အဂၤလန္တြင္ ၃၄ ဧက က်ယ္ဝန္းေသာ ျခံဝန္း၊ ၂၃ ဧက က်ယ္ေသာ ေရကန္ၾကီးႏွင့္ အပန္းေျဖအိမ္ ၈ လံုးပါဝင္ကာ ငွားရမ္းခ ႏွစ္စဥ္ ေပါင္ ၅၀၀၀၀၀ ေက်ာ္ ဝင္ေငြရွိေသာ ျခံၾကီးကို ေပါင္ ၃ ဒသမ ၅ သန္းျဖင့္ အေရာင္းေစ်းကြက္တင္လာ

### Zawgyi Version ###

လူမ်ားစြာတို႔သည္ ျမိဳ႕ျပ၏မြန္းၾကပ္က်ဥ္းေျမာင္းလွေသာ လူေနမႈဘဝမ်ားမွ ရုန္းထြက္ကာ ေက်းလက္ေဒသမ်ားတြင္ ေနထိုင္ရန္ စိတ္ကူးအိပ္မက္လာၾကသည္။

ယခုအခါ အသက္ ၅၇ ႏွစ္ရွိျပီျဖစ္ေသာ ေရာဂ်ာ ဘန္းဆိုက္ဒ္ဆိုသူသည္ အဂၤလန္အေနာက္ေျမာက္ပိုင္း ၊ လန္ကက္စ္ရႈိင္းယားခရိုင္တြင္ ဂ်ာမန္ေခတ္မီေနအိမ္တစ္မ်ဳိးျဖစ္ေသာ Huf Haus အမ်ဳိးအစားေနအိမ္တစ္လံုး ေဆာက္လုပ္ကာ ေနထိုင္ခဲ့သည္။

အဆိုပါစံအိမ္ကို ၂၃ ဧကခန္႔ က်ယ္ဝန္းေသာ ေရကန္ၾကီး၏ ကမ္းစပ္တြင္ ေဆာက္လုပ္ခဲ့ျခင္းျဖစ္ရာ အားလပ္ရက္ အပန္းေျဖလုပ္ငန္းအတြက္ အငွားခ်ထားႏိုင္မည့္ စီးပြားေရးလုပ္ငန္းမ်ဳိးအျဖစ္ ဘန္းဆိုက္ဒ္က ေျပာင္းလဲခဲ့သည္။

ယခုအခါ ပင္မေနအိမ္၊ အားလပ္ရက္ အပန္းေျဖေနအိမ္ ၈ လံုးႏွင့္ ၃၄ ဧက က်ယ္ဝန္းေသာ ျခံဝန္းၾကီးကို ေပါင္ ၃ ဒသမ ၅ သန္းျဖင့္ ေစ်းကြက္တင္လာသည္။

အပန္းေျဖအိမ္ငွားလုပ္ငန္းသည္ ျပီးခဲ့ေသာႏွစ္က ေပါင္ ၅၀၀၀၀၀ ေက်ာ္ ဝင္ေငြရခဲ့သည္ဟု ဆိုသည္။

လန္ကက္ရႈိင္းယားရွိ ယခုေနရာကို ေရာဂ်ာက လြန္ခဲ့ေသာ ဆယ္စုႏွစ္တစ္ခုခန္႔က ဝယ္ယူခဲ့ျခင္းျဖစ္သည္။

ေရာဂ်ာက သူ၏ေနအိမ္ေဟာင္းႏွင့္ အိမ္တြင္းဒီဇိုင္းလုပ္ငန္းကို ေရာင္းခ်ျပီးလွ်င္ ယခုျခံဝန္းၾကီး၌ ဘဝကို ျဖတ္သန္းကုန္ဆံုးသြားရန္ ရည္ရြယ္ခဲ့သည္။

လွပသာယာလွေသာ Wyre Valley ရွိ Cleveleymere ဟုေခၚေသာ ယခုေနရာကို ေတြ႔ရွိခ်ိန္တြင္ အပန္းေျဖအိမ္ငယ္မ်ား ငွားရမ္းသည့္လုပ္ငန္းရွိေနခဲ့ျပီး ထိုစဥ္ကမူ အျမတ္အစြန္းမရသည့္ လုပ္ငန္းအျဖစ္သာ ရွိေနခဲ့သည္။

ေရာဂ်ာက ဘဝကို အနားယူျဖတ္သန္းလိုေသာ္လည္း သူ၏အိပ္မက္ေနအိမ္တြင္ ေနထိုင္ႏိုင္ရန္အတြက္ အပန္းေျဖအိမ္ငွားရမ္းသည့္ လုပ္ငန္းကို ဆက္လက္လုပ္ကိုင္ခဲ့ရသည္။

ျပီးခဲ့ေသာႏွစ္အတြင္း ေရကန္ၾကီးေဘး အပန္းေျဖေနအိမ္ ၈ လံုးမွ ငွားရမ္းခေပါင္ ၅၀၆၆၀၄ ဝင္ေငြရခဲ့ျပီး ေနာက္ထပ္ ေနအိမ္ ၇ လံုး ထပ္မံေဆာက္လုပ္ရန္လည္း ခြင့္ျပဳခ်က္ ေတာင္းခံထားသည္ဟု ဆိုသည္။

အမွန္တကယ္အျမတ္အစြန္း မည္မွ်ရွိသည္ကို ထုတ္ေဖာ္ေျပာၾကားရန္ မစၥတာ ဘန္းဆိုက္ဒ္က ျငင္းပယ္ခဲ့ေသာ္လည္း စိတ္ဝင္စားသည့္ ဝယ္လက္မ်ားကိုမူ အေသးစိတ္ကိန္းဂဏန္းမ်ား ထုတ္ေဖာ္ေျပာၾကားမည္ဟု ဆိုသည္။

“Cleveleymere ဟာ တျခားဘယ္မွာမူ မရွိႏိုင္တဲ့ ေက်းလက္စံအိမ္ဝန္းၾကီးျဖစ္ျပီး လွပတဲ့တည္ေနရာမွာ တည္ရွိပါတယ္။ ပိုင္ရွင္က အလြယ္တကူ ကြပ္ကဲႏိုင္မယ့္ စီးပြားေရးလုပ္ငန္းေကာင္းတစ္ခုလည္း ရွိေနတယ္။သဘာဝတရားနဲ႔ ထိေတြ႔ေနေပမယ့္ ေခတ္မီလူေနမႈဟန္မ်ဳိးနဲ႔ ေနခ်င္တယ္၊ ဝင္ေငြလည္းရွိရမယ္ဆိုတာမ်ဳိး ရွာေဖြေနသူေတြအတြက္ ဝယ္ယူသင့္တဲ့ စံအိမ္ျဖစ္ပါတယ္”ဟု ေစ်းကြက္တင္သြင္းေပးေသာ Jackson-Stops ကုမၸဏီက ေျပာၾကားသည္။

ပိုင္ရွင္ေနထိုင္သည့္ စံအိမ္ကို the Lake House ဟု အမည္ေပးထားျပီး ဂ်ာမန္ Huf Haus စံအိမ္ျဖစ္ကာ မွန္၊ သစ္တို႔ျဖင့္ ေဆာက္လုပ္ထားသည္။

double bedrooms ၄ ခန္း၊ ေရခ်ဳိးခန္း ၃ ခန္းပါဝင္ျပီး အိပ္ခန္းတိုင္းတြင္ ေရကန္ၾကီး၏ ရႈေမွ်ာ္ခင္းမ်ားကို ၾကည့္ရႈႏိုင္မည့္ လသာေဆာင္မ်ား ပါဝင္သည္။

စံအိမ္ဝန္းက်င္တြင္ ကြင္းျပင္မ်ား၊ ေတာအုပ္မ်ား၊ ေက်ာက္ေဆာင္ထူသည့္ ဖုန္းဆိုးေျမမ်ားႏွင့္ Wyre ျမစ္တို႔က ဝန္းပတ္ထားသည္။

လန္ကက္စ္တာျမိဳ႕၏ ေတာင္ဘက္ ၇ ဒသမ ၅ မိုင္အကြာတြင္ တည္ရွိေသာ အဆိုပါစံအိမ္ကို မစၥတာ ဘန္းဆိုက္ဒ္က ျပဳျပင္မြမ္းမံမႈ မ်ားစြာျပဳလုပ္ခဲ့ရာ မီးဖိုေဆာင္သစ္တစ္ခု၊ ေရအားသံုး ႏွိပ္စက္ႏွင့္ ေရပန္းတို႔ ပါဝင္ေသာ ေရခ်ဳိးခန္းသစ္တစ္ခု၊ FM စတီရီယို အသံစနစ္၊ လူ ၂ ဦးဆန္႔ ေရပူစိမ္ကန္ႏွင့္ LED မီးလံုးမ်ား ပါဝင္သည္။

မစၥတာ ဘန္းဆိုက္ဒ္က ေျပာၾကားရာတြင္ ၎အေနျဖင့္ အနားယူလိုေနေသာေၾကာင့္ ယခုျခံဝန္းၾကီးတစ္ခုလံုးကို ေရာင္းခ်လိုက္ျခင္းျဖစ္ေၾကာင္း ေျပာၾကားသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

လူများစွာတို့သည် မြို့ပြ၏မွန်းကြပ်ကျဉ်းမြောင်းလှသော လူနေမှုဘဝများမှ ရုန်းထွက်ကာ ကျေးလက်ဒေသများတွင် နေထိုင်ရန် စိတ်ကူးအိပ်မက်လာကြသည်။

ယခုအခါ အသက် ၅၇ နှစ်ရှိပြီဖြစ်သော ရောဂျာ ဘန်းဆိုက်ဒ်ဆိုသူသည် အင်္ဂလန်အနောက်မြောက်ပိုင်း ၊ လန်ကက်စ်ရှိုင်းယားခရိုင်တွင် ဂျာမန်ခေတ်မီနေအိမ်တစ်မျိုးဖြစ်သော Huf Haus အမျိုးအစားနေအိမ်တစ်လုံး ဆောက်လုပ်ကာ နေထိုင်ခဲ့သည်။

အဆိုပါစံအိမ်ကို ၂၃ ဧကခန့် ကျယ်ဝန်းသော ရေကန်ကြီး၏ ကမ်းစပ်တွင် ဆောက်လုပ်ခဲ့ခြင်းဖြစ်ရာ အားလပ်ရက် အပန်းဖြေလုပ်ငန်းအတွက် အငှားချထားနိုင်မည့် စီးပွားရေးလုပ်ငန်းမျိုးအဖြစ် ဘန်းဆိုက်ဒ်က ပြောင်းလဲခဲ့သည်။

ယခုအခါ ပင်မနေအိမ်၊ အားလပ်ရက် အပန်းဖြေနေအိမ် ၈ လုံးနှင့် ၃၄ ဧက ကျယ်ဝန်းသော ခြံဝန်းကြီးကို ပေါင် ၃ ဒသမ ၅ သန်းဖြင့် ဈေးကွက်တင်လာသည်။ အပန်းဖြေအိမ်ငှားလုပ်ငန်းသည် ပြီးခဲ့သောနှစ်က ပေါင် ၅၀၀၀၀၀ ကျော် ဝင်ငွေရခဲ့သည်ဟု ဆိုသည်။

လန်ကက်ရှိုင်းယားရှိ ယခုနေရာကို ရောဂျာက လွန်ခဲ့သော ဆယ်စုနှစ်တစ်ခုခန့်က ဝယ်ယူခဲ့ခြင်းဖြစ်သည်။

ရောဂျာက သူ၏နေအိမ်ဟောင်းနှင့် အိမ်တွင်းဒီဇိုင်းလုပ်ငန်းကို ရောင်းချပြီးလျှင် ယခုခြံဝန်းကြီး၌ ဘဝကို ဖြတ်သန်းကုန်ဆုံးသွားရန် ရည်ရွယ်ခဲ့သည်။ လှပသာယာလှသော Wyre Valley ရှိ Cleveleymere ဟုခေါ်သော ယခုနေရာကို တွေ့ရှိချိန်တွင် အပန်းဖြေအိမ်ငယ်များ ငှားရမ်းသည့်လုပ်ငန်းရှိနေခဲ့ပြီး ထိုစဉ်ကမူ အမြတ်အစွန်းမရသည့် လုပ်ငန်းအဖြစ်သာ ရှိနေခဲ့သည်။

ရောဂျာက ဘဝကို အနားယူဖြတ်သန်းလိုသော်လည်း သူ၏အိပ်မက်နေအိမ်တွင် နေထိုင်နိုင်ရန်အတွက် အပန်းဖြေအိမ်ငှားရမ်းသည့် လုပ်ငန်းကို ဆက်လက်လုပ်ကိုင်ခဲ့ရသည်။

ပြီးခဲ့သောနှစ်အတွင်း ရေကန်ကြီးဘေး အပန်းဖြေနေအိမ် ၈ လုံးမှ ငှားရမ်းခ ပေါင် ၅၀၆၆၀၄ ဝင်ငွေရခဲ့ပြီး နောက်ထပ် နေအိမ် ၇ လုံး ထပ်မံဆောက်လုပ်ရန်လည်း ခွင့်ပြုချက် တောင်းခံထားသည်ဟု ဆိုသည်။

အမှန်တကယ်အမြတ်အစွန်း မည်မျှရှိသည်ကို ထုတ်ဖော်ပြောကြားရန် မစ္စတာ ဘန်းဆိုက်ဒ်က ငြင်းပယ်ခဲ့သော်လည်း စိတ်ဝင်စားသည့် ဝယ်လက်များကိုမူ အသေးစိတ်ကိန်းဂဏန်းများ ထုတ်ဖော်ပြောကြားမည်ဟု ဆိုသည်။

“Cleveleymere ဟာ တခြားဘယ်မှာမူ မရှိနိုင်တဲ့ ကျေးလက်စံအိမ်ဝန်းကြီးဖြစ်ပြီး လှပတဲ့တည်နေရာမှာ တည်ရှိပါတယ်။ ပိုင်ရှင်က အလွယ်တကူ ကွပ်ကဲနိုင်မယ့် စီးပွားရေးလုပ်ငန်းကောင်းတစ်ခုလည်း ရှိနေတယ်။သဘာဝတရားနဲ့ ထိတွေ့နေပေမယ့် ခေတ်မီလူနေမှုဟန်မျိုးနဲ့ နေချင်တယ်၊ ဝင်ငွေလည်းရှိရမယ်ဆိုတာမျိုး ရှာဖွေနေသူတွေအတွက် ဝယ်ယူသင့်တဲ့ စံအိမ်ဖြစ်ပါတယ်”ဟု ဈေးကွက်တင်သွင်းပေးသော Jackson-Stops ကုမ္ပဏီက ပြောကြားသည်။

ပိုင်ရှင်နေထိုင်သည့် စံအိမ်ကို the Lake House ဟု အမည်ပေးထားပြီး ဂျာမန် Huf Haus စံအိမ်ဖြစ်ကာ မှန်၊ သစ်တို့ဖြင့် ဆောက်လုပ်ထားသည်။

double bedrooms ၄ ခန်း၊ ရေချိုးခန်း ၃ ခန်းပါဝင်ပြီး အိပ်ခန်းတိုင်းတွင် ရေကန်ကြီး၏ ရှုမျှော်ခင်းများကို ကြည့်ရှုနိုင်မည့် လသာဆောင်များ ပါဝင်သည်။

စံအိမ်ဝန်းကျင်တွင် ကွင်းပြင်များ၊ တောအုပ်များ၊ ကျောက်ဆောင်ထူသည့် ဖုန်းဆိုးမြေများနှင့် Wyre မြစ်တို့က ဝန်းပတ်ထားသည်။

လန်ကက်စ်တာမြို့၏ တောင်ဘက် ၇ ဒသမ ၅ မိုင်အကွာတွင် တည်ရှိသော အဆိုပါစံအိမ်ကို မစ္စတာ ဘန်းဆိုက်ဒ်က ပြုပြင်မွမ်းမံမှု များစွာပြုလုပ်ခဲ့ရာ မီးဖိုဆောင်သစ်တစ်ခု၊ ရေအားသုံး နှိပ်စက်နှင့် ရေပန်းတို့ ပါဝင်သော ရေချိုးခန်းသစ်တစ်ခု၊ FM စတီရီယို အသံစနစ်၊ လူ ၂ ဦးဆန့် ရေပူစိမ်ကန်နှင့် LED မီးလုံးများ ပါဝင်သည်။

မစ္စတာ ဘန်းဆိုက်ဒ်က ပြောကြားရာတွင် ၎င်းအနေဖြင့် အနားယူလိုနေသောကြောင့် ယခုခြံဝန်းကြီးတစ်ခုလုံးကို ရောင်းချလိုက်ခြင်းဖြစ်ကြောင်း ပြောကြားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)