ပိုင္ဆိုင္ မည္ျဖစ္သည္။

စီမံကိန္းအတြက္ ေဆာက္လုပ္ေရးဝန္ႀကီးဌာန ၿမိဳ႕ျပႏွင့္ အိမ္ရာဖြံ႕ၿဖိဳးေရးဦးစီးဌာနႏွင့္ ကိုရီးယားအစိုးရပိုင္ LH (Korea Land and Housing Corporation) ေကာ္ပိုေရးရွင္းတို႔ ၂၀၁၇ ဇြန္လ ၁၆ ရက္က ကိုရီးယားႏိုင္ငံ ဂ်ယ္ဂ်ဴးကြၽန္းတြင္ လက္မွတ္ေရးထိုးခဲ့သည္။ အဆိုပါစီမံကိန္းသည္ ကိုရီးယားအစိုးရပိုင္ LH ေကာ္ပိုေရးရွင္း၏ ျပည္ပႏိုင္ငံမ်ားတြင္ Smart City အျဖစ္ တာဝန္ယူတည္ေဆာက္ေနသည့္ စီမံကိန္းမ်ားအနက္ တစ္ခုျဖစ္သည္။

အေကာင္အထည္ေဖာ္မည့္ စီမံကိန္းမ်ား၌ စက္မႈလုပ္ငန္းဧရိယာ၊ သုေတသနႏွင့္ ဖြံ႕ၿဖိဳးေရး စင္တာ၊ သင္တန္းေက်ာင္း၊ အိမ္ရာႏွင့္ စီးပြားေရးဆိုင္ရာ အေဆာက္အအုံမ်ားပါဝင္မည္ဟု ေဆာက္လုပ္ေရးဝန္ႀကီးဌာန ဒုဝန္ႀကီး ဦးေက်ာ္လင္းက လႊတ္ေတာ္တြင္ ေျပာၾကားထားသည္။

၂၀၀၈ ဖြဲ႕စည္းပုံေရးဆြဲရန္ အမ်ိဳးသားညီလာခံက်င္းပခဲ့သည့္ လွည္းကူးၿမိဳ႕နယ္ ေညာင္ႏွစ္ပင္ စခန္းရွိ ေျမဧက ၆၀၀ ေပၚတြင္ အဆိုပါစီမံကိန္းကို အေကာင္အထည္ေဖာ္ရန္ ကိုရီးယားဘက္က စီစဥ္ျခင္းျဖစ္သည္။

သို႔ေသာ္ အမ်ိဳးသားညီလာခံက်င္းပခဲ့သည့္ သမိုင္းဝင္အေဆာက္အအုံအပါအဝင္ ေျမဧက ၃၀ ေက်ာ္ကို အစိုးရထံ ျပန္လည္ ေပးအပ္ရ၍ ဧက ၅၅၀ ေက်ာ္သာ ျပဳလုပ္ခြင့္ရခဲ့သည္ဟု LH ေကာ္ပိုေရးရွင္း ရန္ကုန္႐ုံးခြဲ မန္ေနဂ်ာ မစၥတာကင္ဂမ္ဝူးက ေျပာၾကားထားသည္။

စိမ့္စည္သူ ( iMyanmarHouse.com အိုင္ျမန္မာေဟာက္စ္ေဒါ့ကြန္း) မွ အထူးေရးသားေဖာ္ျပသည္။

Credit: iMyanmarHouse.com