ဖိလစ္ပိုင္စီးပြားေရးဇုန္မ်ားတြင္ ႐ံုးခန္းဝယ္လိုအား ၂၀၂၀ ျပည့္ႏွစ္တြင္ ဆက္လက္အားေကာင္းမည္

### Zawgyi Version ###

ဖိလစ္ပိုင္စီးပြားေရးဇုန္မ်ားရွိ ႐ံုးခန္းေနရာမ်ားတြင္ ေနရာယူမႈမ်ားသည္ ၂၀၂၀ ျပည့္ႏွစ္ကုန္အထိ ေမွ်ာ္လင့္ထားေသာအေရအတြက္အတိုင္း ႏႈန္းမွန္မွန္ျဖင့္ရွိမည္ျဖစ္ေၾကာင္း GMA News က Santos Knight Frank ၏ ထိပ္တန္းဆန္းစစ္ေလ့လာသူတစ္ဦးကို ကိုးကား၍ ေဖာ္ျပခဲ့သည္။

ဖိလစ္ပိုင္စီးပြားေရးဇုန္အာဏာပိုင္အဖြဲ႕ (PEZA) မွ တရားဝင္အသိအမွတ္ျပဳထားေသာ အေဆာက္အအံုမ်ားရွိ ေနရာမ်ားကို ဝယ္လိုအားသည္ လာမည့္ႏွစ္တြင္ ပ်မ္းမွ်ႏွစ္ပတ္လည္ႏႈန္းျဖင့္ ဖြံ႕ၿဖိဳးမည္ဟု ခန္႔မွန္းရေၾကာင္း Santos Knight Frank အိမ္ၿခံေျမအတိုင္ပင္ခံလုပ္ငန္း၏ စီနီယာဒါ႐ိုက္တာ (အႀကီးတန္းညႊန္ၾကားေရးမွဴး) ေမာ္ဂန္မက္ဂီလ္ဗေရးက ေျပာၾကားခဲ့သည္။

“PEZA ဝယ္လုိအားက ယခုႏွစ္မွာ အားေကာင္းဆဲပါပဲ။ အဲ့ဒီအေျခအေနဟာ ၂၀၂၀ ျပည့္ႏွစ္ကုန္ထိ ၾကာရွည္သြားႏုိင္ပါတယ္။” ဟု သူက မာကာတီၿမိဳ႕တြင္ ျပဳလုပ္ေသာ သတင္းစာရွင္းလင္းပြဲတစ္ခုတြင္ သတင္းေထာက္မ်ားအား ေျပာၾကားခဲ့သည္။

ၿမိဳ႕ေတာ္မနီလာတြင္ စီးပြားေရးဇုန္သစ္မ်ား ေဖာ္ေဆာင္မႈကို တားျမစ္လိုက္ေသာ အမိန္႔ထြက္ရွိလာၿပီးေနာက္ ေရွ႕ဆင့္ေနာက္ဆင့္ဆိုသလိုပင္ ယခုခန္႔မွန္းခ်က္ထြက္ရွိလာျခင္းျဖစ္သည္။ သမၼတ႐ိုဒရီဂိုဒူတာေဒးက ဇြန္တြင္ လက္မွတ္ထိုးခဲ့သည့္ ၎အမိန္႔သည္ ၿမိဳ႕ေတာ္ျပင္ပ အျခားနယ္ပယ္မ်ားတြင္ စီးပြားေရးဇုန္ေဖာ္ေဆာင္မႈမ်ားကို အားေပးရန္ ႀကိဳးပမ္းမႈတစ္ခုလည္း ျဖစ္သည္။

အဆုိပါအမိန္႔မတုိင္မီ PEZA တြင္ ဇုန္ ၂၃ ခု ခြင့္ျပဳမိန္႔ေလွ်ာက္ထားခဲ့ၾကေၾကာင္း GMA News က မွတ္ခ်က္ျပဳခဲ့သည္။

စီးပြားေရးဇုန္မ်ားတြင္ အမ်ားအားျဖင့္ ဖိလစ္ပိုင္ႏုိင္ငံသားေထာင္ေပါင္းမ်ားစြာအတြက္ အလုပ္အကုိင္ရင္းျမစ္တစ္ခုျဖစ္ေသာ BPO ကုမၸဏီမ်ား၏ ႐ံုးခန္းမ်ား ဖြင့္လွစ္ၾကသည္။

ယခုအခါ ၿမိဳ႕ေတာ္ျပင္ပနယ္ပယ္မ်ားတြင္ အရည္အေသြးျမင့္ BPO အေဆာက္အအံုမ်ားကို ေဖာ္ေဆာင္ေနေၾကာင္း၊ ယင္းသည္ ၿမိဳ႕ေတာ္မနီလာရွိ ကုမၸဏီမ်ားအတြက္ ၿမိဳ႕ေတာ္ျပင္ပထြက္၍ ေအာင္ျမင္မႈရရန္ အခြင့္အလမ္းပိုမိုပြင့္ေစသည္ဟုလည္း မက္ဂီလ္ဗေရးက ေျပာၾကားခဲ့သည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ဖိလစ်ပိုင်စီးပွားရေးဇုန်များရှိ ရုံးခန်းနေရာများတွင် နေရာယူမှုများသည် ၂၀၂၀ ပြည့်နှစ်ကုန်အထိ မျှော်လင့်ထားသောအရေအတွက်အတိုင်း နှုန်းမှန်မှန်ဖြင့်ရှိမည်ဖြစ်ကြောင်း GMA News က Santos Knight Frank ၏ ထိပ်တန်းဆန်းစစ်လေ့လာသူတစ်ဦးကို ကိုးကား၍ ဖော်ပြခဲ့သည်။

ဖိလစ်ပိုင်စီးပွားရေးဇုန်အာဏာပိုင်အဖွဲ့ (PEZA) မှ တရားဝင်အသိအမှတ်ပြုထားသော အဆောက်အအုံများရှိ နေရာများကို ဝယ်လိုအားသည် လာမည့်နှစ်တွင် ပျမ်းမျှနှစ်ပတ်လည်နှုန်းဖြင့် ဖွံ့ဖြိုးမည်ဟု ခန့်မှန်းရကြောင်း Santos Knight Frank အိမ်ခြံမြေအတိုင်ပင်ခံလုပ်ငန်း၏ စီနီယာဒါရိုက်တာ (အကြီးတန်းညွှန်ကြားရေးမှူး) မော်ဂန်မက်ဂီလ်ဗရေးက ပြောကြားခဲ့သည်။

“PEZA ဝယ်လိုအားက ယခုနှစ်မှာ အားကောင်းဆဲပါပဲ။ အဲ့ဒီအခြေအနေဟာ ၂၀၂၀ ပြည့်နှစ်ကုန်ထိ ကြာရှည်သွားနိုင်ပါတယ်။” ဟု သူက မာကာတီမြို့တွင် ပြုလုပ်သော သတင်းစာရှင်းလင်းပွဲတစ်ခုတွင် သတင်းထောက်များအား ပြောကြားခဲ့သည်။

မြို့တော်မနီလာတွင် စီးပွားရေးဇုန်သစ်များ ဖော်ဆောင်မှုကို တားမြစ်လိုက်သော အမိန့်ထွက်ရှိလာပြီးနောက် ရှေ့ဆင့်နောက်ဆင့်ဆိုသလိုပင် ယခုခန့်မှန်းချက်ထွက်ရှိလာခြင်းဖြစ်သည်။ သမ္မတရိုဒရီဂိုဒူတာဒေးက ဇွန်တွင် လက်မှတ်ထိုးခဲ့သည့် ၎င်းအမိန့်သည် မြို့တော်ပြင်ပ အခြားနယ်ပယ်များတွင် စီးပွားရေးဇုန်ဖော်ဆောင်မှုများကို အားပေးရန် ကြိုးပမ်းမှုတစ်ခုလည်း ဖြစ်သည်။

အဆိုပါအမိန့်မတိုင်မီ PEZA တွင် ဇုန် ၂၃ ခု ခွင့်ပြုမိန့်လျှောက်ထားခဲ့ကြကြောင်း GMA News က မှတ်ချက်ပြုခဲ့သည်။

စီးပွားရေးဇုန်များတွင် အများအားဖြင့် ဖိလစ်ပိုင်နိုင်ငံသားထောင်ပေါင်းများစွာအတွက် အလုပ်အကိုင်ရင်းမြစ်တစ်ခုဖြစ်သော BPO ကုမ္ပဏီများ၏ ရုံးခန်းများ ဖွင့်လှစ်ကြသည်။

ယခုအခါ မြို့တော်ပြင်ပနယ်ပယ်များတွင် အရည်အသွေးမြင့် BPO အဆောက်အအုံများကို ဖော်ဆောင်နေကြောင်း၊ ယင်းသည် မြို့တော်မနီလာရှိ ကုမ္ပဏီများအတွက် မြို့တော်ပြင်ပထွက်၍ အောင်မြင်မှုရရန် အခွင့်အလမ်းပိုမိုပွင့်စေသည်ဟုလည်း မက်ဂီလ်ဗရေးက ပြောကြားခဲ့သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)