ကုန္သြယ္ေရးစစ္ပြဲေၾကာင့္ အေမရိကန္ႏွင့္ ဆက္ဆံေရးပ်က္ျပားခဲ့ျပီးေနာက္ ခ်မ္းသာၾကြယ္ဝေသာ တရုတ္လူမ်ဳိးမ်ား ျဗိတိန္သို႔ ေျပာင္းေရႊ႕အေျခခ်ရန္ ေလွ်ာက္ထားမႈ အျမင့္မားဆံုးအေျခအေနသို႔ ေရာက္ရွိ

### Zawgyi Version ###

တရုတ္ျပည္ႏွင့္ အေမရိကန္ျပည္ေထာင္စုတို႔အၾကားျဖစ္ပြားေနေသာ ကုန္သြယ္ေရးစစ္ပြဲေၾကာင့္ ခ်မ္းသာၾကြယ္ဝေသာ တရုတ္လူမ်ဳိးတို႔သည္ အေမရိကသို႔ ေရႊ႕ေျပာင္းေနထိုင္မည့္ အစီအစဥ္မ်ားကို စြန္႔လႊတ္ကာ ဥေရာပႏိုင္ငံမ်ား၊ အထူးသျဖင့္ ျဗိတိန္တြင္ အေျခခ်ေနထိုင္ၾကရန္သာ ဦးတည္လာၾကေၾကာင္း ေနာက္ဆံုးရရွိထားသည့္ အခ်က္အလက္မ်ားတြင္ ေတြ႔ရွိရသည္ဟု စကၤာပူအေျခစိုက္ သတင္းဝက္ဘ္ဆိုက္တစ္ခုတြင္ ေဖာ္ျပသည္။

၂၀၁၈ ခုႏွစ္ ေနာက္ဆံုး သံုးလပတ္တြင္ ျဗိတိန္သို႔ ပထမတန္းစား ရင္းႏွီးျမွဳပ္ႏွံသူဗီဇာ (tier-1 investor visas ) ျဖင့္ ဝင္ေရာက္ရန္ တရုတ္လူမ်ဳိး ခ်မ္းသာၾကြယ္ဝသူတို႔၏ ေလွ်ာက္ထားမႈမွာ ၅၄ ဦးသာရွိခဲ့ရာမွ ၂၀၁၉ ခုႏွစ္၊ ပထမ ၃ လပတ္ကာလအတြင္း ၈၃ ဦးအထိ ျမင့္တက္လာခဲ့ေၾကာင္း Growthdeck ဝက္ဘ္ဆိုက္၏ အခ်က္အလက္မ်ားတြင္ ေဖာ္ျပသည္။

အဆိုပါ ပမာဏမွာ ၂၀၁၄ ခုႏွစ္ ၊ စတုတၳသံုးလပတ္ေနာက္ပိုင္း အျမင့္မားဆံုးပမာဏျဖစ္ေၾကာင္း လန္ဒန္အေျခစိုက္ ရင္းႏွီးျမွဳပ္ႏွံမႈဆိုင္ရာ ဝန္ေဆာင္မႈကုမၸဏီ Growthdeck က ေဖာ္ျပသည္။

ျဗိတိန္၏ ဥပေဒမ်ားအရ ႏိုင္ငံျခားရင္းႏွီးျမွဳပ္ႏွံသူ လုပ္ငန္းရွင္ႏွင့္ မိသားစုသည္ ျဗိတိန္ကုမၸဏီမ်ားတြင္ ေပါင္ ၂ သန္း ရင္းႏွီးျမွဳပ္ႏွံမည္ဆိုပါက ေရႊဗီဇာ ေလွ်ာက္ထားရယူခြင့္ ေပးအပ္ထားသည္။

အဆိုပါဗီဇာအရ ျဗိတိန္တြင္ ၃ ႏွစ္ႏွင့္ ၄ လ ေနထိုင္ခြင့္ရရွိမည္ျဖစ္ျပီး ၂ ႏွစ္ထပ္မံ သက္တမ္းတိုးခြင့္ရရွိမည္ျဖစ္ကာ ေနာက္ပိုင္းတြင္ ႏိုင္ငံသားအျဖစ္ ေလွ်ာက္ထားခြင့္ရွိသည္ဟု ဆိုသည္။

Growthdeck ၏ ျပည္မရင္းႏွီးျမွဳပ္ႏွံသူမ်ားဆိုင္ရာ အၾကီးအကဲ မစၥတာ ဆင္ျမဴရယ္ဟူက ေျပာၾကားရာတြင္ ျဗိတိန္သို႔ ေရႊ႕ေျပာင္း ေနထိုင္ရန္ ေလွ်ာက္ထားသူမ်ား ျမင့္တက္လာျခင္း၏ ေနာက္ကြယ္တြင္ အေမရိကန္ႏွင့္ တရုတ္အၾကား ကုန္သြယ္ေရးစစ္ပြဲ တင္းမာမႈ ျမင့္တက္ျခင္း၊ အားနည္းေနေသာ ျဗိတိန္ေငြေၾကး၊ ခ်မ္းသာၾကြယ္ဝေသာ တရုတ္လူမ်ဳိးမ်ားအၾကား ရင္းႏွီးျမွဳပ္ႏွံျခင္း ျဖန္႔က်က္လိုစိတ္ ၾကီးထြားလာေနျခင္းဟူေသာအခ်က္မ်ားရွိေနေၾကာင္း ထုတ္ေဖာ္ေျပာၾကားသည္။

ျဗိတိန္၏ ဗီဇာ (tier-1 investor visas ) ႏွင့္ အမ်ဳိးအစားတူညီေသာ အေမရိကန္ျပည္ေထာင္စုမွ ေပးအပ္သည့္ EB-5 ဗီဇာ အစီအစဥ္သို႔မူ ေလွ်ာက္ထားသူ အေရအတြက္က်ဆင္းလာလ်က္ရွိေနသည္။

အေမရိကန္ျပည္ထဲေရးဌာနက ထုတ္ျပန္သည့္အခ်က္အလက္မ်ားအရ EB-5 ဗီဇာအစီအစဥ္ကို တရုတ္ႏိုင္ငံသားမ်ား ေလွ်ာက္ထားမႈ သည္ ၂၀၁၄ ခုႏွစ္တြင္ ထိပ္ဆုံုးသို႔ျမင့္တက္ခဲ့ရာမွ ျပီးခဲ့ေသာ ၂၀၁၈ ခုႏွစ္အတြင္း ထက္ဝက္နီးပါး က်ဆင္းသြားသည္ဟု ဆိုသည္။

ကုန္သြယ္ေရးစစ္ပြဲအျပင္ အခ်ဳိ႕ေလွ်ာက္ထားသူမ်ားဆိုလွ်င္ EB-5 ဗီဇာရရန္ ၁၆ ႏွစ္ခန္႔အထိ ေစာင့္ဆိုင္းရျခင္းမ်ား ၾကံဳရျခင္းမ်ားမွာ အေမရိက၏ EB-5 ဗီဇာကို စိတ္ဝင္စားမႈ က်ဆင္းသြားျခင္း၏ အဓိကအေၾကာင္းရင္းမ်ားျဖစ္ေၾကာင္း သုေတသီတို႔က ဆိုသည္။

Lesperance & Associates မွ အၾကီးအကဲတစ္ဦးျဖစ္သူ မစၥတာ ေဒးဗစ္ လက္စ္ပါရန္႔စ္က ေျပာၾကားရာတြင္ “တရုတ္လူမ်ဳိးေတြ စိုးရြံ႕ေနတာက ကုန္သြယ္ေရးစစ္ပြဲေၾကာင့္ သူတိုိ႔ကို ၾကိဳဆိုျခင္းမခံရမွာကို စိုးရြံ႕တဲ့အျပင္ EB-5 ဗီဇာရဲ႕ ပကတိအေျခအေနေတြကို အေသအခ်ာေလ့လာတာမ်ဳိး ျဖစ္လာေစတယ္။

ဒီလိုအခ်ိန္မွာ ျဗိတိန္ဟာ သူတို႔အတြက္ အႏွစ္သက္ဆံုး ေရြးခ်ယ္ရာ တစ္ခုျဖစ္လာ တယ္။ ျဗိတိန္ဟာ ပညာေရးအတြက္လည္း ၾကီးမားတဲ့အခြင့္အလမ္းေတြရွိတဲ့အျပင္ အေကာင္းဆံုးရင္းႏွီးျမွဳပ္ႏွံမႈ အခြင့္အလမ္းေတြ ၊ အေကာက္ခြန္ နည္းပါးတာေတြလည္း ရွိေနတယ္”ဟု ေျပာၾကားသည္။

အေမရိက၏ EB-5 ဗီဇာရယူလိုသူမ်ားသည္ အေမရိကန္ျပည္ေထာင္စုတြင္ ကန္ေဒၚလာ အနည္းဆံုး ၅၀၀၀၀၀ မွ ၉၀၀၀၀၀ ၾကား ရင္းႏွီးျမွဳပ္ႏွံႏိုင္သူမ်ား ျဖစ္ရမည္ ျဖစ္သည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

တရုတ်ပြည်နှင့် အမေရိကန်ပြည်ထောင်စုတို့အကြားဖြစ်ပွားနေသော ကုန်သွယ်ရေးစစ်ပွဲကြောင့် ချမ်းသာကြွယ်ဝသော တရုတ်လူမျိုးတို့သည် အမေရိကသို့ ရွှေ့ပြောင်းနေထိုင်မည့် အစီအစဉ်များကို စွန့်လွှတ်ကာ ဥရောပနိုင်ငံများ၊ အထူးသဖြင့် ဗြိတိန်တွင် အခြေချနေထိုင်ကြရန်သာ ဦးတည်လာကြကြောင်း နောက်ဆုံးရရှိထားသည့် အချက်အလက်များတွင် တွေ့ရှိရသည်ဟု စင်္ကာပူအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

၂၀၁၈ ခုနှစ် နောက်ဆုံး သုံးလပတ်တွင် ဗြိတိန်သို့ ပထမတန်းစား ရင်းနှီးမြှုပ်နှံသူဗီဇာ (tier-1 investor visas ) ဖြင့် ဝင်ရောက်ရန် တရုတ်လူမျိုး ချမ်းသာကြွယ်ဝသူတို့၏ လျှောက်ထားမှုမှာ ၅၄ ဦးသာရှိခဲ့ရာမှ ၂၀၁၉ ခုနှစ်၊ ပထမ ၃ လပတ်ကာလအတွင်း ၈၃ ဦးအထိ မြင့်တက်လာခဲ့ကြောင်း Growthdeck ဝက်ဘ်ဆိုက်၏ အချက်အလက်များတွင် ဖော်ပြသည်။

အဆိုပါ ပမာဏမှာ ၂၀၁၄ ခုနှစ် ၊ စတုတ္ထသုံးလပတ်နောက်ပိုင်း အမြင့်မားဆုံးပမာဏဖြစ်ကြောင်း လန်ဒန်အခြေစိုက် ရင်းနှီးမြှုပ်နှံမှုဆိုင်ရာ ဝန်ဆောင်မှုကုမ္ပဏီ Growthdeck က ဖော်ပြသည်။

ဗြိတိန်၏ ဥပဒေများအရ နိုင်ငံခြားရင်းနှီးမြှုပ်နှံသူ လုပ်ငန်းရှင်နှင့် မိသားစုသည် ဗြိတိန်ကုမ္ပဏီများတွင် ပေါင် ၂ သန်း ရင်းနှီးမြှုပ်နှံမည်ဆိုပါက ရွှေဗီဇာ လျှောက်ထားရယူခွင့် ပေးအပ်ထားသည်။

အဆိုပါဗီဇာအရ ဗြိတိန်တွင် ၃ နှစ်နှင့် ၄ လ နေထိုင်ခွင့်ရရှိမည်ဖြစ်ပြီး ၂ နှစ်ထပ်မံ သက်တမ်းတိုးခွင့်ရရှိမည်ဖြစ်ကာ နောက်ပိုင်းတွင် နိုင်ငံသားအဖြစ် လျှောက်ထားခွင့်ရှိသည်ဟု ဆိုသည်။

Growthdeck ၏ ပြည်မရင်းနှီးမြှုပ်နှံသူများဆိုင်ရာ အကြီးအကဲ မစ္စတာ ဆင်မြူရယ်ဟူက ပြောကြားရာတွင် ဗြိတိန်သို့ ရွှေ့ပြောင်း နေထိုင်ရန် လျှောက်ထားသူများ မြင့်တက်လာခြင်း၏ နောက်ကွယ်တွင် အမေရိကန်နှင့် တရုတ်အကြား ကုန်သွယ်ရေးစစ်ပွဲ တင်းမာမှု မြင့်တက်ခြင်း၊ အားနည်းနေသော ဗြိတိန်ငွေကြေး၊ ချမ်းသာကြွယ်ဝသော တရုတ်လူမျိုးများအကြား ရင်းနှီးမြှုပ်နှံခြင်း ဖြန့်ကျက်လိုစိတ် ကြီးထွားလာနေခြင်းဟူသောအချက်များရှိနေကြောင်း ထုတ်ဖော်ပြောကြားသည်။

ဗြိတိန်၏ ဗီဇာ (tier-1 investor visas ) နှင့် အမျိုးအစားတူညီသော အမေရိကန်ပြည်ထောင်စုမှ ပေးအပ်သည့် EB-5 ဗီဇာ အစီအစဉ်သို့မူ လျှောက်ထားသူ အရေအတွက် ကျဆင်းလာလျက်ရှိနေသည်။

အမေရိကန်ပြည်ထဲရေးဌာနက ထုတ်ပြန်သည့်အချက်အလက်များအရ EB-5 ဗီဇာအစီအစဉ်ကို တရုတ်နိုင်ငံသားများ လျှောက်ထားမှု သည် ၂၀၁၄ ခုနှစ်တွင် ထိပ်ဆုံးသို့မြင့်တက်ခဲ့ရာမှ ပြီးခဲ့သော ၂၀၁၈ ခုနှစ်အတွင်း ထက်ဝက်နီးပါး ကျဆင်းသွားသည်ဟု ဆိုသည်။

ကုန်သွယ်ရေးစစ်ပွဲအပြင် အချို့လျှောက်ထားသူများဆိုလျှင် EB-5 ဗီဇာရရန် ၁၆ နှစ်ခန့်အထိ စောင့်ဆိုင်းရခြင်းများ ကြုံရခြင်းများမှာ အမေရိက၏ EB-5 ဗီဇာကို စိတ်ဝင်စားမှု ကျဆင်းသွားခြင်း၏ အဓိကအကြောင်းရင်းများဖြစ်ကြောင်း သုတေသီတို့က ဆိုသည်။

Lesperance & Associates မှ အကြီးအကဲတစ်ဦးဖြစ်သူ မစ္စတာ ဒေးဗစ် လက်စ်ပါရန့်စ်က ပြောကြားရာတွင် “တရုတ်လူမျိုးတွေ စိုးရွံ့နေတာက ကုန်သွယ်ရေးစစ်ပွဲကြောင့် သူတို့ကို ကြိုဆိုခြင်းမခံရမှာကို စိုးရွံ့တဲ့အပြင် EB-5 ဗီဇာရဲ့ ပကတိအခြေအနေတွေကို အသေအချာလေ့လာတာမျိုး ဖြစ်လာစေတယ်။

ဒီလိုအချိန်မှာ ဗြိတိန်ဟာ သူတို့အတွက် အနှစ်သက်ဆုံး ရွေးချယ်ရာ တစ်ခုဖြစ်လာ တယ်။ ဗြိတိန်ဟာ ပညာရေးအတွက်လည်း ကြီးမားတဲ့အခွင့်အလမ်းတွေရှိတဲ့အပြင် အကောင်းဆုံးရင်းနှီးမြှုပ်နှံမှု အခွင့်အလမ်းတွေ ၊ အကောက်ခွန် နည်းပါးတာတွေလည်း ရှိနေတယ်”ဟု ပြောကြားသည်။

အမေရိက၏ EB-5 ဗီဇာရယူလိုသူများသည် အမေရိကန်ပြည်ထောင်စုတွင် ကန်ဒေါ်လာ အနည်းဆုံး ၅၀၀၀၀၀ မှ ၉၀၀၀၀၀ ကြား ရင်းနှီးမြှုပ်နှံနိုင်သူများ ဖြစ်ရမည် ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)