ျမန္မာ-ကိုရီးယား စီးပြားေရးပူးေပါင္းမႈ ေညာင္ႏွစ္ပင္စက္မႈဇုန္ စတင္တည္ေထာင္ျခင္း အထိမ္းအမွတ္ ပႏၷက္တင္

### Zawgyi Version ###

ျမန္မာ-ကိုရီးယား စီးပြားေရးပူးေပါင္းမႈ ေညာင္ႏွစ္ပင္စက္မႈဇုန္ စတင္တည္ေထာင္ျခင္း အထိမ္းအမွတ္ ပႏၷက္တင္ျခင္းကို စက္တင္ဘာ ၄ ရက္က Lotte Hotel တြင္ျပဳလုပ္ေသာ ျမန္မာ-ကိုရီးယားစီးပြားေရးဖိုရမ္၌ ျပဳလုပ္ခဲ့သည္။

ေတာင္ကိုရီးယားသမၼတ မြန္ေဂ်အင္းႏွင့္အဖြဲ႔ ျမန္မာႏိုင္ငံသို႔လာေရာက္သည့္ခရီးစဥ္အတြင္း ျမန္မာႏိုင္ငံ၌ ရင္းႏွီးျမွဳပ္ႏွံအေကာင္အထည္ေဖာ္ေဆာင္မည့္ ကိုရီယား သမၼတႏိုင္ငံမွ ကုမၸဏီကိုးခုတို႔အၾကားအျပန္အလွန္နားလည္မႈစာခၽြန္လႊာေရးထိုးမႈကို တတ္ေရာက္အားေပးခ်ီးျမွင့္သည္။

ျမန္မာ-ကိုရီးယား စီးပြားေရးပူးေပါင္းမႈ ေညာင္ႏွစ္ပင္စက္မႈဇုန္ စတင္တည္ေထာင္ျခင္း အခမ္းအနားကို LH မွရန္ကုန္ဌာေန ကိုယ္စားလွယ္ မစၥတာ ရွင္ဟ်ိဳေဆာ့ႏွင့္ ေဆာက္လုပ္ေရးဝန္ႀကီးဌာနမွ ဒုတိယညႊန္ၾကားေရးမႉးခ်ဳပ္ ေဒၚမီမီတင္တို႔က အခမ္းအနားဖြင့္လွစ္ေပးခဲ့သည္။

ယင္းအခမ္းအနားတြင္ ကိုရီးယားသမၼတ မြန္ေဂ်အင္းႏွင့္ျမန္မာႏိုင္ငံမွ ဒုတိယသမၼတ ဦးျမင့္ေဆြ၊ျပည္ ေထာင္စုဝန္ႀကီးဦးဟန္ေဇာ္ႏွင့္ရန္ကုန္တိုင္းေဒသႀကီး ဝန္ႀကီးခ်ဳပ္ ဦးၿဖိဳးမင္းသိန္းတို႔က ျမန္မာ-ကိုရီးယား စီးပြား ေရးပူးေပါင္းမႈ ေညာင္ႏွစ္ပင္စက္မႈဇုန္ စတင္တည္ေထာင္ျခင္း အထိမ္းအမွတ္အျဖစ္ ပႏၷက္တင္ေပးခဲ့သည္။ Lotte ဟိုတယ္တြင္ျပဳလုပ္ျခင္းျဖစ္ေသာ္လည္း ေညာင္ႏွစ္ပင္စက္မႈဇုန္တြင္ ပႏၷက္ရုိက္သည့္သေဘာျဖစ္ေၾကာင္း သိရသည္။

ထိုအခမ္းအနားတြင္ UMFCCIသည္Worri Financial Group, Korea Inter- national Trade Association (KITA) တို႔ႏွင့္လည္းေကာင္း၊ ျမန္မာ SME-Development Bank သည္ ကိုရီးယား Industrial Bank of Korea ႏွင့္ နားလည္မႈစာခၽြန္လႊာလက္မွတ္ေရးထိုးခဲ့ေၾကာင္းသိရသည္။

ကိုေမတၱာ (ေတာင္ေပၚသား) မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

မြန်မာ-ကိုရီးယား စီးပွားရေးပူးပေါင်းမှု ညောင်နှစ်ပင်စက်မှုဇုန် စတင်တည်ထောင်ခြင်း အထိမ်းအမှတ် ပန္နက်တင်ခြင်းကို စက်တင်ဘာ ၄ ရက်က Lotte Hotel တွင်ပြုလုပ်သော မြန်မာ-ကိုရီးယားစီးပွားရေးဖိုရမ်၌ ပြုလုပ်ခဲ့သည်။

တောင်ကိုရီးယားသမ္မတ မွန်ဂျေအင်းနှင့်အဖွဲ့ မြန်မာနိုင်ငံသို့လာရောက်သည့်ခရီးစဉ်အတွင်း မြန်မာနိုင်ငံ၌ ရင်းနှီးမြှုပ်နှံအကောင်အထည်ဖော်ဆောင်မည့် ကိုရီယား သမ္မတနိုင်ငံမှ ကုမ္ပဏီကိုးခုတို့အကြားအပြန်အလှန်နားလည်မှုစာချွန်လွှာရေးထိုးမှုကို တတ်ရောက်အားပေးချီးမြှင့်သည်။

မြန်မာ-ကိုရီးယား စီးပွားရေးပူးပေါင်းမှု ညောင်နှစ်ပင်စက်မှုဇုန် စတင်တည်ထောင်ခြင်း အခမ်းအနားကို LH မှရန်ကုန်ဌာနေ ကိုယ်စားလှယ် မစ္စတာ ရှင်ဟျိုဆော့နှင့် ဆောက်လုပ်ရေးဝန်ကြီးဌာနမှ ဒုတိယညွှန်ကြားရေးမှူးချုပ် ဒေါ်မီမီတင်တို့က အခမ်းအနားဖွင့်လှစ်ပေးခဲ့သည်။

ယင်းအခမ်းအနားတွင် ကိုရီးယားသမ္မတ မွန်ဂျေအင်းနှင့်မြန်မာနိုင်ငံမှ ဒုတိယသမ္မတ ဦးမြင့်ဆွေ၊ပြည် ထောင်စုဝန်ကြီးဦးဟန်ဇော်နှင့်ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းတို့က မြန်မာ-ကိုရီးယား စီးပွား ရေးပူးပေါင်းမှု ညောင်နှစ်ပင်စက်မှုဇုန် စတင်တည်ထောင်ခြင်း အထိမ်းအမှတ်အဖြစ် ပန္နက်တင်ပေးခဲ့သည်။ Lotte ဟိုတယ်တွင်ပြုလုပ်ခြင်းဖြစ်သော်လည်း ညောင်နှစ်ပင်စက်မှုဇုန်တွင် ပန္နက်ရိုက်သည့်သဘောဖြစ်ကြောင်း သိရသည်။

ထိုအခမ်းအနားတွင် UMFCCIသည်Worri Financial Group, Korea Inter- national Trade Association (KITA) တို့နှင့်လည်းကောင်း၊ မြန်မာ SME-Development Bank သည် ကိုရီးယား Industrial Bank of Korea နှင့် နားလည်မှုစာချွန်လွှာလက်မှတ်ရေးထိုးခဲ့ကြောင်းသိရသည်။

ကိုမေတ္တာ (တောင်ပေါ်သား) မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com