ၾသစေတးလ်ႏိုင္ငံ၊ မဲလ္ဘုန္းတြင္ ျပည့္တန္ဆာေနအိမ္တစ္လံုး စက္တင္ဘာ ၆ ရက္တြင္ ေလလံတင္ေရာင္းခ်မည္

### Zawgyi Version ###

ၾသစေတးလ်ႏိုင္ငံ၊ မဲလ္ဘုန္းတြင္ အေရာင္းေစ်းကြက္တင္ထားေသာ ျပည့္တန္ဆာေနအိမ္တစ္လံုး ေလလံတင္ေရာင္းခ်ရန္ စီစဥ္ထားေၾကာင္း ၾသစေတးလ်အေျခစိုက္ အိမ္ျခံေျမသတင္းဝက္ဘ္ဆိုက္တစ္ခုတြင္ ေဖာ္ျပသည္။

ေရာင္းခ်သူမွာ Exclusive Photography ကိုတည္ေထာင္သူ နာမည္ေက်ာ္ ဓာတ္ပံုဆရာ ရွိန္း မိုႏိုပိုလီျဖစ္သည္။

မစၥတာရွိန္း၏ ျပည့္တန္ဆာအေဆာက္အအံုမွာ မဲလ္ဘုန္းျမိဳ ႔၊ ေကာ့ပင္လမ္း၊ အမွတ္ ၂၃၄ တြင္ တည္ရွိျပီး ေရာင္းခ်ရာတြင္ ေဒၚလာ ၁ ဒသမ ၆ သန္းမွ ၁ ဒသမ ၇၅ သန္း (ၾသစေတးလ်ေဒၚလာ) ၾကား ရရွိမည္ဟု ၎ကခန္႔မွန္းထားသည္။

၁၈၀၀ ျပည့္လြန္ကာလမ်ားက ဝိတိုရိယ ဗိသုကာဟန္ျဖင့္ ေဆာက္လုပ္ခဲ့သည့္ အဆိုပါအေဆာက္အအံုကို မစၥတာရွိန္းက တစ္ႏွစ္ခြဲခန္႔ အခ်ိန္ယူကာ ျပဳျပင္မြမ္းမံမႈမ်ားျပဳလုပ္ခဲ့သည္။

အဆိုပါအေဆာက္အအံုသည္ မဲလ္ဘုန္းတြင္ ပထမဆံုး တရားဝင္ခြင့္ျပဳခ်က္ရခဲ့သည့္ ျပည့္တန္ဆာအိမ္မ်ားတြင္ တစ္ခု အပါအဝင္လည္း ျဖစ္သည္။

မစၥတာရွိန္းက သူ၏ ဓာတ္ပံုလုပ္ငန္းအတြက္ အေျခစိုက္ေနရာအျဖစ္ အသံုးျပဳရန္ ဝယ္ယူခဲ့ျခင္းျဖစ္ျပီး အယ္လ္တန္ဂၽြန္၊ ဂ်ဳန္း ေရးဗားစ္ႏွင့္ အိုလီဗီယာ နယူတန္ ဂၽြန္တို႔ကဲ့သို႔ ၾကယ္ပြင့္မ်ား၏ ဓာတ္ပံုမ်ား ရိုက္ကူးခဲ့ဖူးသည္။

ယခုအခါတြင္မူ မစၥတာရွိန္း၏ လုပ္ငန္းမွာ ၾကီးမားလာေသာေၾကာင့္ ပိုမိုက်ယ္ဝန္းသည့္ စတူဒီယိုေနရာ လိုအပ္သည့္အတြက္ ျပန္လည္ေရာင္းခ်ျခင္း ျဖစ္သည္။

မစၥတာရွိန္းက ၂၀၁၇ အေစာပိုင္းတြင္ ေဒၚလာ ၁ ဒသမ ၁၀၂ သန္းျဖင့္ ဝယ္ယူခဲ့ျခင္းျဖစ္ျပီး အေဆာက္အအံုၾကီးတြင္ Club 234 ဟူသည့္ ဆိုင္းဘုတ္ရွိေနကာ အခန္းမ်ားတြင္လည္း “သာယာၾကည္ႏူး” “အကုသိုလ္” ႏွင့္ “တဏွာရာဂ” ဟူေသာ ဆိုင္းဘုတ္မ်ား ခ်ိတ္ဆြဲထားသည္။

မစၥတာရွိန္းဝယ္ယူခဲ့ခ်ိန္က အေဆာက္အအံုၾကီးမွာ ေနရာမ်ားစြာ ပ်က္စီးယိုယြင္းေနခဲ့သည္။

ကြဲေနေသာ မွန္မ်ား၊ အေပါက္မ်ားျဖစ္ေနေသာ မ်က္ႏွာၾကက္၊နံရံမ်ား၊ အနံ႔ဆိုးထြက္ေနေသာ ေကာ္ေဇာ၊ ရာႏွင့္ခ်ီေသာ အပ္မ်ား၊ ေတာင္ပံုရာပံုျဖစ္ေနေသာ အမိႈက္အိတ္မ်ားျဖင့္ အတိျဖစ္ေနျပီး ဓာတ္အားလိုင္းမ်ားလည္း ျပတ္ေတာက္ေနေၾကာင္း မစၥတာရွိန္းက ေျပာၾကားသည္။

အေဆာက္အအံုကို ဝယ္လိုက္ျခင္းမွာ ရူးႏွမ္းျခင္းသာျဖစ္ေၾကာင္း အားလံုးက ေျပာခဲ့ျပီး ၎၏ ဇနီးကသာ အားေပးေထာက္ခံေဖးမေပးခဲ့သည္ဟု ဆိုသည္။ ယင္းေနာက္ မစၥတာရွိန္းက အေဆာက္အအံုတစ္ခုလံုးကို အေသးစိတ္ျပန္လည္မြမ္းမံခဲ့သည္။

RT Edgar Hawthorn အိမ္ျခံေျမကုမၸဏီမွ တဆင့္ စက္တင္ဘာ ၆ ရက္ေန႔၊ ေဒသစံေတာ္ခ်ိန္ မြန္းလြဲ ၁ နာရီတြင္ ေလလံတင္ရန္ စီစဥ္ထားသည္ဟု ဆိုသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

သြစတေးလျနိုင်ငံ၊ မဲလ်ဘုန်းတွင် အရောင်းဈေးကွက်တင်ထားသော ပြည့်တန်ဆာနေအိမ်တစ်လုံး လေလံတင်ရောင်းချရန် စီစဉ်ထားကြောင်း သြစတေးလျအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ရောင်းချသူမှာ Exclusive Photography ကိုတည်ထောင်သူ နာမည်ကျော် ဓာတ်ပုံဆရာ ရှိန်း မိုနိုပိုလီဖြစ်သည်။

မစ္စတာရှိန်း၏ ပြည့်တန်ဆာအဆောက်အအုံမှာ မဲလ်ဘုန်းမြို့၊ ကော့ပင်လမ်း၊ အမှတ် ၂၃၄ တွင် တည်ရှိပြီး ရောင်းချရာတွင် ဒေါ်လာ ၁ ဒသမ ၆ သန်းမှ ၁ ဒသမ ၇၅ သန်း (သြစတေးလျဒေါ်လာ) ကြား ရရှိမည်ဟု ၎င်းကခန့်မှန်းထားသည်။

၁၈၀၀ ပြည့်လွန်ကာလများက ဝိတိုရိယ ဗိသုကာဟန်ဖြင့် ဆောက်လုပ်ခဲ့သည့် အဆိုပါအဆောက်အအုံကို မစ္စတာရှိန်းက တစ်နှစ်ခွဲခန့် အချိန်ယူကာ ပြုပြင်မွမ်းမံမှုများပြုလုပ်ခဲ့သည်။

အဆိုပါအဆောက်အအုံသည် မဲလ်ဘုန်းတွင် ပထမဆုံး တရားဝင်ခွင့်ပြုချက်ရခဲ့သည့် ပြည့်တန်ဆာအိမ်များတွင် တစ်ခု အပါအဝင်လည်း ဖြစ်သည်။

မစ္စတာရှိန်းက သူ၏ ဓာတ်ပုံလုပ်ငန်းအတွက် အခြေစိုက်နေရာအဖြစ် အသုံးပြုရန် ဝယ်ယူခဲ့ခြင်းဖြစ်ပြီး အယ်လ်တန်ဂျွန်၊ ဂျုန်း ရေးဗားစ်နှင့် အိုလီဗီယာ နယူတန် ဂျွန်တို့ကဲ့သို့ ကြယ်ပွင့်များ၏ ဓာတ်ပုံများ ရိုက်ကူးခဲ့ဖူးသည်။

ယခုအခါတွင်မူ မစ္စတာရှိန်း၏ လုပ်ငန်းမှာ ကြီးမားလာသောကြောင့် ပိုမိုကျယ်ဝန်းသည့် စတူဒီယိုနေရာ လိုအပ်သည့်အတွက် ပြန်လည်ရောင်းချခြင်း ဖြစ်သည်။

မစ္စတာရှိန်းက ၂၀၁၇ အစောပိုင်းတွင် ဒေါ်လာ ၁ ဒသမ ၁၀၂ သန်းဖြင့် ဝယ်ယူခဲ့ခြင်းဖြစ်ပြီး အဆောက်အအုံကြီးတွင် Club 234 ဟူသည့် ဆိုင်းဘုတ်ရှိနေကာ အခန်းများတွင်လည်း “သာယာကြည်နူး” “အကုသိုလ်” နှင့် “တဏှာရာဂ” ဟူသော ဆိုင်းဘုတ်များ ချိတ်ဆွဲထားသည်။

မစ္စတာရှိန်းဝယ်ယူခဲ့ချိန်က အဆောက်အအုံကြီးမှာ နေရာများစွာ ပျက်စီးယိုယွင်းနေခဲ့သည်။

ကွဲနေသော မှန်များ၊ အပေါက်များဖြစ်နေသော မျက်နှာကြက်၊နံရံများ၊ အနံ့ဆိုးထွက်နေသော ကော်ဇော၊ ရာနှင့်ချီသော အပ်များ၊ တောင်ပုံရာပုံဖြစ်နေသော အမှိုက်အိတ်များဖြင့် အတိဖြစ်နေပြီး ဓာတ်အားလိုင်းများလည်း ပြတ်တောက်နေကြောင်း မစ္စတာရှိန်းက ပြောကြားသည်။

အဆောက်အအုံကို ဝယ်လိုက်ခြင်းမှာ ရူးနှမ်းခြင်းသာဖြစ်ကြောင်း အားလုံးက ပြောခဲ့ပြီး ၎င်း၏ ဇနီးကသာ အားပေးထောက်ခံဖေးမပေးခဲ့သည်ဟု ဆိုသည်။ ယင်းနောက် မစ္စတာရှိန်းက အဆောက်အအုံတစ်ခုလုံးကို အသေးစိတ်ပြန်လည်မွမ်းမံခဲ့သည်။

RT Edgar Hawthorn အိမ်ခြံမြေကုမ္ပဏီမှ တဆင့် စက်တင်ဘာ ၆ ရက်နေ့၊ ဒေသစံတော်ချိန် မွန်းလွဲ ၁ နာရီတွင် လေလံတင်ရန် စီစဉ်ထားသည်ဟု ဆိုသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)